Luku 7:41 - LAWA A BOO SONBORE

⁴¹ Yezu nə́ n toa: «Giɔ̀mɔ-dali goon a giɔ̀mɔ n min paa bɔlɔ-a. Ǹ goon wɔ n lɛawaa biɛsooro (500) a wuru dí saraa lɛa. Ǹ goon kɔsɔ kɛ dɔ wɔ n lɛawaa posooro wɔ lɛa.

LAWA A BOO SONBORE 2011

⁴¹ Yezu nə́ n toa: «Giɔ̀mɔ-dali goon a giɔ̀mɔ n min paa bɔlɔ-a. Ǹ goon wɔ n lɛawaa biɛsooro (500) a wuru dí saraa lɛa. Ǹ goon kɔsɔ kɛ dɔ wɔ n lɛawaa posooro wɔ lɛa.

Luku 7:41 ပူးပေါင်းရင်းမြစ်များ

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 3:11

Dɛnaa Lawa pɛ doo: Izirayeli bɔyaa wole lɛ zɛ̀rɛ á kiɛɛrɛ á la Zudaa bɔlɔgoonbaãdɛnaa kɛ nɛ.

Minin nimi 27:3

«Wɔsɛn di na á gã diə gole ne. A goã kun ka gòãn dii wolen kɛn nɛ wa, min mɛnɛn lɛn nə kaa Koree kio ǹ nə́ n gòãn dii Dɛnaa Lawa ganaa. A na á gã a dinmaa a sã taman yii. A nɛginin dɔ yɛ wa.

Matiə 18:28

Dí-nyali lɛ bɛ́ á soo, á kaa ǹ miã dí nya kun wole kɔsɔ lɛ, a dɔ a wɔrɔ we paabiɛ n bɛ ganaa. Á kũ a bɔlɔ-a, á sɔɔ ka a daa a na a bɔlɔ yu, á pɛ nɛ: «Maa giɔ̀mɔ lɛ saraa!»

Matiə 6:12

Wɔ zɛ̀rɛn toa wɔ nɛ, ka wɔ dɔn bɛ́ wɔ miãn wɔn toɛ ǹ nɛ lɔn.

Marki 6:37

Yezu pɛ ǹ nɛ: «Ka dinin nə màn-bii kɔ ǹ la ǹ bii.» Ǹ nə́ tɔ́n pɛ Yezu ni: «Ma n giɛ li wɔsɛn nə lɛawaa biɛpaa a dí nya ǹ giɔ̀mɔ saa wɔ wo buuru pii ni, wɔ tɔn da kɔ ǹ la ǹ sɔ̃?»

Luku 11:4

Wɔa sii baraan toa wɔ nɛ, a giala wɔ dɔn dininmaan tá wɔ miãn tumaa zɛ̀rɛn toɛ ǹ nɛ. Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa.»

Luku 12:48

Ǹ mɛn dɔ bɛ́, a goã a dɛnaagiĩ foo sii doɛ̃ wa, yǎa a sii zɛnaa á n dɔlɔ bɔ ma ganaa boe, bɛa dɔlɔ a gole koe wa. Ǹ bɛ́ ǹ nə́ màn gigiã kɔ min mɛn la, maǹ die màn gigiã nɔ̀n diɛ bɛa dɛnaa la. Ǹ bɛ́ ǹ nə́ màn gigiã koa min mɛn li, maǹ die màn gigiã liɛ bɛa dɛnaa la.

Luku 13:4

Silowee sanabolo bɛ́ á mɛnaa min fulukiwisi mɛn la á ǹ dɛ, ka n taasɛ, mà bɛn man nə́ goã zɛ̀rɛdɛnan lɛa ǹ nə́ la Zeruzalɛmu kiwi minin gialakunun kɛn manɛ?

Luku 7:40

Yezu boo saa á pɛ nɛ: Simɔn ganaa, boo tá ma lɛ-n ma pɛ n nɛ. Yǎa Simɔn nə́ n toa a ganaa mà Mìinaa, mà a pɛ.

Luku 7:47

Yezu pɛ Simɔn nɛ: Bɛ̀ masɛ pɛ mà lɔ kɛ lɛ a sii baraa gigiã kɛ nə́ n toa nɛ, a giala n ka kɛ nɛ, mà á kɔn-narɛɛ gole nyaa. Bɛ̀ sii baraa boɛɛn nə́ n toa min mɛn nɛ, bɛa dɛnaa n kɔn-narɛɛ boɛɛn nyɛɛ.»

Rɔmu minin 3:23

Min din tumaa zɛ̀rɛdɛnaa baa, Lawa gugurubaa mɛn kɔ ǹ la, bɛ nə́ n si ǹ tumaa la.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.