Malakii 1:14 - LAWA A BOO SONBORE

¹⁴ Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

LAWA A BOO SONBORE 2011

¹⁴ Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Malakii 1:14 ပူးပေါင်းရင်းမြစ်များ

Siin Giala 27:12

Kɔntan, bɛ̀ ma di lɛ nə́ n gɔn talaa ma ganaa, á die doɛ̃, mà masɛ na a lɛn bebele. Bɛa biikoo li, a bie re lɛn bǐɛ̃ bíi masɛ li doo wa, a n die lɛn pipiã bíi ma li.»

Samayeli2 24:24

Sɛnɛ, kii nə́ n piã á pɛ Arabunaa nɛ: «A giɔ̀mɔ bɛ́ ka màn mɛn nɛ, man giɛ li ma pii bɛ ganaa. Dɛnaa Lawa mɛn bɛ́ maa Lawa lɛa, wúlu màn mɛn a bɔ bɛ́ a ba kaka ma ganaa wa, maa bɛ koe la wa.» Davida belee duwəə ǹ bǎã lɛ laanka diin lɛn pii a lon ǹ dinin wɔrɔ posooro.

Loen 102:16

Tɔrɔ kɔsɔn kɛn tá re nyɛ́ɛ biɛ Dɛnaa Lawa tɔ kɛ nɛ. Kanaa a kiin kɛn tumaa á re n nyɛnɛɛ n gugurubaa kɛ nɛ.

Loen 47:2

Tɔrɔn lɛn, ka tumaa nə n gɔn dɛ, ka foo kɔɔ̃nbaa ǹ loe lɔ, ka fòo da nɛ.

Loen 47:3

A giala, Dɛnaa Lawa lɛ, Lon a Lawa gole lɛ a sii á nyɛ́ɛ diɛ. A din nə kii gole lɛa kanaa tumaa mìi la.

Loen 47:8

A giala, kanaa tumaa a kii n ka Lawa nɛ, ka lɔ loe lɛa minin nə dɔ̃.

Loen 48:2

Dɛnaa Lawa á gole, gugurukɔ tumaa na a din wɔ lɛa, wɔa Lawa a kiwi kɛ nɛ, a kele sonbore kɛ la.

Loen 68:35

Ka pɛ mà pàã n Lawa wɔ lɛa. A din lɛ n kii siĩn lɛa Izirayeli mìi la. A pàã lɛ n gole, á woo lon ka labaran bɛ́ lɔn.

Loen 76:12

Ka toa ka n lɛ kɔ kaa Dɛnaa Lawa la ka mànan nɛ, ka da bɛa mànan lɛn dɔn kɔ la. Ka mɛnɛn tumaa bɛ́ kun Lawa nɛ, ka da ka a gɔ ǹ mànan nɛ ká bɔ, ka ǹ kɔ nyɛ́ɛ da ǹ Lawa kɛ la.

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Zeremii 46:18

Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo á ke: «A ma toa ma yii n koo, zɔ́ɔ lɛ á re die. Sàabaa ba la wa ka Tabɔɔrɔ a kele kɛ bɛ́ lɔn kelen bii, ka Karmɛli kele kɛ bɛ́ lɔn yìsi mu lalan.»

Zeremii 48:10

Min mɛnɛn bɛ́ ǹ ba Dɛnaa Lawa a dí nyɛɛ ka ǹ foo tumaa-n wa, lɛn baraa bíi bɛa dɛnan kũ! Min mɛnɛn bɛ́ ǹ ba li ǹ gɛ̀ dɛ ka ǹ gɔya sa n wa, lɛn baraa bíi bɛn kũ!

Zeremii 48:15

Moabu ziziɛ̃, Maǹ we a kiwin kuĩ. Maǹ woe ka a nɛ tenən lɛn nɛ bɔlɔ kuru ǹ bǎã nɛ. Kii ke a tɔ n Dɛnaa Lawa Pàãyiidɛnaa, bɛa da ǹ boo á ke:

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Malakii 1:8

Bɛ̀ ka daa tɔɔ yii tere-a nɛ, tɔɔ mɛn bɛ gisiĩ hinlaa tɔɔ bɔlɔka kɔ ma la *wúlu màn lɛa ka n taasɛ mà á siĩni? Bɛ̀ ka bɛa tɔɔ kɛ lɛ miã kɔ kaa gánadɛnaa la, ka á taasɛ mà a foo á re kɔɔ̃n koe a lɛ kɔ a sii zɛnaa kaa lɛa? Man nɔ̀n diɛ ka la masɛ Dɛnaa Lawa Pàãyiidɛnaa.

Malakii 2:1

Gɔn waa ma n boo á ke masɛ Dɛnaa Lawa Pàãyiidɛnaa n pii ka Lawa a wúlu-bɔlen manɛ:

Malakii 3:9

Ka n lɛ-ǹ baraa bii gɔ́ɔ̃ nɛ, a giala ka n ma siɛ̃, ka dinin ni, ka zaman lɛ tumaa nɛ.

Matiə 24:51

Á die dɔlɔ babaraa boe dí-nyali lɛ ganaa, ka gɔ́ɔ̃ tì-an dɔlɔ kɛ tɔrɔ bɛ́ lɔn. Á re wuu pii bɛa bǎã lɛ nɛ, a sɔ kere bɔ.

Matiə 5:35

Ka baran liɛ ka tán nɛ wa, a giala, Lawa a gòãn kaa ǹ bǎã nɛ. Ka baran n liɛ ka Zeruzalɛmu kiwi-n wa, a giala, kii gole Lawa a kiwi ni.

Marki 14:8

A bɛ́ boe sii mɛn la, a na á bɛ lɛ zɛnaa. A na á nyɔɔ gìĩ kɔɔ̃n kaa masɛ gɔ̀nɔn ganaa, á zɛnaa á koa maa biĩ nyɛɛnɛ.

Luku 12:46

Bɛa dí-nyali kɛ lɛ a dɛnaagiĩ á re die ǹ kɔ́n pinaa, a yiri ná a ba lɛawaa mɛn li wa, ka biikoo mɛn dɔ bɛ́ a ná a ba doɛ̃ wa. A dɛnaagiĩ lɛ á die dɔlɔ boe a ganaa taãn-taãn, a loo a da kun Lawa bɔlɔ tii wolen ne, a na a nɔmaa gialakun yɛ walan.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Timəə dí-pɛn 28:58

Dí-pɛn boon mɛnɛn tumaa bɛ́ kiɛ̃-n sɛ́wɔ kɛ nɛ, bɛ̀ ka yiri bɔ bɛn li ká kɔ ǹ lɛ wa, tɔ mɛn lɛ á ke gugurubaa ná a nɛ á n nyɛ́ɛ dɔ diɛ, "kaa Lawa, Dɛnaa Lawa" lɛ, bɛ̀ ka nyɛ́ɛ baa bɛ-n wa,

Timote1 6:15

Biikoo mɛn nə n koa, Lawa á re toɛ a n din nyaa bɛa biikoo li. Lawa a sii tumaa lɛ n piɛ̃ nɛ, boo sii la wole goon toto ne, kiin Kii ni, dɛnan Dɛnaa nɛ.

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»