Malakii 3:8 - LAWA A BOO SONBORE

⁸ Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

LAWA A BOO SONBORE 2011

⁸ Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Malakii 3:8 ပူးပေါင်းရင်းမြစ်များ

Loen 29:2

Ka Dɛnaa Lawa tɔ kɛa gugurubaa kɔ la. Bɛ̀ ká Dɛnaa Lawa a siĩnbaa kɛ yɛ lɔn, ka kaa tán a giulun ka a guguru kɔ.

Suusun 11:24

Bɛ̀ min gɔn tá siɛ parsiini, màn nə miɛ a naforo li. Min mɛnɛn gɔn bɛ́ kaka, màn nə miɛ ǹ dɔn doobaabaa li.

Izayii 43:23

A da yaa n bie n goã tɔɔ bisin koe masɛ la *wúlu màn tiɛ̃ lɛa wa. N masɛ guguru kɔ ka wúlu mànan nɛ wa. Ma n baa bɛ̀rɛ lɛa má gɔn màn liɛ n la wa. Ma n nɔmaa má màn gìĩ kɔɔ̃n sii n la wa.

Lawa a wúlu-bɔlen 19:25

A lɛ̀ soorobaa ǹ wɔ kəni, ka á boe la ka na, ka na a nɛ bii. Bɛ̀ ka zɛnaa miɛ̃, bɛ lɛ n die toɛ, màn nə mɛ kaa da a nɛ kɔ li a woo. Masɛ din Dɛnaa Lawa n kaa Lawa lɛa.

Zakarii 5:3

Lon a dia dí-a wole lɛ tɔn pɛ ma-n kɛnɛn: – Lɛn baraa mɛn bɛ́ re n bíi gána tumaa li, bɛ lɛ n ka kɛ nɛ. Sɛ́wɔ munii lɛ a yɔrɔ goon la, a n kiɛ̃ nɛ mà wurumu tumaa n die n lui ǹ nə n bɔ gána lɛ nɛ. A yɔrɔ goon kɛ dɔ la, a n kiɛ̃ nɛ mà min mɛnɛn bɛ́ n liɛ soɛ la, mà ǹ tá re bɛn dɔn lui ǹ nə ǹ bɔ gána lɛ nɛ.

Malakii 1:13

Ka n pii dinin: «Kɛa nɔmaa lɛa.» Ka masɛ Dɛnaa Lawa Pàãyiidɛnaa da ka gɔn dɔ̀ɔ̃ nɛ. Ka tɔɔn mɛnɛn koã, ǹ mɛnɛn bɛ́ gisiĩ ka á bɔlɔkan nɛ ka n bɛn koe masɛ la. Man siɛ lɔn ma tɔn bɛa wúlu màn kɛ miã si? Man nɔ̀n diɛ ka la.

Malakii 1:8

Bɛ̀ ka daa tɔɔ yii tere-a nɛ, tɔɔ mɛn bɛ gisiĩ hinlaa tɔɔ bɔlɔka kɔ ma la *wúlu màn lɛa ka n taasɛ mà á siĩni? Bɛ̀ ka bɛa tɔɔ kɛ lɛ miã kɔ kaa gánadɛnaa la, ka á taasɛ mà a foo á re kɔɔ̃n koe a lɛ kɔ a sii zɛnaa kaa lɛa? Man nɔ̀n diɛ ka la masɛ Dɛnaa Lawa Pàãyiidɛnaa.

Matiə 22:21

Ǹ nə́ tɔ́n pɛ nɛ: «Kii Gole kɛ nɛ.» Yezu tɔ́n pɛ ǹ nɛ: «Màn mɛn bɛ́ kii wɔ lɛa, ka bɛ kɔ kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.»

Marki 12:17

Yezu tɔ́n pɛ ǹ nɛ: «Màn mɛn bɛ́ Kii wɔ lɛa, ka bɛ kɔ Kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.» Bɛa boo lɛ kaãbaa da ǹ ganaa parsiini.

Luku 20:25

Yezu tɔ́n pɛ ǹ nɛ: «A bɛ́ miɛ̃, màn mɛn bɛ́ kii wɔ lɛa, ka bɛ kɔ kii la, ǹ mɛn dɔ bɛ́ Lawa wɔ lɛa, ka bɛ kɔ Lawa la.»

Rɔmu minin 13:7

Ka doamaa bɛ́-n ka màn mɛn kɔ goledɛnan la, ka bɛ kɔ ǹ la. Ka nyin giɔ̀mɔ saraa ǹ la, ka wusuru kɔ ǹ la, ka nyɛ́ɛ baa ǹ nɛ, ka ǹ guguru kɔ. Ka doamaa bɛ́ nɛ, ka màn mɛn kɔ ǹ la, ka bɛ kɔ ǹ la.

Rɔmu minin 2:22

N mà ǹ baran naarɛbaa zɛnaa wa, n din nə zɛnɛɛ. N ba giɛ li n dì gìĩ ma wa, sɛnɛ, ma na a *wúlu bɔ ǹ bǎã mànan goɛ.

Zozoe 7:11

Izirayeli minin lɛn man nə́ sii baraa zɛnaa. Ma ǹ kurəə sii mɛn a zɛnaa ganaa, maǹ nə́ bɛ zɛnaa. Ma ǹ kurəə mànan mɛnɛn goa ganaa, maǹ nə́ bɛn goa. Maǹ nə́ ǹ koã dinin, ǹ nə́ ǹ duru, ǹ nə́ ǹ kaa kun ka ǹ mànan nɛ.