Marki 11:33 - LAWA A BOO SONBORE

³³ Ǹ nə́ tɔ́n pɛ Yezu ni mà ǹsɛn ba doɛ̃ wa. Yezu tɔ́n pɛ ǹ nɛ: «Bɛ̀ ka a doɛ̃ wa, min mɛn bɛ́ á siin kɛn lɛn zɛnaa ǹ lɛ kɔ ma la, ma dɔ a bɛa dɛnaa pii ka-n wa.»

LAWA A BOO SONBORE 2011

³³ Ǹ nə́ tɔ́n pɛ Yezu ni mà ǹsɛn ba doɛ̃ wa. Yezu tɔ́n pɛ ǹ nɛ: «Bɛ̀ ka a doɛ̃ wa, min mɛn bɛ́ á siin kɛn lɛn zɛnaa ǹ lɛ kɔ ma la, ma dɔ a bɛa dɛnaa pii ka-n wa.»

Marki 11:33 ပူးပေါင်းရင်းမြစ်များ

Zɔbu 5:13

A n sii-dɔ̃lin kuĩ ka ǹ dinin zɛnaa ǹ sii ni. Baraa-zɛnaalin sii yɔrɔ bɔ a giala yii wa.

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Izayii 56:10

Izirayeli a wɔlɔ-lɛduə̃lin tumaa n yii tere-an lɛa. Ǹ ba sii kɔn doɛ̃ wa. Ǹ tumaa n gin lɛ tere-an lɛa, ǹ ba boe la ǹ tá gisĩ dinin wa. Maǹ waa-n tán ǹ nə́ n narɛ. Nyuù n kɔɔ̃nɛ ǹ ganaa.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Matiə 16:4

Pelo min babaraan, Lawa bɔlɔ tii wolen kɛn ka n giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa. Bɛ kio, á kiɛ̃ á ǹ toa walan.»

Matiə 21:27

Ǹ nə́ tɔ́n pɛ Yezu ni: «Wɔsɛn ba doɛ̃ wa.» Yezu dɔ́ tɔ́n pɛ ǹ dɔn manɛ: «Bɛ̀ ka a doɛ̃ wa, min mɛn bɛ́ á siin kɛn lɛn zɛnaa ǹ pàã kɔ ma la, masɛ dɔ a bɛa dɛnaa pii ka-n wa.»

Marki 11:32

Bɛ̀ wɔ́ pɛ wáa minbuiinin man nə́ dia, haya...! Ǹ nə́ goã nyɛ́ɛ biɛ zaman lɛ nɛ, a giala, min tumaa n taasɛ mà ZAÃ n Lawa a boo gii-dali lɛa taãn-taãnɛ.

Marki 12:1

Bɛ kio, Yezu boo giməə da ǹ nɛ, á pɛ: – Giĩ goon na á wuru bɔ, á da nɛ-kɔle zumu a nɛ, a tɔ mà rezɛ̃, á kungɔn dɔ a ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa á ǹ kaa nɛ, á tɔ́n woo zii ni.

Zaã a sɛ́wɔ 3:10

Yezu tɔ́n pɛ nɛ: «Ma n Izirayeli minin darɛɛ, a da yaa n ba bɛa siin kɛn doɛ̃ wa!

Zaã a sɛ́wɔ 9:27

Giĩ lɛ tɔ́n pɛ ǹ nɛ kɛnɛn: «Má a yɔrɔ pɛ ka nɛ á nya dɔn, sɛnɛ, ka bɛ́ ka n too kɔ masɛ lon wa! Wàa na á baa ka tá li ka ma doo? Hinlaa ka dɔn man giɛ li, ka n baa a kialandɛnan lɛa dinin hɛ̃!»

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Korɛnti2 3:15

Haalɛ tɔn pelo, bɛ̀ ǹ tá Muizu a sɛ́wɔn kɛn pii lɔn, a n ka tapara lɛ nə n koe ǹ siã.