Malakii 3:13 - LAWA A BOO SONBORE

¹³ Dɛnaa Lawa pɛ: – Ka n boo baraa diɛ masɛ ganaa ka n nɔ̀n diɛ: «Wàa boo baraa n wɔ da n ganaa?»

LAWA A BOO SONBORE 2011

¹³ Dɛnaa Lawa pɛ: – Ka n boo baraa diɛ masɛ ganaa ka n nɔ̀n diɛ: «Wàa boo baraa n wɔ da n ganaa?»

Malakii 3:13 ပူးပေါင်းရင်းမြစ်များ

Zɔbu 15:13

Ń mà wàa! N foo n yoo-n Lawa li, n nə n bɛa boo zaã kɛ miã doe Lawa ganaa?

Zɔbu 40:8

N din parsii, mà n ba masɛ a kiri-kurii lɛ biɛ a lɛa wa? Man giɛ li n masɛ zɛ̀rɛ baa, n sonbore kɔ n din la?

Loen 10:11

A n taasɛ mà Lawa yiri n boe, mà a giɛ kɛ ganaa wa, mà a yii ba kɛ ganaa wa.

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 46:12

Mìi laa wolen lɛn, kasɛn mɛnɛn wɔlɔ bɛ́ sɔsɔɔ peperebaa ganaa, ka n too kɔ ma lon!

Izayii 5:19

Ka n pii: «Dɛnaa Lawa, n baa fufuu n sii zɛnaa wɔ yii ni wɔ yɛ. Izirayeli a Lawa sonbore sii mɛn yɔrɔ bɔ, wɔ ǹ li bɛ nə n zɛnaa, wɔ dɔ̃!»

Zeremii 44:18

Sɛnɛ, ǹ mɛn pinaa, wɔ bɛ́ wɔ́ da yon gìĩ kɔɔ̃n laanka duvɛ̃ zumii lon a kii lɔ la toa walan, a kũ bɛ ganaa, màn tumaa n nyaabiɛ wɔ ganaa, wɔ n giɛ̃ zia laanka bòo gɔn.»

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Ezekieli 18:25

Sɛnɛ, kaa da ǹ boo á ke: «Dɛnaa Lawa a zɛnaa ǹ sii ba a yɔrɔ li wa.» Izirayeli tɔrɔn lɛn, ka n too kɔ. Masɛ a zɛnaa ǹ sii na a ba a yɔrɔ li wa? Ka dininmaan lɛn zɛnaa ǹ sii na a ba a yɔrɔ li wa.

Ezekieli 35:13

Ká din gole kɔ ǹ boo da ma ganaa, ká din koa ǹ boon dada ma ganaa. Má ma!

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Malakii 2:14

Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Malakii 3:12

Tɔrɔ kɔsɔn kɛn tumaa á re ka doɛ̃ foo kɔɔ̃n-an lɛa, a giala kaa gána a giã ma-n tá re goɛ̃ kɔɔ̃nɛ. Masɛ Dɛnaa Lawa Pàãyiidɛnaa n pii ka nɛ.»

Malakii 3:14

Ka boo mɛn da á ke: «Ká mà dí nya Lawa nɛ n kooro lɛa. Á ke, wɔa là n wàa nɛ ta wɔ n bɔlɔ si, wɔ foo ziziɛ̃ nsɛ Dɛnaa Lawa Pàãyiidɛnaa taman yii.

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Rɔmu minin 9:20

Nsɛ n die lɛa kəni minbuiin nɛ! N nə́ giɛ li mà n Lawa liere kɔ? Dɔn tá pii dɔnɔn-bɔle ne: «Wàa na á baa ń ma zɛnaa kɛnɛn?» Haayii!

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.