Malakii 3:10 - LAWA A BOO SONBORE

¹⁰ Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

LAWA A BOO SONBORE 2011

¹⁰ Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Malakii 3:10 ပူးပေါင်းရင်းမြစ်များ

Siin Giala 28:22

Ma kɔlɔ doa bǎã mɛn nɛ, bɛa bǎã lɛ á re Lawa a kion biɛ. Lawa bɛ́ re màn woo màn koe masɛ la, ma á re a fùbaa ǹ wɔ boe a wɔ lɛa.»

Siin Giala 7:11

Nowee a yɛ lɛ̀ biɛsɔrɔ, mui paabaa ǹ wɔ a lɛawaa fulusɔbaabaa ǹ wɔ pinaa, tán giulun mu gole nə́ n da wɔlɔ la, lon a mu dɔǹɔn nə́ n bũ dadara bɛ lɛ a pinaa.

Kiin2 7:19

Dí-nyali lɛ na á goã á pɛ Lawa a min lɛ nɛ mà ta Dɛnaa Lawa n lon a dɔǹɔn lɛ buĩ, mà kɛ ba boe la a n zɛnaa wa. Yǎa Yiliizee dɔ tɔn a lɛ si mà a tá re yii ka a yii ni, sɛnɛ, mà a na a ba re bii wa.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Nehemii 12:44

Bɛa pinaa kɛ lɛ nɛ, mànan kaa ǹ kionən kɛn, ǹ nə́ mànan boe kiɛ ǹ nɛ, màn lɛ bibinaan nɛ, ka gɔn màn a fùbaa ǹ wɔ nɛ, ǹ nə́ giĩn kaa bɛn gama walan ganaa. Dí-pɛ bɛ́ mà ǹ mànan mɛnɛn bɔ, Lawa a wúlu-bɔlen laanka Levii tɔrɔn wɔ gii lɛa, man nə́ giĩn lɛn koa, màn mɛn bɛ́ toɛ bɛa mànan kɛn lɛn boe kiwi dadaran lɛkoro lɛ-a donən ne, ǹ nə ǹ si ǹ nə ǹ kaa mànan kaa ǹ kionən lɛn nɛ. Sonbore, Lawa a wúlu-bɔlen lɛn laanka Levii tɔrɔn lɛn dí kaa Zudaa minin lɛn foo la.

Nehemii 12:47

Zorobabeli laanka Nehemii a biikoo li, màn mɛn bɛ́ doe loe-lɔlin lɛn laanka kiɛnlɛ-lɛduə̃lin lɛn ganaa ǹ wɔ gii lɛa, Izirayeli tumaa goã bɛ koe baraabaraa. Maǹ nə́ goã Levii tɔrɔn dɔn wɔ boe bɛ̀ ǹ kaa a gɔrɔn. Levii tɔrɔn dɔn man nə́ goã Aarɔn tɔrɔn wɔ boe, bɛ̀ ǹ kaa a gɔrɔn.

Nehemii 13:5

Á goã á kion gɔ́ɔ̃ goon yɔrɔ bɔ Tobiya wɔ lɛa. Bɛa kion gɔ́ɔ̃ kɛ lɛ, man nə́ goã mànan kɛn kiɛ a-n lɛlɛ: Lawa gɔ ǹ mànan nɛ, da yon gìĩ kɔɔ̃n nɛ, Lawa a dí nya ǹ mànan nɛ, *belee a fùbaa ǹ wɔ nɛ, duvɛ̃ dii wɔ laanka nyɔɔ wɔ nɛ, màn mɛn doamaa bɛ́ nɛ a n bɔ *Levii tɔrɔn wɔ lɛa, ka loe-lɔlin laanka kiɛnlɛ-lɛduə̃lin ni, bɛ nɛ, ka ǹ bɛ́ màn mɛn boe ǹ nə́ koe Lawa a wúlu-bɔlen la.

Loen 37:3

N foo doa Dɛnaa Lawa ganaa, n sii bǐɛ̃ zɛnaa, ń giɛ n tá goɛ̃ gána lɛ nɛ ka là nyantoro ne.

