Malakii 3:11 - LAWA A BOO SONBORE

¹¹ Ma á re bisĩnin kuri, ǹ ba re basaã koe kaa wurun ni doo wa, ǹ ba re kaa *rezɛ̃ dan sàabiɛ nɛ kɔ ganaa wa. Má n lɛ kɔ ka la.

LAWA A BOO SONBORE 2011

¹¹ Ma á re bisĩnin kuri, ǹ ba re basaã koe kaa wurun ni doo wa, ǹ ba re kaa *rezɛ̃ dan sàabiɛ nɛ kɔ ganaa wa. Má n lɛ kɔ ka la.

Malakii 3:11 ပူးပေါင်းရင်းမြစ်များ

Zeremii 8:13

Ka boo taãn nɛ, man die ǹ sàabiɛ lenlen. Dɛnaa Lawa a da ǹ boo ne, rezɛ̃ ba re goɛ̃ *rezɛ̃ da la wa, gɔ́rɔ ba re goɛ̃ gɔ́rɔ da la wa. Ǹ luu á re laɛ. Man die ǹ we kiɛ̃ wolen gɔn.

Ozee 2:21

Man die luu diɛ n la ma din wɔ lɛa yǎa duduu: Man die luu diɛ n la ka yɔrɔ kɛ nɛ: Peperebaa nɛ, sonborebaa nɛ, kɔn-narɛɛ laanka makara-doɛ̃ nɛ.

Zowɛli 1:12

*Rezɛ̃ dan nə́ tutusi, gɔ́rɔ dan nə́ bɛbɛnɛ. Grenadie da nɛ, tamaran da nɛ, da nɛ-kɔle tumaa don, ǹ tumaa gã. Min kɔn foo a kɔɔ̃n wa.

Zowɛli 1:4

Tangiəə̃ nə sɔ̃ á màn mɛn toa, bisin nɛ muə bɛ goa bisin nɛ muə sɔ̃ á màn mɛn toa, bisin tenən nə́ bɛ goa bisin tenən nə sɔ̃ ǹ nə́ màn mɛn toa, bisin dadaran nə́ bɛ goa.

Zowɛli 1:7

Ǹ nə́ maa rezɛ̃ wuru ziziɛ̃, maa gɔ́rɔ dan kɛn, ǹ nə́ bɛn kakã. Ǹ nə́ ǹ fɔrɔ tumaa gagasaã, ǹ nə́ pɛpɛsɛ̃ tán. Ǹ gùrù bibisinin kɛn tumaa fufu kɔ.

Zowɛli 2:20

Kaa zɔ́ɔn mɛnɛn bɛ́ n toɛ gɔsɛ a lɛ̀gɔn li ǹ nə́ die, ma á re bɛn lɛ goɛ ka ganaa, ma ǹ dia sɔsɔɔ, don bǎã gere ne. Ǹ mɛnɛn bɛ́ nyɛɛnɛ, ma á re bɛn nyɛnɛɛ ma ǹ kaa lɛ̀giala a tà mu kɛ li. Ǹ mɛnɛn bɛ́ kio, ma á re bɛn nyɛnɛɛ ma ǹ kaa lɛ̀nyɛɛnɛ a mu kɛ li. Ǹ tá re giɛ̃ walan, ǹ gìĩ bɔ kusi kusi. A giala, ǹ dɔn nə́ basaã gigiã kɔ.

Zowɛli 2:22

Don mànan lɛn, nyɛ́ɛ nyan ka kũ doo wa, buu á ke wusii piɛ̃ don. Dan nə́ ke nɛ koe, gɔ́rɔ dan laanka *rezɛ̃ dan nə́ ke nɛ lɛa kurututu.

Zowɛli 2:25

Bisin nɛ muən ne, bisin tenən ne, bisin dadaran laanka tangiəə̃nən ne, kɛn lɛn má ǹ dia die ka gialaa, gigiã ka sɔraasin bɛ́ lɔn, bɛn nə basaã mɛn kɔ ka nɛ, lɛ̀ damata gɔ́ɔ̃ nɛ ma á re bɛ dòo sarɛɛ.

Amɔɔsi 4:9

Ma din nə má gìa laanka doloka kaa kaa màn kɔsiɛn ganaa. Bisinin nə́ kaa dù gɔ̀rɔ gɔ́ɔ̃ màn damata kɛ sɔ̃, kaa *rezɛ̃ dan nɛ, kaa gɔ́rɔ dan laanka kaa *olivie dan nɛ. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Abakuku 3:17

Á ke, gɔ́rɔ dan ba buũ koe doo wa. *Rezɛ̃ da ba nɛ koe doo wa. Nɛ ba *olivie da la doo wa. Màn-bii kɔn ba boe wurun ni wa. Sère goon din ba sèren kion wa. Dii ba zìã-n wa.

Azee 1:11

Má lɛ̀ gere kɔ gána lɛ nɛ, kaa kele mìin ni, má lɛ̀ gere da kaa *belee wuru-n, rɛzɛ̃ wɔ nɛ ka *olivie wɔ nɛ. Màn mɛn tumaa bɛ́ boe tán la minbuiin nɛ ka tɔɔn wɔ lɛa, ka ka bɛ́ dí mɛn din tumaa nyɛɛ ka ka gɔn nɛ, ma lɛ̀ gere kɔ bɛ tumaa ganaa.

Azee 2:17

Má dɔlɔ bɔ ka ganaa ka gìa nɛ, doloka nɛ ka la gii ni. Gɔn dí bɛ́ màn mɛn koe ka la, ma bɛ tumaa ziziɛ̃. Ka bɛ tumaa nɛ, ka n bɔyaa ka daa ma li wa. Dɛnaa Lawa a da ǹ boo ne.

Zakarii 8:12

Là nyantoro n die goɛ̃ a tan, *rezɛ̃ dan tá re nɛ koe, tán kɔsiɛ̃ mànan tá re bǐɛ̃ koe, pele á re koe. Maa zaman lɛ a min mɛnɛn yii goã koo, man die ǹ koe bɛn la kíɛ̃ lɛa.

Timəə dí-pɛn 11:14

á re kaa gána lɛ a la kiɛ a biikoo li, a la bibinaan laanka a giala-nyɔmiɛ̃ kɔ ka la. Bɛ á re toɛ kaa tán-kɔsiɛ mànan nə bǐɛ̃ kɔ, ka *belee laanka duvɛ̃ yɛ, ka nyɔɔ nɛ.