Luku 16:29 - LAWA A BOO SONBORE

²⁹ Abrahamu ná a lɛ si mà Lawa landa siin mɛnɛn kɔ Muizu la, ka a boon mɛnɛn dɔn kɔ a din a boo gii-dalin la ǹ nə́ pɛ, mà bɛn tá ǹ dɔɔ̃nɔn lɛn li, ǹ nə́ n gɔn wɛɛ ǹ nɛ. Mà ǹ nə n too kɔ bɛn lɛn lon.

LAWA A BOO SONBORE 2011

²⁹ Abrahamu ná a lɛ si mà Lawa landa siin mɛnɛn kɔ Muizu la, ka a boon mɛnɛn dɔn kɔ a din a boo gii-dalin la ǹ nə́ pɛ, mà bɛn tá ǹ dɔɔ̃nɔn lɛn li, ǹ nə́ n gɔn wɛɛ ǹ nɛ. Mà ǹ nə n too kɔ bɛn lɛn lon.

Luku 16:29 ပူးပေါင်းရင်းမြစ်များ

Izayii 34:16

Bɛ̀ ka n yii kɔ Dɛnaa Lawa a sɛ́wɔ kɛ nɛ, ka á re kɛa boon kɛn yii kiɛ̃ nɛ: Bɛa tɔɔn kɛn lɛn goon din fɔ̃ daa li wa. Ǹ tumaa daa sà laanka dan. A giala Dɛnaa Lawa din na á bɛa dí-pɛ kɔ ǹ la. A din yiri na á ǹ sɔkɔn.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Luku 16:16

«A kũ lɛlɛ-lɛlɛ ganaa a da ZAÃ a biikoo yaa, Lawa a dí-pɛn laanka a boo gii-dalin sɛ́wɔn dininsɔɔ̃nɔn man nə́ goã. Sɛnɛ sisia, Boo Tii Kɔɔ̃n kɛ tá n pii, mà Lawa n kii lɛa. Didie nə n doɛ a tá n wen woɛ, màn mɛn bɛ́ toɛ, a wɔ *Lawa a kiibaa ǹ bǎã nɛ.

Luku 24:27

Bɛ kio á boo saa doo, Lawa a boo á màn mɛn tumaa diɛ a wɔ gɔn la, á bɛ giala pɛ ǹ nɛ. A ná a giala kɔ Muizu a sɛ́wɔn ganaa, á daa Lawa a boo gii-dalin gialakunun kɛn wɔn yaa.

Luku 4:17

Ǹ nə́ Lawa a boo gii-dali Izayii a sɛ́wɔ kɔ la. Á bɛa sɛ́wɔ lɛ lɛ bɔ á woo bǎã kɔ́n yaa, a n kiɛ̃-n bɛa bǎã lɛ-n kɛnɛn:

Nya ǹ dín 15:21

Sonbore, a kũ biikoo sɔsɔɔ ganaa, Muizu a dí-pɛn lɛn laakalaalin tá kiwi din tumaa nɛ, a giala, ǹ tá a sɛ́wɔ lɛ pii *susu ǹ pii tumaa li lɛsɔkɔn kionən ne.»

Galaasi minin 4:21

Man nɔ̀n diɛ ka la, kasɛn mɛnɛn bɛ́ zoɛ̃ mà ka goã Muizu a dí-pɛn giulun. Bɛa dí-pɛn kɛn lɛn bɛ́ boo mɛn diɛ, ka ǹ ka a miɛ wa?