Loen 78:23

Bɛ tumaa kio, á boo da ka lon a labaran nɛ, á lon lɛ bũ,

Boo-laakalaali 11:3

Bɛ̀ ń la yɛ ti boe, a n die kiɛ. Bɛ̀ da dɔ bɔ á mɛnaa, a na á mɛnaa á woo gusin a lɛ̀gɔn la hinlaa gɔsɛ a lɛ̀gɔn la, a bɛ́ á mɛnaa tán bǎã mɛn lɛ nɛ, a n goɛ̃ tán walan.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Ezekieli 44:30

Màn tumaa a lɛ bibinaa sonbore ne, màn mɛn tumaa a sonbore bɛ́ n boe ka gɔn mànan tumaa nɛ Lawa wɔ lɛa, bɛn man doe wúlu-bɔlen lɛn ganaa. Ka die ka kaa *wùsu sonbore kɔ wúlu-bɔlen lɛn la, màn mɛn bɛ́ toɛ ma barka da kaa kion ganaa.

Ozee 2:21

Man die luu diɛ n la ma din wɔ lɛa yǎa duduu: Man die luu diɛ n la ka yɔrɔ kɛ nɛ: Peperebaa nɛ, sonborebaa nɛ, kɔn-narɛɛ laanka makara-doɛ̃ nɛ.

Zowɛli 2:19

Dɛnaa Lawa ná a minin lɛn nyankɔ si á kɛ pɛ ǹ nɛ: «A bɛ́ miɛ̃, ma á re wusii ma belee kɔ ka la, ka duvɛ̃ laanka nyɔɔ nɛ. Ka á re kiɛ̃ ka bɛn nɛ. Ma a re toɛ sìi ka kũ tɔrɔ kɔsɔn bii doo duduu wa.

Zowɛli 2:24

Bɛa biikoo li, bǎã tumaa á re piɛ̃ ka belee ne, mànan tumaa á re piɛ̃ ka duvɛ̃ laanka nyɔɔ buə ne, maǹ die piɛ̃ ǹ kaa.

Lawa a wúlu-bɔlen 26:10

Ka n die kaa bɔ don màn zizi bii, bɛ̀ ka a zizi waa, ka a dii kaa a nɛ.

Lawa a wúlu-bɔlen 26:3

Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

Lawa a wúlu-bɔlen 27:30

Tán-kɔsiɛ màn tumaa ka da nɛn nɛ, ǹ fùbaa ǹ wɔ n Dɛnaa Lawa wɔ gii lɛa. Bɛ lɛ doamaa nɛ a dɔ a ganaa.

Azee 2:19

Ta màn tɔrɔ a yii dɔǹ nɛ doo wa, duvɛ̃ da nɛ, gɔ́rɔ da nɛ, grenadie da nɛ, *olivie da nɛ, ta bɛn dɔn dinin nə nɛ kɔ duduu wa, a kũ pelo ganaa, man die maa barka gisĩ ka la.»

Minin nimi 18:21

Dɛnaa Lawa woo nyɛɛn ka boo ne: «Levii a tanlɛ bɛ́ dí mɛn nyɛɛ kɔn yɛ ka Lawa nɛ ǹ kion kɛ nɛ, bɛa saraa á ke: màn a fùbaa ǹ wɔ mɛn tumaa bɛ́ n sii Izirayeli gána nɛ, ma bɛ yii kɔ ǹ la.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Timəə dí-pɛn 12:6

Ka á re die ka kaa *wúlu màn tiɛ̃n nɛ walan, kaa barka da ǹ wúlu mànan nɛ, kaa mànan fùfùbaa ǹ wɔn nɛ, kaa Lawa gɔ ǹ mànan nɛ, kaa lɛ kɔ Lawa la ǹ wɔn nɛ, foo kɔɔ̃nbaa ǹ wɔn nɛ, kaa tɔɔ dadaran laanka a bisinin nɛ bibinaan nɛ.

Timəə dí-pɛn 14:22

Ka bɛ́ re màn mɛn yii kaa wuru-n lɛ̀ woo lɛ̀, ka bɛ tumaa a fùbaa ǹ wɔ bɔ ka kaa a gɔrɔn.

Timəə dí-pɛn 14:29

Levii tɔrɔn kɛn, bǎã ná a banban ǹ wɔ lɛa ka bii wa, bɛn tá re die bɛa màn-bii lɛ kɔn siɛ, kɔnlɛ ka gùlin ni, nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n kaa kiwin ni. Ǹ tumaa á die màn bii ǹ kã. Bɛ̀ á n baa miɛ̃, kaa Lawa, Dɛnaa Lawa á die barka diɛ ka ganaa, ka a nya ǹ dí tumaa gɔ́ɔ̃ nɛ.

Timəə dí-pɛn 28:12

Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.