Luku 5:33 - LAWA A BOO SONBORE

³³ Fariziɛ̃n nə́ nɔ̀n da Yezu la ǹ nə́ pɛ: «ZAÃ a kialandɛnan tá nɛn bɛ̀ ǹ nə n lɛ sɔɔ, ǹ Lawa nyankɔ. Wɔsɛn dɔn wɔn tá zɛnɛɛ miɛ̃. Sɛnɛ, nsɛ wɔn man màn bii, ǹ nə́ màn mii.»

LAWA A BOO SONBORE 2011

³³ Fariziɛ̃n nə́ nɔ̀n da Yezu la ǹ nə́ pɛ: «Zaã a kialandɛnan tá nɛn bɛ̀ ǹ nə n lɛ sɔɔ, ǹ Lawa nyankɔ. Wɔsɛn dɔn wɔn tá zɛnɛɛ miɛ̃. Sɛnɛ, nsɛ wɔn man màn bii, ǹ nə́ màn mii.»

Luku 5:33 ပူးပေါင်းရင်းမြစ်များ

Suusun 28:9

Min mɛn bɛ́ n too tiɛ̃ màn mɛn bɛ́ toɛ a nyan dí-pɛn ma wa, a Lawa nyankɔ dɔ din nə sii bɔbɔnɛɛ lɛa.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Zakarii 7:6

Bɛ̀ kaa màn bii ka n màn mii, ka dinin là taman yii bie wa?»

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Marki 12:40

Maǹ mɛnɛɛ lɔ giɔɔrɔn la ǹ tá ǹ gɔn màn yii sii ǹ la, ǹ wusoo ǹ wo Lawa nyankɔ ǹ belebɔ la, ka ǹ sii zɛnaa wa. Ǹ nɔmaa dɔ n die gole koe a kɔnpɛ ka ǹ zɛnaa ǹ siin ni.»

Luku 11:1

Ǹ kɔ́n pinaa Yezu na á goã Lawa nyankoe bǎã kɔ́n nɛ. A bɛ́ á nya, a kialandɛnaa goon pɛ: «Dɛnaa, wɔsɛn daraa Lawa nyankɔ ganaa, ka ZAÃ bɛ́ á goã a ná a kialandɛnan daraa-a lɔn.»

Luku 18:12

Masɛ nə n lɛ soɛ lɛawaa paa piizii goon gɔ́ɔ̃ nɛ. Ma á màn woo màn yii, ma na a talɛɛ fùbaa ǹ wɔ koe Lawa la.»

Luku 2:37

Bɛ kio, á goã lɔ giɔɔrɔbaa nɛ, yǎa á zizi kɔ á woo dɔ lɛ̀ pɔkiwisiwensii. A goã soe doo á n boe Lawa a kion wa, a na á goã Lawa guguru koe tèlò laanka penleen ne, bɛ̀ a nə́ n lɛ soɛ á n Lawa nyankoe.

Luku 20:47

Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

Luku 5:32

Min mɛnɛn bɛ́ giɛ ǹ dinin ganaa min peperen lɛa, masɛ bie má daa bɛn lɛa wa, sɛnɛ, min mɛnɛn bɛ́ n dinin doɛ̃ sii baraa-zɛnaalin lɛa, ma má daa bɛn lɛa, màn mɛn bɛ́ toɛ, ka wusoo kaa siin kio ka kɔ zii pepere lɛ.»

Luku 5:34

Yezu tɔ́n boo giməə da ǹ nɛ a din wɔ gɔn la: «Ǹ tá boe la, ǹ lɔ tii ǹ zuũ a giaáran kaa lɛ sɔɔ ganaa, bɛ̀ lɔ tii ǹ zuũ dinmaa n kunun ǹ ni?

Zaã a sɛ́wɔ 1:35

A lɛawaa, ZAÃ na á goã a din bǎã goon lɛ nɛ, kun ka a kialandɛnaa min paa nɛ.

Zaã a sɛ́wɔ 3:25

Ǹ kɔ́n pinaa, liere yoo giĩ goon laanka ZAÃ a kialandɛnan bii, *gɔ̀ bɔ minin ganaa ǹ landa wɔ gɔn la.

Nya ǹ dín 9:11

Dɛnaa tɔ́n pɛ nɛ: «Soo, zii mɛn bɛ́ ǹ nə́ bíi Zii Pepere, wo bɛ la, n wɔ Zudaasi a kion, n nɔ̀n da ka Tarsin giĩ kɛ nɛ ǹ nə́ bíi Sooli. Bɛa giĩ lɛ tá a gialaa Lawa nyankoe.