Malakii 1:2 - LAWA A BOO SONBORE

² Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,

LAWA A BOO SONBORE 2011

² Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,

Malakii 1:2 ပူးပေါင်းရင်းမြစ်များ

Siin Giala 25:23

Dɛnaa tɔ́n pɛ nɛ: Gána paa a minin manə n gɔ́ɔ̃ nɛ. Tɔrɔ tɔtɔ paa n die boe n gɔ́ɔ̃ nɛ. Goon tá re pàã yii a la ǹ miã nɛ. Goledɛnaa lɛ á die dí nyɛɛ kiɛɛrɛdɛnaa lɛ nɛ.

Siin Giala 25:25

Ǹ mɛn soo bibinaanɛ, bɛ gɔ̀nɔn nə tã kəwu ni, a tumaa n ka lɛa ka tɔɔ ki bɛ́ lɔn. Ǹ nə́ bɛ bíi Ezawu (bɛ giala mà "Kadɛnaa").

Siin Giala 25:26

Bɛ kio, ǹ miã lɛ soo, a gɔn nə́ paraa-n Ezawu gòãtoro ganaa. Ǹ nə́ bíi Zakɔba (bɛ giala mà "Gòãtoro"). Ǹ bɛ́ yii ǹ mɛn waáraa, bɛ̀ Izaaki lɛ̀ pɔsɔrɔ nɛ.

Siin Giala 27:33

Bɛ́ gɔ̀nɔn bìn diɛ da Izaaki ganaa parsiini. Á tɔ́n pɛ: «Sɛnɛ, die na á woo don baa, á siĩ dɛ á daa kɔ masɛ la? Má màn tumaa bii, bɛ̀ n nə n tɔn daa wa. Má lɛn bǐɛ̃ bíi bɛa dɛnaa lɛ li, ma a n lɛ boe doɛ̃ doo wa.»

Siin Giala 48:4

Á pɛ ma-n kɛnɛn: «Ma á re n buluboe, ma n nɛnyaanan mɔnaa, ma n baa tɔrɔ gigiã lɛa. Ma á re gána kɛ lɛ koe n tɔrɔn la, a ǹ wɔ baa duuduu.

Kiin1 10:9

Barka á Lawa, Dɛnaa Lawa lɛ ganaa, kɛ lɛ á bǐɛ̃ kɔ n ganaa, á n da Izirayeli a kiibaa la. A giala Izirayeli sii n kɔɔ̃n Dɛnaa Lawa ganaa duduu, bɛ lɛ na á toa á n koa kii lɛa mà n minin sii yɔrɔ bɔ, n sii pepere nya ǹ nɛ.»

Kiin2 3:8

Zozafati nə́ n toa doo: «Wɔ n die boe ka zii mɛn nɛ?» Zoramu ná a lɛ si: «Edɔmu a diə gole zii ke.»

Izayii 43:4

Taãn nɛ, n sii n kaka ma gɔn. Ma n màn sonbore lɛa, ma tá n narɛ. Bɛ lɛ nɛ man minin koe n bǎã nɛ, ma á n nyin lon koe ka tɔrɔn nɛ.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 2:5

Dɛnaa Lawa bɛ́ màn mɛn pii, á ke: Ka digolon tá sã goon yii ǹ ma zɛ̀rɛ baa nɛ? Ǹ nə́ n wɔlɔ lui ma ganaa, ǹ nə́ koe dìn lɛ, ǹ mɛnɛn bɛ́ ǹ ba màn kɔn lɛa wa, ǹ dininmaan dɔn nə́ màn kooron baa.

Zeremii 31:3

Zaman lɛ na á goã pii: «Dɛnaa Lawa nə́ n din nyaa wɔ nɛ tiã lɛ-a.» Ǹ lɛ si kɛnɛn: Man ka narɛ ka kɔn-narɛɛ nɛ, kɔn-narɛɛ mɛn nə́ ke a nyɛɛ duduu wa. Bɛ lɛ nɛ, ma á n gɔn parɛɛ ka ganaa.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Luku 10:29

Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?

Zaã a sɛ́wɔ 15:12

Maa dí-pɛ n ka kɛ nɛ: Ka kɔn narɛ ka masɛ bɛ́ má ka dɔn narɛ lɔn.

Timəə dí-pɛn 10:15

Sɛnɛ, a laan bɛ yii ni, Dɛnaa Lawa na á goã kun ka ka digolon lɛn nɛ, á ǹ narɛ. Ǹ tɔrɔn mɛnɛn bɛ́ ǹ kio, bɛ giala, ka dinin lɛn, a na á ka yii gɔgɔɔ̃, á ka bɔ tɔrɔ kɔsɔn bii, ka a bɛ́ ke lɔn pelo.

Timəə dí-pɛn 23:5

A giala, ka bɛ́ ká soo Ezipti ká n zii la, ǹ da n da ka lɛ ka màn-bii laanka mu-n wa. Moabu tɔrɔn lɛn man nə́ Bewɔɔrɔ a nɛgiĩ Balaamu bii Pewɔɔrɔ kiwi, Mezopotamii gána-n dinin, mà a da lɛn baraa bii ka li.

Timəə dí-pɛn 33:3

Sonbore, Dɛnaa Lawa á minin narɛ, min mɛnɛn bɛ́ a wɔn lɛa, ǹ mɛnɛn bɛ́ woe giɛ̃ tán a li, bɛ̀ ǹ nə n too kɔ a boo li, bɛn lɛn sii na a gɔn.

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.