Malakii 1:13 - LAWA A BOO SONBORE

¹³ Ka n pii dinin: «Kɛa nɔmaa lɛa.» Ka masɛ Dɛnaa Lawa Pàãyiidɛnaa da ka gɔn dɔ̀ɔ̃ nɛ. Ka tɔɔn mɛnɛn koã, ǹ mɛnɛn bɛ́ gisiĩ ka á bɔlɔkan nɛ ka n bɛn koe masɛ la. Man siɛ lɔn ma tɔn bɛa wúlu màn kɛ miã si? Man nɔ̀n diɛ ka la.

LAWA A BOO SONBORE 2011

¹³ Ka n pii dinin: «Kɛa nɔmaa lɛa.» Ka masɛ Dɛnaa Lawa Pàãyiidɛnaa da ka gɔn dɔ̀ɔ̃ nɛ. Ka tɔɔn mɛnɛn koã, ǹ mɛnɛn bɛ́ gisiĩ ka á bɔlɔkan nɛ ka n bɛn koe masɛ la. Man siɛ lɔn ma tɔn bɛa wúlu màn kɛ miã si? Man nɔ̀n diɛ ka la.

Malakii 1:13 ပူးပေါင်းရင်းမြစ်များ

Samayeli2 24:24

Sɛnɛ, kii nə́ n piã á pɛ Arabunaa nɛ: «A giɔ̀mɔ bɛ́ ka màn mɛn nɛ, man giɛ li ma pii bɛ ganaa. Dɛnaa Lawa mɛn bɛ́ maa Lawa lɛa, wúlu màn mɛn a bɔ bɛ́ a ba kaka ma ganaa wa, maa bɛ koe la wa.» Davida belee duwəə ǹ bǎã lɛ laanka diin lɛn pii a lon ǹ dinin wɔrɔ posooro.

Izayii 1:12

Bɛ̀ ka daa ma yɔrɔ-a, die na á ka bíi mà ka da giã maa kion a sumu-n?

Izayii 57:6

N wɔ gii n ka mu zii kɔlɔ zɔzɔnɔn kɛn nɛ. Bɛ n doe n ganaa. Ma n duvɛ̃ zumii ǹ dinin lɛn ganaa wúlu màn lɛa, ka dì gɔ ǹ màn nɛ n nə́ wúlu màn koe ǹ la. Dɛnaa Lawa n nɔ̀n diɛ: «Ma á siĩn ma lɛ kɔ bɛ ganaa?»

Izayii 61:8

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Ezekieli 4:14

Má tɔ́n a lɛ si má pɛ: «E! Dɛnaa Lawa, ma tɔn *gɔ̀ da ma din-a duduu wa. A saa maa nɛnyaanbaa waáraa ganaa a da kaa pelo lɛ, bɛ̀ màn mɛn gã a din li hinlaa don mànan man nə́ dɛ, máa ma bin bɛa siĩ sɔ̃ duduu wa, ma bin siĩ gɔgɔrɛ kɔn wɔ ma lɛ-n wa.»

Ezekieli 44:31

Bɛ̀ màn mɛn gã, hinlaa ta mànan man nə́ kũ, ta bàan nɛ hinlaa ta don màn nɛ, Lawa a wúlu-bɔle doamaa bie a bɛ sɔ̃ wa.

Ozee 13:9

Izirayeli, n wɔ ziziɛ̃, ma dinsɔɔ̃ n boe la ma da n gú ganaa.

Lawa a wúlu-bɔlen 22:8

Bɛ̀ màn gã a din li, hinlaa don mànan man nə́ wɔwoɛ̃ kɔn, Lawa a wúlu-bɔle doamaa bie a bɛ sɔ̃, a gɔ̀ da a din ganaa-n wa. Ma din ni Dɛnaa Lawa lɛa.

Lawa a wúlu-bɔlen 6:4

Bɛ kio, a na a mɔnaan lɛn waa, a mɔnaa kɔsɔn wɔ, a ton lɛ goa, a soo a n bɔ giã ǹ bǎã kɛ nɛ, a wo kaa tán wúlu bɔ ǹ bǎã kɛa ton kaa ǹ bǎã nɛ.

Amɔɔsi 8:5

Ka dinin lɛn man pii: – Mui dii zɔ́n kɛ n die nyɛɛ biĩ, wɔ tɔn wɔa dɔǹɔn lɛ bũ? *Susu ǹ pii kɛ n die kiɛ̃ biĩ, wɔ tɔn wɔa màn nàn sã? Wɔ n die màn boe a zɔɔ̃ ǹ màn lɛ, wɔ màn da a giɔ̀mɔ li, wɔ a zɔɔ̃ ǹ gɔn bɔyaa wɔ minin koã nɛ.

Misee 6:3

Maa minin, man má wàa la ka la? Fuu mɛn tɔrɔ n má da ka mìi ni? Ka bɛ pɛ masɛ nɛ.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Malakii 2:12

Min mɛn bɛ́ sii kɛ zɛnɛɛ miɛ̃, Lawa bɛa dɛnaa bɔ a bɔ a tɔrɔbaa nɛ a laanka a kion minin tumaa nɛ ka min mɛn dɔ bɛ́ re yii Zakɔba tɔrɔn bii, *wúlu màn sii mà a n koe Dɛnaa Lawa Pàãyiidɛnaa la.

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Timəə dí-pɛn 15:21

Sɛnɛ, bɛ̀ wɔ̀lɔ̀ tá tɔɔ lɛ mɛn-a, bɛ̀ a n simii hinlaa a yii na á tã, hinlaa ta wɔ̀lɔ̀ tɔrɔ kɔsɔ mɛn nɛ, ka nyan bɛ kɔ kaa Lawa, Dɛnaa Lawa la *wúlu màn lɛa wa.

Samayeli1 2:29

Wàa na á baa ka tá barka boe masɛ a wúlu màn lɛ laanka masɛ gɔ ǹ màn lɛ nɛ? Ma bɛ́ máa ka ǹ mɛnɛn bɔ maa kion. Wàa na á baa Elii ná a nɛnyaanan narɛ á la masɛ nɛ, a giala, manə ǹ dinin toe ka masɛ a zaman, Izirayeli nɛnyaanan gɔn màn tumaa a sonbore ne.