Marki 11:14 - LAWA A BOO SONBORE

¹⁴ Yezu tɔ́n pɛ gɔ́rɔ da lɛ nɛ: «Lawa baran toa n nɛ wɔ min lɛ-n doo ka duduu wa!» A kialandɛnan lɛn ná a boo lɛ ma.

LAWA A BOO SONBORE 2011

¹⁴ Yezu tɔ́n pɛ gɔ́rɔ da lɛ nɛ: «Lawa baran toa n nɛ wɔ min lɛ-n doo ka duduu wa!» A kialandɛnan lɛn ná a boo lɛ ma.

Marki 11:14 ပူးပေါင်းရင်းမြစ်များ

Matiə 21:19

Á gɔ́rɔ da kɔ́n yɛ zii para-a, á kanaa á ga ǹ dan la, a màn kɔ́n yɛ wa, bɛ̀ á n bɔ a luu ni. Yezu tɔ́n pɛ gɔ́rɔ da lɛ nɛ: «Nsɛ kɛ a nɛ koe doo duduu wa.» A din bǎã-n gɔrɔ, gɔ́rɔ da lɛ laa.

Matiə 21:33

Ka n too kɔ boo giməə kɔsɔ li. Giĩ goon na á wuru bɔ, á da nɛ-kɔle zumu a nɛ, a tɔ mà *rezɛ̃ da, á kungɔn dɔ, á ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa, á ǹ koa a li, á woo zii ni.

Matiə 21:44

Bɛ̀ min mɛn bɔ á mɛnaa bɛa kɔlɔ kɛ lɛ la, ǹ dɛnaa gù yii n yiyiɛ. Bɛ̀ á bɔ á mɛnaa min mɛn la, a n bɛa dɛnaa yɔyɔrɛ.]

Matiə 3:10

«Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Matiə 7:19

Da mɛn din tumaa bɛ́ a ba nɛ sonbore koe wa, bɛ lɛ nə n kukuri a n kaa tɛ-n.

Marki 11:13

A bɛ́ tiãlɛa, á gɔ́rɔ da goon yɛ, luu ná a ganaa. Á woo ga a ganaa, mà kɔntan, mà asɛ á die nɛ yii la. A bɛ́ á woo á dɔ da lɛ li, á luu dinsɔɔ̃ yɛ a ganaa, a giala, a nɛ kɔ biikoo bie wa.

Marki 11:15

Ǹ bɛ́ ǹ nə́ dɔ Zeruzalɛmu, Yezu wɔ Lawa a kion, a ná a giala kɔ á pii-kɔlen laanka màn-piilin loo. Á wɔrɔ-lonkɔlen tabalan nyanaa á n lɛ kuməə tán, á zɛrɛkantoan-sãlin dankanan lɛ kuməə tán.

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Piɛrɛ2 2:20

Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Sii-nyaan 22:11

Bɛ̀ min mɛn tá kɔkɔrɔ, bɛ goã kɔkɔrɔ, min mɛn bɛ́ gɔgɔrɛ, bɛ dɔ goã gɔgɔrɛ. Sɛnɛ, min mɛn bɛ́ pepere, bɛ goã pepere, min mɛn dɔ bɛ́ min sonbore lɛa, bɛ dɔ goã min sonbore lɛa.»