Marki 10:17 - LAWA A BOO SONBORE

¹⁷ Yezu bɛ́ á mɛ zii la á n woe, giĩ goon baa si á daa kaa tán a giulun á nɔ̀n da la kɛnɛn: «Mìinaa sonbore, masɛ doamaa-n ma wàa zɛnaa ma tɔn nyin nyabaã yɛ?»

LAWA A BOO SONBORE 2011

¹⁷ Yezu bɛ́ á mɛ zii la á n woe, giĩ goon baa si á daa kaa tán a giulun á nɔ̀n da la kɛnɛn: «Mìinaa sonbore, masɛ doamaa-n ma wàa zɛnaa ma tɔn nyin nyabaã yɛ?»

Marki 10:17 ပူးပေါင်းရင်းမြစ်များ

Matiə 17:14

Ǹ bɛ́ ǹ nə́ dɔ zaman lɛ li walan, giĩ goon nə́ n zɔ̃ á dɔ Yezu li, á kaa tán-a a giulun,

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 28:8

Ǹ nə́ n nanaa, ǹ nə́ n bɔ yala lɛ lɛ-a, nyɛ́ɛ nə́ ǹ ganaa taãn-taãnɛ, nyɛnyɛɛ gole dɔ nə́ ǹ foo ne. Ǹ nə́ baa si ǹ nə́ woo boo lɛ pɛ Yezu a kialandɛnan manɛ.

Marki 1:40

Giĩ goon ne, gɔ̀nɔn busu babaraa goã a ganaa, á daa Yezu li, á kaa tán a giulun, a ná a nyankɔ parsiini á pɛ: «Bɛ̀ n tá li, n tá boe la n maa busu nya.»

Marki 10:18

Yezu tɔ́n pɛ nɛ: – Wàa na á baa n tá masɛ bíi min sonbore? Bɛ̀ á n bɔ Lawa nɛ, min kɔ́n ba min sonbore lɛa wa.

Marki 12:14

Ǹ nə́ woo ǹ nə́ nɔ̀n da la kɛnɛn: «Mìinaa, wɔsɛn tá doɛ̃, wáa n tá sonbore pii, minbuiinin bɛ́ màn mɛn taasɛ, n ba nyɛ́ɛ biɛ bɛ-n wa, a giala, n ba minin bɔkɔnlɛ we wa, sɛnɛ, ma n minin darɛɛ Lawa a zii ganaa ka peperebaa nɛ. Á siĩni wɔ nyin giɔ̀mɔ saraa Rɔmun kii gole gole la hinlaa, wɔ baran saraa wa?»

Marki 9:25

Yezu bɛ́ á yɛ zaman nə́ tɔn nə n nanaɛ die ǹ li, á paraa nɔ̀ɔnɔn lɛn li, á pɛ ǹ nɛ: «Kasɛn mɛnɛn bɛ́ min kurii boo diɛ laanka boo ma ganaa, man pii ka nɛ, máa ka woo ka n bɔ nɛ kɛ lɛ nɛ, ka nyan toa ka da a ganaa doo duduu wa!»

Luku 10:25

Á ke, landa sii-daraali goon na á yoo, á boo da á n da Yezu gɔ́ɔ̃ li á pɛ: «Mìinaa, masɛ doamaa nɛ ma wàa zɛnaa, masɛ tɔn nyin nyabaã yɛ saraa lɛa?»

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Zaã a sɛ́wɔ 5:39

Ka ǹ Lawa a boo gɔsiɛ, a giala, ka ǹ taasɛ mà bɛ lɛ n toɛ kasɛn nə nyin nyabaã yɛ. A din Lawa a boo kɛ lɛ n siére lɛa masɛ wɔ gɔn la,

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Nya ǹ dín 16:30

Á pɛ ǹ nɛ mà ǹ soo, bɛ kio á tɔ́n pɛ ǹ nɛ: «Giĩn lɛn, masɛ doamaa nɛ ma wàa mɛn zɛnaa ma tɔn kirisibaa?»

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Nya ǹ dín 9:6

Sɛnɛ, yoo, n wɔ kiwi, n doamaa bɛ́ nɛ n sii mɛn zɛnaa, ǹ tá re bɛ pii n ni walan.»

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Tiitii 3:7

Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Piɛrɛ1 1:4

A n yii-n kɔn-a ka bǐɛ̃n kɛn dɔn nɛ, Lawa nə́ ǹ zɛnaa, á ǹ koa lon gɔrɔ a din a zaman kɛ nɛ, mà ǹ na a wɔn baa. Bɛa bǐɛ̃n kɛn lɛn ba boe la ǹ ziziɛ̃ wa, ǹ ba tii wa, ǹ siĩnbaa dɔ a nyɛɛ wa.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.