Marki 1:21 - LAWA A BOO SONBORE

²¹ Yezu laanka a kialandɛnan nə́ woo Kafaranaamu kiwi. *Susu ǹ pii pinaa Yezu woo Zuifun lɛsɔkɔn kion, a ná a giala kɔ á minin daraa.

LAWA A BOO SONBORE 2011

²¹ Yezu laanka a kialandɛnan nə́ woo Kafaranaamu kiwi. *Susu ǹ pii pinaa Yezu woo Zuifun lɛsɔkɔn kion, a ná a giala kɔ á minin daraa.

Marki 1:21 ပူးပေါင်းရင်းမြစ်များ

Matiə 4:13

A golee Nazarɛti kiwi wa. A na á kiɛ̃ á woo giã Kafaranaamu. Bɛ n Galilee tà lɛkoro-a ǹ kiwi goon lɛa, Zabulɔn laanka Nɛfutalii gána nɛ.

Matiə 4:23

Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Marki 1:20

Bɛa bǎã-n gɔrɔ, Yezu lɛ dia ǹ la. Ǹ nə́ ǹ di Zebedee laanka a dí-nyalin toa tà kuru ǹ goo lɛ gɔ́ɔ̃ nɛ, ǹ nə́ kɔ lɛ.

Marki 1:29

Yezu a soo kio Zuifun lɛsɔkɔn kion gɔrɔ, a laanka Zaaki ni ka ZAÃ nɛ, ǹ nə́ woo Simɔn laanka Andre a kion.

Marki 1:33

Kiwi minin tumaa dan ǹ lɛ sɔkɔn kiɛnlɛ-a.

Marki 1:39

Bɛ lɛ taman yii, á n bibiə̃ Galilee gána din tumaa nɛ, á goã Lawa a boo pii Zuifun lɛsɔkɔn kionən ne, bɛ̀ a nɔ̀ɔnɔn loo a ǹ bɔ minin ganaa.

Marki 10:1

Yezu soo á n bɔ walan, á woo Zudee gána nɛ. Bɛ kio, á woo Zurdɛ̃ tà kio. Zaman gigiã daa n lɛ sɔkɔn a li walan dɔ nɛ, á goã ǹ darɛɛ doo ka a bɛ́ zɛnɛɛ lɛlɛ lɔn.

Marki 2:1

Lɛawaa paa bɛ kio, Yezu wusoo á daa Kafaranaamu kiwi. Minin nə́ ma mà a tá piɛ.

Marki 3:1

Yezu wusoo á woo Zuifun lɛsɔkɔn kion. Giĩ gɔn goon gere-a kɔ́n dɔ́ goã ǹ lɛsɔkɔn kion lɛ-n bɛa pinaa.

Marki 6:2

*Susu ǹ pii pinaa, á yoo á minin daraa Zuifun lɛsɔkɔn kion. Min gigiã mɛn tumaa na a lɛ ma, bɛn nə́ n kaãbaa parsiini, ǹ nə́ goã pii: «Eebe, a n boe ka kɛ-n maa? Die na á yiridɛnaabaa kɛ kɔ la? Wàa ǹ kaãbaa ǹ siin man kɛn nɛ a tá ǹ zɛnɛɛ?

Luku 10:15

Nsɛ Kafaranaamu kiwi ganaa, ma n taasɛ mà n tá re gole koe, yǎa n doe Lawa ganaa? Haayii! N tá re gisĩ yaa bɔ̀nbaa ǹ tɛ gole kɛ nɛ.»

Luku 13:10

Yezu na á goã minin darɛɛ lɛsɔkɔn kion Zuifun *susu ǹ pii pinaa.

Luku 4:16

Yezu bɛ́ á too Nazarɛti kiwi mɛn nɛ, á wusoo á daa walan. Zuifun *susu ǹ pii pinaa, a kɔnpɛ ka Yezu a lɛ mui sii ni, á wɔ lɛsɔkɔn kion. Á yoo a n die Lawa a boo sɛ́wɔ pii.

Luku 4:23

Yezu tɔ́n pɛ ǹ nɛ: «Ma á doɛ̃ máa ka ǹ die suusu kɛ lɛ diɛ masɛ ganaa: Dagòã-dali, n din a busu nya bɔrɔ. Siin mɛnɛn yii nə n zɛnaa Kafaranaamu kiwi, wɔ́ ǹ ma, bɛ lɛ miã dɔ zɛnaa n din a piɛ kəni.»

Nya ǹ dín 17:2

A kɔnpɛ ka a lɛ-mui sii ni, Pooli woo Zuifun lɛn yaa, á *susu ǹ pii sɔɔ zɛnaa kɔn kio, bɛ̀ a Lawa a sɛ́wɔ gɔ́ɔ̃ ǹ boo pɛ ǹ nɛ.

Nya ǹ dín 18:4

*Susu ǹ pii tumaa li, á goã boo diɛ lɛsɔkɔn kion, á n giɛ li mà Zuifun laanka Grɛkin nə golee Yezu li.