Luku 13:34 - LAWA A BOO SONBORE

³⁴ Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

LAWA A BOO SONBORE 2011

³⁴ Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Luku 13:34 ပူးပေါင်းရင်းမြစ်များ

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Loen 36:7

N peperebaa lɛ n yii ka kele dadaran bɛ́ lɔn. N kiri kurii lɛ n zuzulu ka nyankɔrɔ gole bɛ́ lɔn. Dɛnaa Lawa, n din nə minbuiinin laanka tɔɔn tamaɛ.

Loen 57:1

LOE-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. A bɛ́ á baa si, á woo n dɔ yala kɔrɔ nɛ, màn mɛn bɛ́ toɛ, a la kii Sayulu la, Davida n boo diɛ bɛ wɔ gɔn la.

Loen 81:13

Bɛ lɛ nɛ, ma ǹ toa walan, ǹ baãnaabaa ǹ too kakabaa gɔ́ɔ̃ nɛ. Haya, ǹ kɔ ǹ dinin dùũ lɛ kəni.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Izayii 30:15

Dɛnaa Lawa, Izirayeli a Lawa sonbore n kɛ pii: Bɛ̀ ka n bɔyaa ka daa masɛ li, ka giã kiĩn ni, ka á re kirisibaa yii. Bɛ̀ ka n foo doa masɛ ganaa, ka giã kiĩn ni, bɛ lɛ n die pàã koe ka la. Sɛnɛ, ka lɛ kɔ bɛ ganaa wa.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 26:23

Ǹ nə́ bɔ ka Uria nɛ Ezipti gána nɛ ǹ nə́ daa nɛ, ǹ nə́ woo-n kii lɛ li. Zozakimu nə ǹ da a dɛ ganaa, ǹ ná a gere zũ geren kaa ǹ nyankɔrɔ gole kɛ nɛ.

Zeremii 35:14

Rekabu a nɛgiĩ Zonaadaabu pɛ a nɛnyaanan manɛ mà ǹ baran duvɛ̃ mi wa. Rekabu tɔrɔn lɛn nə́ bɛa boo lɛ si, ǹ duvɛ̃ mi wa, a da pelo yaa. A giala, maǹ nə́ ǹ digolo bɔlɔ si. Sɛnɛ, biikoo tumaa li, masɛ Dɛnaa Lawa boo da ka nɛ, sɛnɛ, ka n too kɔ ma lon wa.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Matiə 22:3

A ná a dí-nyalin dia mà ǹ wo minin bíi ǹ da kɔn wɔ ǹ màn bii. Sɛnɛ, bɛn nə́ n piã mà ǹsɛn ba die wa.

Matiə 22:6

gialakunun lɛn nə́ kii lɛ a dí-nyalin lɛn kũ, ǹ nə́ fuu nyaa ǹ yii ni, yǎa ǹ nə́ gã.

Luku 15:28

Nɛgiĩ goledɛnaa lɛ foo yoo, á n piã mà asɛ a we kion wa. Ǹ di soo a ná a nyankɔ.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»

Luku 23:28

Yezu nə́ n yɔrɔ bɔyaa á dia ǹ la, á pɛ ǹ nɛ: – Zeruzalɛmu lɔn lɛn, ka baran wuu pɛ masɛ a lɛa wa, ka wuu pɛ ka dinin lɛa ka kaa nɛnyaanan nɛ.

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Nya ǹ dín 7:59

Ǹ bɛ́ Itian lɛ dii, a na á goã Lawa nyankoe kɛnɛn: «Dɛnaa Yezu, masɛ telenboen si.»

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

Uruti 2:12

N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»