Luku 15:24 - LAWA A BOO SONBORE

²⁴ A giala a n goon ka maa nɛ kɛ na á gã, a yii wusoo á kaa. A na á papaã, á wusoo á yɛ.» Ǹ nə́ yoo ǹ tá zɔ́n zɛnɛɛ.

LAWA A BOO SONBORE 2011

²⁴ A giala a n goon ka maa nɛ kɛ na á gã, a yii wusoo á kaa. A na á papaã, á wusoo á yɛ.» Ǹ nə́ yoo ǹ tá zɔ́n zɛnɛɛ.

Luku 15:24 ပူးပေါင်းရင်းမြစ်များ

Siin Giala 45:28

Á tɔ́n pɛ: «Masɛ din bie nɔ̀n diɛ ka sii kɔsɔ-n wa. Zozɛfu yii á tɔn koo! Man giɛ li ma woo, ma yii yɛ, ma tɔn gã.»

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 66:11

Nɛ ǹ dan nyɔ bɛ́ piɛ̃ lɔn a nɛ tiɛɛ̃n mi ka foo kɔɔ̃n nɛ a kã, ka dɔn tá re kiɛ̃ miɛ̃, a ka foo waa.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 34:4

Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.

Matiə 8:22

Yezu tɔ́n pɛ nɛ: «Kɔ masɛ kio lɛ. A toa geren nə ǹ geren bĩ.»

Marki 8:22

Ǹ nə́ dɔ Bɛtsayidaa kiwi. Minin nə́ daa yii tere-a goon kɔ Yezu la, ǹ ná a nyankɔ mà a n gɔn da la, a na a busu nya.

Luku 10:19

Ka n too kɔ: Á ke, má pàã kɔ ka la, máa ka zɔ́ɔ Sɛtaan pàã din tumaa tuturu, ka tɔ wɔ miɛ̃n laanka tonən la, sii baraa kɔ́n dɔ a re ka yii duduu wa.

Luku 15:23

Ka da ka diin nɛ kurunkurun kɛ nɛ, ka dɛ, wɔ màn bii kun ka nyɛnyɛɛ nɛ.

Luku 15:25

Giĩ lɛ a nɛgiĩ goledɛnaa kɛ na á goã wuru-n. A bɛ́ boe don, á diri piɛ la, á maàn wuu ma ka bɛ̀-baan nɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Luku 15:4

«Bɛ̀ min a sère n paabiɛ, yǎa a goon papaã, a na a pɔmanangɔrɔwenmanangɔrɔ kɛ toɛ walan don, a wo ga goon kɛ lɛ li yǎa a yii. Ka dinin die na a ba bɛ zɛnɛɛ wa?

Luku 19:10

Sonbore, min mɛn bɛ́ papaã nɛ, Min a Nɛgiĩ na á daa ga bɛ lɛ li a tá a kirisibiɛ.»

Luku 9:60

Sɛnɛ, Yezu pɛ nɛ: «A toa geren nə ǹ gere bĩ. Sɛnɛ, nsɛ wo Lawa a kiibaa lɛ boo da.»

Zaã a sɛ́wɔ 11:25

Yezu tɔ́n pɛ nɛ: «Masɛ din nə geren yii-kaali lɛa, ma din nə yiikoonaabaa lɛa. Bɛ̀ min mɛn golee masɛ li, ta ǹ dɛnaa na á gã, a yii n tɔn koo;

Zaã a sɛ́wɔ 5:21

Díi bɛ́ geren yii kiɛ lɔn bɛ̀ a yiikoonaabaa kɔ ǹ la, Nɛgiĩ lɛ dɔ bɛ́ li a yiikoonaabaa dii kɔ min mɛn la, a n koe bɛa dɛnaa la.

Rɔmu minin 11:15

Sonbore, ǹ da para li kio ne, kanaa bii kɔɔ̃n kɔ kɔn ka Lawa nɛ. Bɛ̀ Lawa wusoo á n yɔrɔ da ǹ la, wàa n die n zɛnɛɛ kəni? A n die n biɛ ka min a yii kaa a bɔ geren bii bɛ́ lɔn!

Rɔmu minin 12:15

Ka n nyɛnyɛɛ kun ka nyɛnyɛɛ wolen ne, ka wuu pɛ kun ka wuu-pɛlen ne.

Rɔmu minin 6:11

Ka doamaa-n ka n taasɛ ka dinin sii ganaa bɛa yɔrɔ goon kɛ lɛ la. Ka n ká gã sii baraa wɔ a paǹ li, sɛnɛ, ka bɛ́ kun Yezu Krita nɛ, ka yii n koo Lawa a lɛa.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Rɔmu minin 8:2

Sonbore ne, Lawa a Yiri Fu mɛn bɛ́ nyin nyabaã koe ma la, maa kaa kun ka Yezu Krita-n barka nɛ, bɛ pàã na á ma si sii baraa laanka gɛ̀ pàã la.

Korɛnti1 12:26

Bɛ̀ gù goon tá nɔmaa nɛ, gù lɛ din tumaa na á nɔmaa lɛ gii kɔn. Bɛ̀ gugurubaa tá gù goon li, gù lɛ din tumaa na a nyɛnyɛɛ gii kɔn.

Efɛɛzi minin 2:1

Lɛlɛ, ka ǹ ká goã geren lɛa Lawa wɔ paǹ li, kaa sã ǹ siin lɛa, ka kaa sii baraan nɛ.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Kolɔɔsi minin 2:13

Kasɛn mɛnɛn bɛ́ ká goã goon ka geren ne, kaa sii baraan laanka kaa soromabaa a lɛa, Lawa na á wusoo á ka yii kaa kun ka Krita lɛ din ni. Lawa lɛ na á wɔa sii baraan tumaa toa wɔ nɛ.

Timote1 5:6

Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.

Sii-nyaan 3:1

Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!