Marki 12:40 - LAWA A BOO SONBORE

⁴⁰ Maǹ mɛnɛɛ lɔ giɔɔrɔn la ǹ tá ǹ gɔn màn yii sii ǹ la, ǹ wusoo ǹ wo Lawa nyankɔ ǹ belebɔ la, ka ǹ sii zɛnaa wa. Ǹ nɔmaa dɔ n die gole koe a kɔnpɛ ka ǹ zɛnaa ǹ siin ni.»

LAWA A BOO SONBORE 2011

⁴⁰ Maǹ mɛnɛɛ lɔ giɔɔrɔn la ǹ tá ǹ gɔn màn yii sii ǹ la, ǹ wusoo ǹ wo Lawa nyankɔ ǹ belebɔ la, ka ǹ sii zɛnaa wa. Ǹ nɔmaa dɔ n die gole koe a kɔnpɛ ka ǹ zɛnaa ǹ siin ni.»

Marki 12:40 ပူးပေါင်းရင်းမြစ်များ

Ezekieli 22:25

Kiwi lɛ a Lawa a boo gii-dalin nə́ kɔn ma boo-a. Ká yàra bɛ́ siĩ soɛ̃ lɔn, á n wɔɔsaa we la, ǹ dɔn man minin dii miɛ̃, ǹ nə́ ǹ wɔrɔ laanka ǹ gɔn mànan goɛ. Maǹ lɔ giɔɔrɔn gialaa ǹ mɔnɛɛ kiwi lɛ nɛ.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:14

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n mɛnɛɛ lɔ giɔɔrɔn la ka tá ǹ gɔn màn yii sii ǹ la, bɛ̀ ka wusoo ka wo Lawa nyankɔ ka belebɔ la, ka ka sii zɛnaa wa. Bɛ lɛ taman yii, Lawa á die dɔlɔ gole boe ka ganaa.]

Matiə 23:33

Kɔrɔkan tɔrɔn, min babaraan kɛn! Ka n die siɛ lɔn ka tɔn kanbaa Sɛtaan a piɛ a dɔlɔ kɛ ganaa?

Matiə 6:7

Bɛ̀ ka tá Lawa nyankoe, ka baran boo gigiã da, ka min kooron bɛ́ zɛnɛɛ lɔn wa. Maǹ taasɛ mà bɛ̀ ǹsɛn nə́ boo gigiã da, mà bɛ lɛ n toɛ Lawa nə n too kɔ ǹsɛn lon.

Marki 12:39

Bɛ̀ ǹ nə́ woo lɛsɔkɔn kion, bǎãn mɛnɛn bɛ́ yii, bɛn lɛn giãman nə kɔɔ̃nɛ ǹ ganaa. Màn-bii dadara bǎãn nɛ, giã ǹ bǎã sonboren man kɔɔ̃nɛ ǹ ganaa.

Luku 20:47

Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

Korɛnti2 11:20

Ka ǹ lɛ koe mà ǹ ka lɛduə̃ ka bɛ̀rɛn bɛ́ lɔn, ǹ ka bebere ǹ ka gɔn mànan si ka la, ǹ ka yiri sã, ǹ ga ka ganaa màn bɔnboɛɛnɛn lɛa, ǹ ka dɛ ka yɔrɔ-a.

Timote2 3:6

Ǹ dinin kɛn lɛn tɛnɛn man nɛn bɛ̀ ǹ nə n dɔ lɔ yiri wɛɛnaan li kion, bɛ̀ ǹ nə ǹ bebele, ǹ nə ǹ kũ ka ǹ da ǹ boon ne. Sii baraa guĩ baa bɛa lɔn lɛn mìi ni. Maǹ bɔlɔ sɛ̀-mui sii tɔrɔ tumaa kio.