Luku 5:21 - LAWA A BOO SONBORE

²¹ Landa sii-daraalin laanka Fariziɛ̃n nə́ yoo ǹ nə́ sɛ̀ binbisin pii mà wàa dɛnaa n ka giĩ kɛ nɛ, a n sɔ koe Lawa-a kɛnɛn? Mà bɛ̀ á n bɔ Lawa dinsɔɔ̃ nɛ, mà die kɔsɔ n boe la a sii baraa toa minin manɛ?

LAWA A BOO SONBORE 2011

²¹ Landa sii-daraalin laanka Fariziɛ̃n nə́ yoo ǹ nə́ sɛ̀ binbisin pii mà wàa dɛnaa n ka giĩ kɛ nɛ, a n sɔ koe Lawa-a kɛnɛn? Mà bɛ̀ á n bɔ Lawa dinsɔɔ̃ nɛ, mà die kɔsɔ n boe la a sii baraa toa minin manɛ?

Luku 5:21 ပူးပေါင်းရင်းမြစ်များ

Loen 103:3

A din nə maa sã ǹ siin tumaa toɛ ma nɛ, a din nə maa busun tumaa nyɛɛ.

Loen 130:4

Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

Loen 32:5

Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa.

Loen 35:5

Dɛnaa Lawa, bɛ̀ n lon a dia dí-a wole kɛ tá baa diɛ ǹ gòã li, ǹ baa ka kaã bɛ́ lɔn kiɛ̃ piɛ̃ li.

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 44:22

Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»

Lawa a wúlu-bɔlen 24:16

Kɛ kio, bɛ̀ min woo min Dɛnaa Lawa tɔ ziziɛ̃, ka dɛ a gã. Ta gùli ni hinlaa Izirayeli min ni, ka kɔlɔ kaã bɔ a ganaa, ka dɛ a gã, masɛ tɔ ziziɛ̃ lɛ a lɛa.

Misee 7:19

Á die wusii a makara bɔ wɔ-a doo. Á die wɔa sii baraan toɛ wɔ nɛ, á ǹ tuturu a ǹ bɔ wɔ-a lenlen.

Matiə 26:65

Lawa a wúlu-bɔlen kiã nɔmaa a ná a din a mɔnaan kũ á ǹ toɛ̃, á pɛ: «Á Lawa tɔ ziziɛ̃! Wɔsɛn laadoo ba siére kɔsɔ-a doo wa! Ka bɛ́ ka a Lawa tɔ ziziɛ̃ ǹ boo lɛ ma.

Matiə 9:3

Landa sii-daraalin kɔnɔn nə́ nɔmaa ǹ nə́ pɛ kɔn nɛ: «Giĩ kɛ n sɔ koe Lawa ganaa.»

Luku 3:8

Ka zɛnaa ǹ siin zɛnaa, ǹ mɛnɛn bɛ́ nyɛɛ mà ka kaa giã ǹ gɔn bɔyaa. Ka ǹ taasɛ mà Abrahamu bɛ́ ka digolo lɛa, mà sii kɔ́n ba boe la a ka yɛ wa. Ka baran n dinin bebele wa! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Luku 5:17

N kɔ́n pinaa Yezu na á goã minin darɛɛ. *Fariziɛ̃n laanka landa sii-daraalin kɔnɔn nə́ goã giã-n tán-a a li, maǹ nə́ bɔ Galilee laanka Zudee kiwin ni, ka Zeruzalɛmu kiwi dɔ nɛ, ǹ nə́ daa. Dɛnaa din pàã na á goã dí nyɛɛ, á n busulən kaka koe.

Luku 5:22

Sɛnɛ, Yezu bɛ́ ǹ taasiɛn doɛ̃, á pɛ ǹ nɛ: – Wàa nɛ ka tá taasiɛn kɛn we ka gɔ́ɔ̃ nɛ?

Luku 7:49

Min mɛnɛn bɛ́ màn bii ǹ bǎã lɛ nɛ kunun ǹ ni, bɛn nə́ pɛ ǹ gɔ́ɔ̃ nɛ mà wàa mɛn min ni ka kɛ nɛ, a n minin sii baraan toa ǹ nɛ lɛn zoɛ̃?

Zaã a sɛ́wɔ 10:33

Zuifun nə́ tɔ́n pɛ nɛ mà ǹsɛn bie giɛ li ǹ dɛ ka kɔlɔ nɛ, sii sonbore zɛnaa taman yii wa, sɛnɛ, mà Lawa tɔ ziziɛ̃ ǹ boo na á toa, ǹsɛn tá giɛ li ǹ dɛ ka kɔlɔ nɛ. Mà a giala, mà asɛ din minbuiin nɛ kɛ nə n din biɛ Lawa lɛa.

Rɔmu minin 8:33

Lawa din min mɛnɛn bɔ, die n die bɛn zɛ̀rɛ biɛ? Min kɔ́n, a giala, Lawa dinmaa nə ǹ biɛ min peperen lɛa.