Malakii 2:15 - LAWA A BOO SONBORE

¹⁵ Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

LAWA A BOO SONBORE 2011

¹⁵ Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Malakii 2:15 ပူးပေါင်းရင်းမြစ်များ

Siin Giala 1:27

Lawa na á minbuiin nɛ zɛnaa a din a kɔnboe lɛa, á zɛnaa ka Lawa din bɛ́ lɔn. Á ǹ zɛnaa, giĩ laanka lɔ nɛ.

Siin Giala 2:7

Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Siin Giala 24:44

Bɛ̀ á ma lɛ si kɛnɛn: «N dinmaa mi, ma á re baɛ̃ ma kaa n nyɔɔmaan dɔn lon, ma á re doɛ̃ ka bɛ nɛ, máa Dɛnaa na á bɛ lɛ bɔ, maa dɛnaagiĩ lɛ a nɛgiĩ lɛ a lɔ lɛa.»

Siin Giala 27:46

Rebeka pɛ Izaaki ni: «N manaa Ɛti tɔrɔn kɛn tá kanaa tìĩ boe masɛ nyin ni. Bɛ̀ Zakɔba dɔ bɛ miã lɔn kɛn goon saa, gána kɛa nɛlɔn bii, masɛ a tá kanaa là n ka wàa-n doo?»

Siin Giala 6:2

Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Ɛsidrasi 9:4

Ma dinmaa lɛ sɛ giã tán miɛ̃ ma foo n busii ni, yǎa wasamiɛ̃n a wúlu bɔ biikoo li. Goa-wolen sii baraa lɛ taman yii, Izirayeli a Lawa lɛ goã boon mɛnɛn diɛ, min mɛnɛn nə goã nyɛ́ɛ biɛ bɛa boon lɛn manɛ, bɛn nə́ daa n sɔkɔn ma li.

Nehemii 13:24

Ǹ nɛgiĩn talɛɛ na á goã Asidɔdi bɔlɔ pii, hinlaa tɔrɔ kɔsɔn bɔlɔ pii. Sɛnɛ, ǹ goã boe la ǹ tá Zuifu bɔlɔ pii wa.

Zɔbu 27:3

bɛ̀ ma á tɔn boe la ma á piɛ̃ sii, bɛ̀ Lawa a piɛ̃ kɛ á tɔn ma nyin ni,

Bɔ bɛ̀rɛbaa nɛ 20:14

- N baran naarɛbaa zɛnaa wa.

Suusun 2:17

A tenmaa waáraa san ke, á bɛ toa walan, a yiri bɔ a Lawa a lɛ kɔ kɔn la kɛ nɛ.

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Suusun 6:25

N baran n saa bɛ miã lɔ kɛ lɛ a siĩnbaa li wa, n nyan nə saa a yii bɔ mali li wa.

Suusun 7:25

n nyan toa lɔ kɛ miã nə n foo si wa. N nyan nə n saa li wa.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Zeremii 2:21

Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

Lawa a wúlu-bɔlen 20:10

Bɛ̀ giĩ mɛn naarɛbaa zɛnaa kun ka ǹ miã kɔsɔ a lɔ nɛ, giĩ mɛn naarɛbaa lɛ zɛnaa, a zɛnaa kun ka lɔ mɛn dɔ nɛ, ka ǹ paanan dɛ ǹ gã.

Malakii 2:14

Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.

Zaã a sɛ́wɔ 20:22

Bɛa boon lɛn diɛ kio, á piɛ̃ pɛ ǹ ganaa á pɛ ǹ nɛ: «Ka Lawa a Yiri Fu si.

Nya ǹ dín 3:25

Kaa wɔ nə́ n zɛnaa, a giala, ka dinin lɛn man Lawa a boo gii-dalin lɛn nɛnyaanan lɛa. Lawa na á lɛ kɔ kɔn la wɔ ka ka dinin lɛn digolon ne. Á pɛ Abrahamu-n dinin, mà asɛ Lawa n die barka diɛ kanaa minin tɔrɔ tumaa ganaa ka a din a nɛnyaanan barka nɛ.

Korɛnti1 7:14

Bɛ̀ á n baa miɛ̃, giĩ goleemali baãnaa lɛ n Lawa a zaman min biɛ, a lɔ lɛ taman yii, lɔ goleemali baãnaa lɛ dɔ n Lawa a zaman min biɛ, ǹ zuũ lɛ taman yii. Bɛ̀ a n baa miɛ̃ wa, ǹ nɛnyaanan man goɛ̃ ka min kooron bɛ́ lɔn, a da yaa a taãnbaa li, nɛnyaanan lɛn tá boe la, ǹ Lawa a zaman minin baa.

Korɛnti1 7:2

Bɛ gɔ́ɔ̃ nɛ, man pii máa a n soɛ giĩ gogoonmaa a lɔ goã, lɔ gogoonmaa dɔ zuũ goã, ń giɛ din kũ doɛ̃baã siin baran yɛ wa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Efɛɛzi minin 6:4

Kasɛn díin lɛn, ka baran kaa nɛnyaanan kũ baraa wa, ǹ yaa kiɛ̃ n gòãn dii wa. Sɛnɛ, ka n doroo a kɔnpɛ ka daraa kɛ nɛ boe Dɛnaa li.

Timəə dí-pɛn 7:4

Bɛ bie wa, maǹ die kaa nɛnyaanan kɛn mìi ziziɛ̃ masɛ ganaa, ǹ nə ǹ kaa dìn guguru kɔ ganaa. Bɛ̀ á n baa miɛ̃ dɔn, Dɛnaa Lawa foo n die yui ka li, a ka dɛ a ka nya bǎã goon.

Tiitii 1:6

Ga Lawa a sɔmɔ walan wole doamaa nɛ, a goã lɛ pɔrɔ ǹ bǎã ná a ba a ganaa wa. A goã lɔ goon toto zuũ lɛa, a nɛnyaanan doamaa nɛ, ǹ goã golee sii li wolen lɛa, ǹ tɔ baran goã ziziɛ̃-n wa, ǹ lɛ-silin baa.

Uruti 4:12

Dɛnaa Lawa bɛ́ re toɛ a nɛnyaanan mɛnɛn yɛ bɛa lɔ ten kɛ lɛ ganaa, bɛa nɛnyaanan lɛn barka nɛ, a kion lɛ giala die a n bɔ li, ka Perɛzi wɔ bɛ́ lɔn, Tamaara Perɛzi mɛn yɛ Zudaa la.

Samayeli1 2:20

Yiili na á goã barka diɛ Ɛlkaanaa laanka a lɔ ganaa bɛ̀ á n pii. «Nɛ mɛn nə́ n kɔ Dɛnaa Lawa la ke, Dɛnaa Lawa die a toa n nɛ kɔsɔn yɛ n lɔ lɛ ganaa bɛ lɛ dòo.» Bɛ kio, ǹ nə́ wusoo ǹ nə́ woo piɛ.