Malakii 3:5 - LAWA A BOO SONBORE

⁵ Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

LAWA A BOO SONBORE 2011

⁵ Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Malakii 3:5 ပူးပေါင်းရင်းမြစ်များ

Siin Giala 20:11

Abrahamu ná a lɛ si á pɛ: – Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii.

Siin Giala 42:18

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Zɔbu 31:12

Bɛa sii kɛ lɛ din nə tɛ lɛa, bɔ̀n diɛ min ganaa duduu. Bɛ̀ a n die ma gɔn màn tumaa ziziɛ̃ lenlen.

Zɔbu 7:2

A n ka bɛ̀rɛ bɛ́ lɔn, giɛ wúlu li mà asɛ nə n susu li. A n ka dí-nyali bɛ́ lɔn, n yii diɛ a saraa la.

Loen 36:1

LOE-saalin goledɛnaa loe mɛn lɔ. Dɛnaa Lawa a dí-nyali Davida a loe.

Loen 81:8

Ǹ bɛ́ boe n yii ni, n nə́ n lɛ dii, má n si má n da. Man toa piɛ̃ gole gɔ́ɔ̃ nɛ, má n nyankɔ si, Meribaa a mu yala bǎã nɛ, má n da n gɔ́ɔ̃ li.

Loen 96:13

Ǹ nə n nyɛnyɛɛ Dɛnaa Lawa lɛ yɔrɔ-a, a giala, mà á die. A n die a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ. A n zɛnɛɛ a kɔnpɛ ka sonbore ne.

Loen 98:9

Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.

Bɔ bɛ̀rɛbaa nɛ 1:17

Sɛnɛ, lɔ nɛ-yolen lɛn nə́ nyɛ́ɛ baa Lawa nɛ. Kii lɛ boo mɛn pɛ ǹ nɛ, ǹ sii lɛ zɛnaa á kɔnpɛ ka bɛ-n wa. Ǹ nə́ nɛgininin lɛn dɔn yii toa koo.

Bɔ bɛ̀rɛbaa nɛ 18:21

Sɛnɛ, bɛ tumaa kio, toa n min barkadɛnan dɔ̃ zaman lɛ bii, nyɛ́ɛ baa Lawa-n wolen lɛa, foo n doa nɛ ǹ ganaa. Ǹ bɛ́ ǹ ba boe la, ǹ min mɛnɛn lɛ pii wa, n bɛn bɔ, n nə ǹ koa zaman lɛ mìi la kiin lɛa, min duu gogoon (1 000) mìi la ka min paabibiɛ nɛ, ka min poposooro ne, ka min fùfù ni.

Bɔ bɛ̀rɛbaa nɛ 20:7

- N baran n Dɛnaa Lawa tɔ bíi sii kooron ganaa wa. A giala, masɛ Dɛnaa ba bɛa min kɛ toɛ dɔlɔ baã wa.

Bɔ bɛ̀rɛbaa nɛ 22:20

«Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 57:3

Sɛnɛ, kasɛn kɔnkoã nɛn lɛn, ka n zɔ̃ ka da kànaa. Ka tumaa n naarɛbaali laanka kɔrɔbaali nɛn lɛa.

Zeremii 23:10

Gána lɛ piɛ̃maa-n ka naarɛbaalin ni. Lɛn baraa taman yii, gána lɛ n gɛ̀ koa gɔ́ɔ̃ nɛ. Gána lɛ a bɔmɔ bǎãn tumaa laa. Maǹ baa sii sii baraa ganaa. Sii mɛn bɛ́ a siĩ-n wa, ǹ foo n tã ka bɛa zɛnaa nɛ.

Zeremii 27:10

Ǹ bɛ́ boo mɛn diɛ ka nɛ, soɛ nɛ. Bɛ̀ ka n too kɔ ǹ lon, ka wɔlɔ á re sɔsɔɔ koe kaa gána ganaa. Hiĩ, man die ka pɛsɛ̃ bǎã yii ni, ka gã walan.

Zeremii 27:9

Kasɛn, ka nyan nə n too kɔ kaa Lawa a boo gii-dalin lon wa, ǹ mɛnɛn bɛ́ biɛ̃ ǹ pii, narɛɛ giala-pɛlen ne, lon gɔ̀nɔn ganaa pɛlen ne, ka kɔ́lɔnbaalin ni. Maǹ pii ka nɛ, mà ka a re goɛ̃ Baabiloniin kii a pàã kɛ giulun wa.

Zeremii 29:23

Kɛa sii kɛ n die ǹ yii, a giala, maǹ nə́ sii bɔbɔnɛɛ zɛnaa Izirayeli gána nɛ, maǹ nə́ naarɛbaa zɛnaa ka ǹ miãn lɔn nɛ. Maǹ nə́ goã mà maǹ boo diɛ ka masɛ tɔ nɛ, sɛnɛ soɛ nɛ. A da yaa, ma màn kɔn pɛ ǹ nɛ wa. Ma tá a tumaa doɛ̃ ma tá a siére-a dɔn. Dɛnaa Lawa a da ǹ boo ne.

Zeremii 42:5

Ǹ nə́ pɛ Zeremii ni: «Dɛnaa Lawa, n Lawa bɛ́ re boo mɛn diɛ n nɛ, wɔ á re koe bɛ lɛ ka te. Dɛnaa Lawa die a n baa wɔa lɛ-kɔ lɛ a siére lɛa, siére taãn lɛa.

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Zeremii 5:29

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Lawa a wúlu-bɔlen 19:13

Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa.

Lawa a wúlu-bɔlen 20:10

Bɛ̀ giĩ mɛn naarɛbaa zɛnaa kun ka ǹ miã kɔsɔ a lɔ nɛ, giĩ mɛn naarɛbaa lɛ zɛnaa, a zɛnaa kun ka lɔ mɛn dɔ nɛ, ka ǹ paanan dɛ ǹ gã.

Lawa a wúlu-bɔlen 20:27

Bɛ̀ giĩ hinlaa lɔ tá boobaa ǹ dí nyɛɛ minin manɛ, ka kɔlɔ kaã bɔ ǹ ganaa, ka ǹ dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.

Misee 1:2

Haya, tɔrɔn tumaa, ka n too kɔ! Tán laanka màn mɛn tumaa bɛ́ la, ka n too kɔ doɛ̃! A giala, Dɛnaa Lawa n die yui ka gialaa. Dɛnaa din nə die n toɛ a kion sonbore kɛ nɛ, a yoo ka gialaa.

Abakuku 1:12

A kũ a giala kɔ waáraa ganaa, n din nə Dɛnaa Lawa lɛa. Maa Lawa nɛ n nɛ, n tá sonbore. Wɔ a re giɛ̃ wa. Dɛnaa Lawa, n din ni n Baabilonii minin bɔ mà ǹ kiri kuru wɔ la. N din nə maa gɛ̀fu kaka lɛa, n nə ǹ dia mà ǹ da dɔlɔ bɔ wɔ ganaa.

Zakarii 11:12

Má tɔ́n nə n toa ǹ ganaa kɛnɛn: «Bɛ̀ á kɔɔ̃n ka ganaa, ka maa saraa kɔ ma la, hinlaa, ka toa walan!» Ǹ nə́ tɔn maa saraa nimi, wɔrɔ we pɔsɔɔ, ǹ nə́ kɔ ma la.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Malakii 2:14

Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Luku 23:40

Sɛnɛ, goon kɛ na á goã sɛ̀ pii ǹ miã lɛ ganaa, a n pii: «N ba nyɛ́ɛ biɛ Lawa-n wa, nsɛ mɛn bɛ́ a din fuu goon lɛ yii?

Rɔmu minin 3:8

Wàa-n wɔ kurii wɔ pɛ, mà: «Wɔ daa wɔ sii baraa zɛnaa, màn mɛn bɛ́ toɛ, sii bǐɛ̃ bɔ a nɛ?» Min tɛnɛn man ma tɔ ziziɛ̃, ǹ nə́ soɛ diɛ ma la, mà ma n bɛa boon kɛn lɛn pii. Lawa n die dɔlɔ boe bɛa minin kɛn lɛn ganaa a giala yii li.

Timəə dí-pɛn 15:13

Bɛ̀ ka á n gɔn boe a ganaa mà a woo a n bɔ ka li, a ná a din gɔn wìi a lɛa, ka nyan toa a wo ka a gɔn kooro-n wa.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.

Timəə dí-pɛn 24:17

Ka nyan sii kɔkɔrɔ zɛnaa ka mɛnaa gùli laanka nɛ toen la wa. Ka baran lɔ giɔɔrɔ a mɔnaan si la giɔ̀mɔ lɛ koa ǹ màn lɛa wa.

Timəə dí-pɛn 27:19

Bɛ̀ min mɛn sii kɔkɔrɔ zɛnaa á mɛnaa gùli la, nɛ-toen hinlaa lɔ giɔɔrɔ la, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Timəə dí-pɛn 5:11

Ka baran kaa Lawa, Dɛnaa Lawa tɔ bii sii kooron ganaa wa. A giala, bɛ̀ min mɛn masɛ tɔ bii sii kooron ganaa, masɛ a bɛa dɛnaa kɛ toɛ dɔlɔ baã wa.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Zaaki 5:12

Sɛnɛ, bɛ din tumaa woo a n tiləə, ma dɔɔ̃nɔn, ta ka sii la wa, ka baran n liɛ wa: Ka baran n liɛ ka lon ne wa, ka baran n liɛ ka tán nɛ wa, ka baran n liɛ ka yɔrɔ kɔsɔ kɔ́n nɛ wa. Ka toa kaa «hiĩ» goã hiĩ lɛa, kaa «haayii» goã haayii lɛa, màn mɛn bɛ́ toɛ, Dɛnaa baran kiri wɔ ka ganaa wa.

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.