Malakii 3:17 - LAWA A BOO SONBORE

¹⁷ Dɛnaa Lawa Pàãyiidɛnaa tɔn pɛ: «Ma bɛ́ re má pàã nyɛɛ ǹ mɛn pinaa, ma á re bɛn doɛ̃ maa wɔn lɛa, maǹ die ma din a zaman biɛ. Ma á re giɛ ǹ walan ka díi bɛ́ giɛ a nɛ walan lɔn n mɛn bɛ́ a guguru koe.

LAWA A BOO SONBORE 2011

¹⁷ Dɛnaa Lawa Pàãyiidɛnaa tɔn pɛ: «Ma bɛ́ re má pàã nyɛɛ ǹ mɛn pinaa, ma á re bɛn doɛ̃ maa wɔn lɛa, maǹ die ma din a zaman biɛ. Ma á re giɛ ǹ walan ka díi bɛ́ giɛ a nɛ walan lɔn n mɛn bɛ́ a guguru koe.

Malakii 3:17 ပူးပေါင်းရင်းမြစ်များ

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Loen 115:13

á re barka diɛ a nyɛ́ɛbaama-n wolen ganaa, a bɔnboɛɛnɛn nɛ, ka a dadaran nɛ.

Loen 135:4

A din na á Zakɔba tɔrɔn bɔ a wɔn lɛa, a din na á Izirayeli tɔrɔn baa a din a minin lɛa.

Bɔ bɛ̀rɛbaa nɛ 19:5

Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Bɔ bɛ̀rɛbaa nɛ 32:32

Sɛnɛ kanna, masɛ nə n nyankoe, bɛ̀ ń boe la, n sii baraa gole kɛ toa ǹ nɛ. Dɛnaa, bɛ̀ a ba n zɛnɛɛ miɛ̃ wa, n masɛ tɔ tuturu, n bɔ yiikoonaabaa ǹ sɛ́wɔ kɛ lɛ nɛ, n din kiɛ̃.»

Loe kɔɔ̃n kɔɔ̃n 2:16

Ma din foo dùũ wɔ lɛ n maa wɔ lɛa, ma dɔ na a dɔ wɔ lɛa. Da buũ bǎã n kɔɔ̃n a ganaa.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:21

Ma tɔrɔ mɛn lɛ yii gɔgɔɔ̃ maa wɔ lɛa, bɛ á re ma tɔ boe.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Sofonii 2:2

kiri pinaa kɛ laan bɛ̀ a n doe, lɛawaan laan bɛ̀ maǹ papaɛ̃ ka kaã bɛ́ lɔn kiɛ̃ piɛ̃ li, Dɛnaa Lawa a foo-yoo baraa kɛ laan bɛ̀ a n doe ka-a, Dɛnaa Lawa a foo-yoo pinaa kɛ laan bɛ̀ a n gisĩ ka la.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Korɛnti1 15:23

Sɛnɛ, didie wɔ nə n zɛnɛɛ a biikoo li. Bibinaa nɛ, Krita yii na á kaa. Bɛ kio, Krita a wusoo a daa biikoo li, min mɛnɛn bɛ́ a wɔn lɛa, bɛn yii á re kiɛ.

Korɛnti1 6:20

Lawa ka pii, á ka giɔ̀mɔ saraa. A bɛ́ miɛ̃, ka ka gɔ̀nɔn lɛ baa Lawa tɔ gole kɔ ǹ màn lɛa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Galaasi minin 5:24

Min mɛnɛn bɛ́ Yezu Krita wɔn lɛa, bɛn man nə́ ǹ gɔ̀nɔn foo sii kɛn dere gɔn ganaa, kun ka ǹ lɛ mui ǹ sii baraan nɛ.

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.