Malakii 2:8 - LAWA A BOO SONBORE

⁸ Sɛnɛ kasɛn Lawa a wúlu bɔlen, ká kanaa ká n bɔ bɛa zii lɛ la. Kaa daraa ǹ boon nə́ min gigiã da sii baraa zɛnaa ganaa, lɛ kɔ kɔn la mɛn bɛ́ wɔ́ wɔ, ká bɛ ziziɛ̃, masɛ Dɛnaa Lawa Pàãyiidɛnaa n pii ka nɛ.

LAWA A BOO SONBORE 2011

⁸ Sɛnɛ kasɛn Lawa a wúlu bɔlen, ká kanaa ká n bɔ bɛa zii lɛ la. Kaa daraa ǹ boon nə́ min gigiã da sii baraa zɛnaa ganaa, lɛ kɔ kɔn la mɛn bɛ́ wɔ́ wɔ, ká bɛ ziziɛ̃, masɛ Dɛnaa Lawa Pàãyiidɛnaa n pii ka nɛ.

Malakii 2:8 ပူးပေါင်းရင်းမြစ်များ

Kiin2 16:11

Bɛ kio, Uria wúlu bɔ ǹ bǎã dɔ. Kii Ahaazi goã á n toa Damaasi kiwi, á wúlu bɔ ǹ bǎã lɛ a dɔ ǹ gɔn a kɔnboe mɛn dia Uria la, Uria dɔ na á wúlu bɔ ǹ bǎã lɛ dɔ bɛ li ka te. Lawa a wúlu-bɔle Uria lɛ bɛa dí lɛ nya, bɛ̀ kii Ahaazi lɛ tɔn nə n bɔyaa Damaasi á daa dinin bɔrɔ wa.

Nehemii 13:29

«Maa Lawa, n yiri da bɛa minin kɛn lɛn li, a giala, ǹ nə́ n wúlu bɔ ǹ dí lɛ gɔgɔrɛ kɔ, ka lɛ kɔ kɔn la kɛ nɛ, n wɔ ka wúlu-bɔlen laanka Levii tɔrɔn nɛ.»

Loen 119:102

Ma kanaa má n sii yɔrɔ bɔ ǹ boon kɛn toa walan wa. A giala, n din nə ń ma daraa ǹ ganaa.

Loen 18:21

Dɛnaa Lawa na á ma kũ maa peperebaa li. A na á ma saraa, á kɔnpɛ maa sii la baã nɛ.

Suusun 12:8

Maǹ min tɔ boe a yiriwoorobaa taman yii. Yirikɔkɔrɔdɛnaa wɔ n ka papaã nɛ.

Izayii 30:11

Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 9:16

Bɛ lɛ taman yii, Dɛnaa foo a kɔɔ̃nɛ ǹ nɛ tenən li wa, a makara boe ǹ nɛ toenen laanka ǹ lɔ giɔɔrɔn ganaa wa. A giala, ǹ tumaa gɔ́ɔ̃ n tì, sii baraa-zɛnaalin lɛa. Ǹ lɛ gɔ́ɔ̃ ǹ boo tumaa n kɔɔsɛ. Sɛnɛ, Dɛnaa Lawa a foo yoo tɔn nya wa, a gɔn-munii n tɔn lon.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Ezekieli 22:26

Ǹ Lawa wúlu-bɔlen nə́ maa dí-pɛ kɛ ziziɛ̃, ǹ nə́ sàn kɔ ka maa màn sonboren ne. Màn mɛn bɛ́ maa wɔ lɛa, màn mɛn dɔ bɛ́ a ba maa wɔ lɛa wa, ǹ bɛa bɔkɔnlɛ wɔ wa. Sii *yoreen laanka a gɔgɔrɛ nɛ, ǹ bɛ dɔ a bɔkɔnlɛ nyaa minin man wa. Ǹ nə́ n yii tã maa susu ǹ piin kɛn ganaa, minin nə́ nɔmaa ǹ nə́ sàn kɔ ka ma nɛ kiwi lɛ nɛ.

Ezekieli 44:10

«Sɛnɛ *Levii tɔrɔn kɛn ǹ nə́ ma toa walan, ǹ nə́ wusoo ǹ nə́ n bɔ ma kio, ǹ nə́ kɔ ǹ dìn kɛn kio lɛ ka Izirayeli tɔrɔ gialakunun kɛn bɛ́ lɔn, ǹ tá re n toɛ̃ ka ǹ sii baraa a guĩ ni.

Ezekieli 44:12

A giala, ǹ nə́ wúlu bɔ dìn ganaa zaman lɛ a lɛa, ǹ nə́ Izirayeli minin lɛn nyanaa, ǹ nə́ ǹ kaa sii baraa nɛ. Bɛ lɛ na á toa masɛ Dɛnaa Lawa a da ǹ boo á ke: Ǹ tá re n toɛ̃ ka ǹ sii baraa a guĩ ni.

Ezekieli 44:7

Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Lawa a wúlu-bɔlen 21:15

màn mɛn bɛ́ toɛ, a baran tɔrɔ kɔsɔn lɔlɔ a din tɔrɔ wúlu-bɔlen kɛn ganaa wa. A giala, masɛ Dɛnaa Lawa din ni má bɔ má koa maa dí mìi la.

Sofonii 3:4

A Lawa a boo gii-dalin man din koa wolen lɛa, ǹ tá ǹ miãn yiri siɛ̃. A wúlu-bɔlen man Lawa a kion zaãbiɛ, ǹ ná a dí-pɛn ziziɛ̃.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Malakii 2:5

Bɛa lɛ kɔ kɔn la kɛ lɛ taman yii, ma nyin kɔ la ka yii-nyɛɛ nɛ, man má ǹ kɔ la ma a ma guguru kɔ, a nyɛ́ɛ baa ma yii ni ma tɔ á golebaa taman yii.

Minin nimi 25:12

Bɛ lɛ tɔ ganaa, a pɛ Pinasi lɛ nɛ, mà masɛ Lawa n lɛ kɔ kɔn la we ne, lɛ kɔ kɔn la mɛn bɛ́ re là nyantoro koe.

Minin nimi 25:13

Bɛa lɛ kɔ kɔn la kɛ lɛ n die goɛ̃ a din wɔ lɛa, ka a tɔrɔn nɛ. A din lɛ kɔ kɔn la kɛ lɛ n die toɛ, wúlu bɔ ǹ dí goã ǹ wɔ lɛa miɛ̃ duduu. A giala, á nyaa mà a Lawa lɛ sii á kaka a gɔn, ka bɛ dɔ nɛ, á Izirayeli minin lɛn sii baraa sawaa ǹ sii zɛnaa.»

Rɔmu minin 14:21

Sii mɛn bɛ́ siĩni, bɛ n ka kɛ nɛ, ta siĩ soɛ̃ nɛ, ta màn mii ni, ta sii woo sii ni, bɛ̀ bɛa sii lɛ á die n dɔɔ̃n diɛ sii baraa nɛ, n baran zɛnaa wa.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Samayeli1 2:17

Nɛ tenən lɛn sii baraa gole kɔ parsiini Dɛnaa Lawa yɔrɔ-a, a giala, ǹ nə́ goã barka boe Dɛnaa Lawa a wúlu màn lɛ nɛ.

Samayeli1 2:24

Mà asɛ nɛnyaanan lɛn ganaa, mà ǹ bɛ lɛ da. A giala, mà asɛ bɛ́ boo mɛn miɛ pɔpɔpɔ nɛ, Dɛnaa Lawa a zaman lɛ-n, mà bɛ́ a siĩn wa.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.