Luku 11:42 - LAWA A BOO SONBORE

⁴² «Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

LAWA A BOO SONBORE 2011

⁴² Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 11:42 ပူးပေါင်းရင်းမြစ်များ

Nehemii 10:37

Lawa a wúlu-bɔlen mɛnɛn bɛ́ dí nyɛɛ wɔa Lawa a kion kɛ nɛ, wɔ́ lɛ kɔ wáa wɔ á die woe ka wɔa nɛgiĩ bibinaan laanka wɔa tɔɔn nɛ bibinaan nɛ bɛn li, wɔa Lawa a kion kɛ nɛ, ka a bɛ́ kiɛ̃-n dí-pɛn sɛ́wɔ kɛ-n lɔn. Wɔa tɔɔ dadaran nɛ bibinaan laanka wɔa tɔɔ bisinin wɔn nɛ.

Suusun 21:3

Giã ǹ gɔn sonbore, a n pepere, á kiɛ Dɛnaa Lawa foo la á la *wúlu màn nɛ.

Boo-laakalaali 7:18

Á siĩni n nə n gɔn paraa bɛ lɛ ganaa, n nə n gɔn paraa bɛa doree màn paa kɛ lɛ ganaa. A giala, min mɛn bɛ́ nyɛ́ɛ biɛ Lawa nɛ, a foɛ̃ bɛa sii paa kