Malakii 3:2 - LAWA A BOO SONBORE

² A daa ǹ lɛawaa kɛn die kuu biɛ die ne. Bɛ̀ á soo ka yɔrɔ-a, min tá re boe la a golee lon a gòãn la? A n ká fɔlɔ yole a tɛ bɛ́ lɔn ka sɔmaa damɛɛ á ke lɔn.

LAWA A BOO SONBORE 2011

² A daa ǹ lɛawaa kɛn die kuu biɛ die ne. Bɛ̀ á soo ka yɔrɔ-a, min tá re boe la a golee lon a gòãn la? A n ká fɔlɔ yole a tɛ bɛ́ lɔn ka sɔmaa damɛɛ á ke lɔn.

Malakii 3:2 ပူးပေါင်းရင်းမြစ်များ

Siin Giala 19:28

Á n yii saa á ga Sodɔmu laanka Gomɔɔrɔ ganaa, ka ǹ lɛkoro lɛ-a bǎãn kɛn tumaa nɛ. Á tɛmaa yɛ yui tán kurukuru ka kùsì gole wɔ bɛ́ lɔn.

Zɔbu 28:1

Taãn nɛ, ǹ bɛ́ wɔrɔ we kɛ boe bǎã mɛn nɛ, ǹ bɛ́ sana a yisi boe li bǎã mɛn nɛ, bɛ wɛɛ̃ bie wa.

Loen 130:3

Bɛ̀ ma n wɔ kuĩ wɔa sã ǹ siin kɛn li, Dɛnaa Lawa, die n boe la a la?

Loen 2:7

Dɛnaa Lawa golee boo mɛn la, man die bɛ lɛ pii. Dɛnaa Lawa pɛ ma-n kɛnɛn: Ma n maa nɛgiĩ lɛa, a kũ pelo ganaa, masɛ din ni n Díi lɛa.

Loen 76:7

Zakɔba a Lawa, n bɛ́ ń nə́ n lɛn baraa bɔ ǹ li, sùin laanka ǹ dabaalin gù gã.

Suusun 25:4

*Gɔ̀ bɔ n bɔ wɔrɔ ganaa, á re gɔn màn sonbore biɛ.

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Zeremii 2:22

Haalɛ ta n nə́ n zoo ka sɔmaa nɛ, ta n nə́ n zoo ka sɔmaa gigiã nɛ, n sii baraa kɛ n ma yɔrɔ kɛnɛn, ka *gɔ̀ bɛ́ lɔn. Dɛnaa Lawa a da ǹ boo ne.

Ezekieli 22:14

Bɛ̀ ma yoo ka gialaa ǹ mɛn pinaa, táa foo tãbaa laanka pàã á re yii ka lon, ka boo la ka golee? Bɛ̀ masɛ Dɛnaa Lawa boo mɛn da, man bɛ lɛ zɛnɛɛ.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Matiə 25:10

Baãnaan lɛn bɛ́ nyɔɔ pii ǹ bǎã nɛ, lɔ tii ǹ zuũ lɛ daa ǹ kio. Nɛniɛ sooro mɛn bɛ́ ǹ nə́ n yii toa koo, bɛn nə́ kaa kun ni kɔn wɔ ǹ kion, ǹ nə́ kiɛnlɛ kũ ǹ nə́ sɔɔ.

Marki 9:3

A mɔnaan nə́ n bɔyaa ǹ nə́ tɛ pɛ fu ka panpaɛ̃. Min kɔ́n din ba kanaa gɔ́ɔ̃ nɛ, á n boe la a mɔnaa pii a fu kɔ miɛ̃ wa.

Luku 2:34

Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Luku 3:17

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Luku 3:9

Lawa a kiri-kurii lɛ a biikoo dɔ. A n die kuri ka min bɛ́ da wɔrɛɛ a giala-a ka sɛ̀miɛ-n lɔn. Da mɛn din tumaa bɛ́ a nɛ sonbore koe wa, bɛ yii n die n kuri a n zũ tɛ-n.»

Luku 7:23

Masɛ a sii bɛ́ a re min mɛn gù dii wa, Lawa á re barka diɛ bɛa dɛnaa ganaa.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Sii-nyaan 19:8

Ǹ nə́ lɛ kɔ la mà a mɔnaa yii nɔnɔɔ tɛ-pɛle wɔ, *gɔ̀ ná a ba a wa.» Bɛa mɔnaa lɛ n Lawa a min sonboren nya ǹ dí a yoreenbaa giala pii.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 6:17

A giala, ǹ minbuiinin zɛnaa ǹ sii yɔrɔ bɔ ǹ lɛawaa gole kɛ na á dɔ. Die n boe la a golee ǹ nyɛɛnɛ?»

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.

Samayeli1 6:20

Bɛti-Semɛsi minin nə́ pɛ: «Die n die boe la a golee Dɛnaa Lawa yɔrɔ-a, bɛa Lawa *yoreen kɛ lɛ? A n die woe dien li, a n bɔ wɔsɛn li.»