Luku 15:29 - LAWA A BOO SONBORE

²⁹ Sɛnɛ, nɛ lɛ mà ǹ di ganaa kaa mà a lɛ̀ damatan ke asɛ n dí nyɛɛ nɛ, mà asɛ bin ná a bɔlɔ tii duduu wa. Sɛnɛ, mà a bin bòe nɛ din kɔ asɛ la mà asɛ zɔ́n zɛnaa-n kun a giaáran nɛ wa.

LAWA A BOO SONBORE 2011

²⁹ Sɛnɛ, nɛ lɛ mà ǹ di ganaa kaa mà a lɛ̀ damatan ke asɛ n dí nyɛɛ nɛ, mà asɛ bin ná a bɔlɔ tii duduu wa. Sɛnɛ, mà a bin bòe nɛ din kɔ asɛ la mà asɛ zɔ́n zɛnaa-n kun a giaáran nɛ wa.

Luku 15:29 ပူးပေါင်းရင်းမြစ်များ

Izayii 65:5

Maǹ pii minin manɛ: «Ka nyan nə n mɔrɔ ma ganaa wa, ka nyan nə n gɔn da ma ganaa wa. A giala, man Dɛnaa Lawa a bɔ a koa wole lɛa.» Ka bɛ sii mɛn tumaa zɛnɛɛ, a n ma foo yui, a n ma kuĩ baraabaraa ka tɛ bɛ́ lɔn.

Malakii 3:14

Ka boo mɛn da á ke: «Ká mà dí nya Lawa nɛ n kooro lɛa. Á ke, wɔa là n wàa nɛ ta wɔ n bɔlɔ si, wɔ foo ziziɛ̃ nsɛ Dɛnaa Lawa Pàãyiidɛnaa taman yii.

Matiə 20:12

«Da nyɔɔbaa wolen kɛn, ǹ dí nya á kiɛ̃ biikoo goon la wa, maǹ bɛn saraa biɛ goon ka wɔsɛn wɔ nɛ, a da yaa wɔsɛn nə́ lɛawaa goon dí kɛ lɛ a nɔmaa si wɔ ganaa, wasa panpan kɛ giulun!»

Luku 15:28

Nɛgiĩ goledɛnaa lɛ foo yoo, á n piã mà asɛ a we kion wa. Ǹ di soo a ná a nyankɔ.

Luku 15:30

Sɛnɛ, mà a nɛ bɛ́ á daa kəni, mà a n diin nɛ kurunkurun dii. Mà nɛ mɛn ná a gɔn màn si á woo ziziɛ̃ kun ka lɔn nɛ.

Luku 15:7

Man pii ka nɛ, nyɛnyɛɛ n Lawa a piɛ bɛa yɔrɔ kɛ lɛ la, biikoo woo biikoo, bɛ̀ sii baraa-zɛnaali goon toto wusoo a sii baraan kio á golee Lawa li. Nyɛnyɛɛ tá Lawa a piɛ bɛa lɛa, á la din baa min pepere lɛa wole pɔmanangɔrɔwen manangɔrɔ nɛ, a giala bɛn man taasɛ, mà ǹsɛn laadoo ba a ganaa, ǹ wusoo ǹ sii baraan kio wa.

Luku 17:10

Ka dɔn wɔ lɛ n miɛ̃. Lawa dí mɛn din tumaa kɔ ka la, bɛ̀ ka bɛ nya ka nya, ka pɛ mà kasɛn man dí-nyalin dininsɔɔ̃nɔn lɛa. Mà kasɛn man ka kaa wɔ lɛ zɛnaa.»

Luku 18:9

Yezu na á boo giməə kɛ da. Min mɛnɛn bɛ́ n dinin biɛ min peperen lɛa Lawa yɔrɔ-a, ǹ nə́ giɛ ǹ miãn-a min kɔrɔn lɛa, a na á da bɛn manɛ:

Luku 19:21

Mà asɛ na á goã nyɛ́ɛ biɛ a din ni, a giala, mà á min kakaarɛ lɛa. Mà a bɛ́ a màn mɛn koa wa mà a n bɛ siɛ, mà a bɛ́ a màn mɛn da wa mà a n bɛ kuri.

Rɔmu minin 10:3

Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 3:27

Wɔsɛn Zuifun lɛn, din gole kɔ tɔrɔ kɔsɔn ganaa ǹ gɔn tá wɔ lon? Haayii dɛ, a banban! Wàa na á baa? Ta wɔ n dí-pɛn lɛn sii zɛnɛɛ, wɔ tá a lɛ piɛ̃, bɛ dɔ ba a gɔn lɛa wa? Haayii! Màn kɔ́n! Yǎa wɔ golee Lawa li.

Rɔmu minin 7:9

Lɛlɛ-lɛlɛ, dí-pɛ bɛ́ a banban, gɛ̀ goã wɔ mìi-n wa. Sɛnɛ, dí-pɛ lɛ bɛ́ á daa, pàã wɔ sii baraa nɛ, gɛ̀ daa wɔ mìi ni.

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»

Sii-nyaan 3:17

Ma n pii mà ma n pàãma lɛa, mà ń gɔn màn-dɛnaa baa, mà n laadoo ba màn kɔ́n ganaa doo wa. N ba doɛ̃ mà ma n yii koe-yɛle lɛa, makara-bɔle lɛa, ma n doobaa lɛa, n nə́ yii tere-a lɛa, n nə́ gɔ̀nɔn kooro-an dɔ lɛa wa.