Marki 12:37 - LAWA A BOO SONBORE

³⁷ Davida dinmaa lɛ n bíi mà «asɛ a Dɛnaa.» A n siɛ lɔn ǹ tá taasɛ mà Minin Nyin-sili n Davida tɔrɔ lɛa dɔn? Zaman gigiã goã n too koe Yezu a boo lɛ ganaa parsiini.

LAWA A BOO SONBORE 2011

³⁷ Davida dinmaa lɛ n bíi mà «asɛ a Dɛnaa.» A n siɛ lɔn ǹ tá taasɛ mà Minin Nyin-sili n Davida tɔrɔ lɛa dɔn? Zaman gigiã goã n too koe Yezu a boo lɛ ganaa parsiini.

Marki 12:37 ပူးပေါင်းရင်းမြစ်များ

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 21:45

Lawa a wúlu-bɔlen goledɛnan laanka *Fariziɛ̃n bɛ́ ǹ nə́ bɛa a boo giməə kɛn lɛn ma, ǹ nə́ dɔ̃ mà Yezu na á ǹ da ǹsɛn dinin ganaa.

Matiə 21:46

Ǹ nə́ goã giɛ a kũ ǹ gɔn li, sɛnɛ, ǹ nə́ nyɛ́ɛ baa zaman nɛ, a giala minin man giɛ Yezu ganaa Lawa a boo gii-dali lɛa.

Luku 19:48

Sɛnɛ, ǹ goã doɛ̃ ǹ bɛ́ re siɛ lɔn wa, a giala, zaman lɛ na á goã n too koe a lon ka ǹ parsii ni.

Luku 21:38

Baayɛlɛ yiisoone, zaman lɛ tumaa na á goã die a li Lawa a kion, ǹ nə n too kɔ a boo ganaa.

Zaã a sɛ́wɔ 12:9

Zuifu gigiã bɔ a siére-a mà Yezu tá Betaanii. Bɛ lɛ nɛ, ǹ nə́ woo mà ǹsɛn yii Yezu dinmaa yɛ, a Lazaarɛ mɛn dɔ yii kaa á bɔ geren bii, ǹsɛn nə bɛ dɔ yɛ.

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.