Malakii 2:14 - LAWA A BOO SONBORE

¹⁴ Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

LAWA A BOO SONBORE 2011

¹⁴ Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

Malakii 2:14 ပူးပေါင်းရင်းမြစ်များ

Siin Giala 2:18

Dɛnaa Lawa tɔ́n pɛ kɛnɛn: «A siĩni giĩ goã a dinsɔɔ̃ wa. Ma á re dɔmalɛ wole zɛnɛɛ, a din miã lɛa, ma kɔ la.»

Siin Giala 31:50

Bɛ̀ ń fuu nyaa maa nɛlɔn kɛn nɛ, bɛ̀ ń lɔ kɔsɔn goa n ti ǹ ganaa, haalɛ ta min ba wɔ li siére lɛa wa, Lawa n siére lɛa wɔ bii ni.»

Suusun 2:17

A tenmaa waáraa san ke, á bɛ toa walan, a yiri bɔ a Lawa a lɛ kɔ kɔn la kɛ nɛ.

Suusun 30:20

Lɔ mɛn bɛ́ ǹ zuũ siɛ̃, a zɛnaa ǹ sii á ke: A n màn bii, a n lɛ turuu a pɛ: «Ma sii kɔn zɛnaa baraa wa.»

Suusun 5:20

Maa nɛ, wàa na á baa n nə́ min kɔsɔ a lɔ narɛ, n nə n gɔn talɛɛ lɔ kɔsɔ tìã bii?

Boo-laakalaali 9:9

N yiikoonaabaa lɛawaan kɛn lɛn mìi ná a ba la wa, Lawa nə́ ǹ kɔ n la kanaa, bɛn tumaa gɔ́ɔ̃ nɛ, n bɛ́ lɔ mɛn narɛ, toa n nə n dùũ bɔ kanaa kun ka bɛ nɛ. A giala, n wɔ gii n ka bɛ lɛ nɛ, dí kɛ gɔ́ɔ̃ nɛ n tá nyɛɛ kanaa.

Loe kɔɔ̃n kɔɔ̃n 1:15

N tá siĩn dɛ! Maa paa ǹ wɔ, n tá siĩni dɛ! N yii nànan gamaa á kɔɔ̃nɛ, maǹ siĩni ka zɛrɛkantoanan bɛ́ lɔn.

Izayii 54:6

N foo na á goã ziziɛ̃-n taãn-taãnɛ, ka lɔ mɛn bɛ́ ǹ nə́ n la bɔ a ganaa. Sɛnɛ, Dɛnaa Lawa lɛ dia n la. Hiĩ, n Lawa n kɛ pii n ni: Min tá boe la sonbore a na a tɔntɔraabaa waáraa lɔ loo?

Izayii 58:3

Sɛnɛ, maǹ pii: Wɔ n siɛ lɔn wɔ n lɛ sɔɔ n yii ná a ba a ganaa wa. Wɔ n siɛ lɔn wɔ n dinin gisĩ n nə́ n ba n yiri koɛ li wa. Má ǹ lɛ si kɛnɛn kəni: Sɛnɛ, ta ka n lɛ sɔɔ ǹ mɛn pinaa, ka n ka dinin gɔn tɔ dí nyɛɛ, ka n kaa dí-nyalin kuĩ baraa!

Zeremii 29:23

Kɛa sii kɛ n die ǹ yii, a giala, maǹ nə́ sii bɔbɔnɛɛ zɛnaa Izirayeli gána nɛ, maǹ nə́ naarɛbaa zɛnaa ka ǹ miãn lɔn nɛ. Maǹ nə́ goã mà maǹ boo diɛ ka masɛ tɔ nɛ, sɛnɛ soɛ nɛ. A da yaa, ma màn kɔn pɛ ǹ nɛ wa. Ma tá a tumaa doɛ̃ ma tá a siére-a dɔn. Dɛnaa Lawa a da ǹ boo ne.

Zeremii 42:5

Ǹ nə́ pɛ Zeremii ni: «Dɛnaa Lawa, n Lawa bɛ́ re boo mɛn diɛ n nɛ, wɔ á re koe bɛ lɛ ka te. Dɛnaa Lawa die a n baa wɔa lɛ-kɔ lɛ a siére lɛa, siére taãn lɛa.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 9:2

Ǹ lɛwɔn nə baraa ka kiɛ bɛ́ lɔn. Ǹ nə́ gána lɛ a mìinaan baa soɛ taman yii peperebaa a lɛa bie wa. Taãn nɛ, gɛ̀ dɛ woo gɛ̀ dɛ, ǹ dí n ka bɛ lɛ nɛ. A giala, ǹ ba ma doɛ̃ wa. Dɛnaa Lawa a da ǹ boo ne.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Misee 1:2

Haya, tɔrɔn tumaa, ka n too kɔ! Tán laanka màn mɛn tumaa bɛ́ la, ka n too kɔ doɛ̃! A giala, Dɛnaa Lawa n die yui ka gialaa. Dɛnaa din nə die n toɛ a kion sonbore kɛ nɛ, a yoo ka gialaa.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Sii yɔrɔ-bɔlen 11:10

Galaati a min golen lɛn nə́ pɛ Zɛftee ne: «Bɛ̀ wɔ zɛnaa ka n bɛ́ ke ń pɛ lɔn wa, Dɛnaa Lawa n siére lɛa wɔ bii.»

Samayeli1 12:5

Á pɛ ǹ nɛ doo: «Dɛnaa Lawa n kaa siére lɛa. Lawa kii mɛn bɔ, a dɔ n siére lɛa pelo kɛ lɛ nɛ, ka màn kɔn yɛ ma gɔn wa.» Ǹ ná a lɛ si: «A n miɛ̃ lɛn.»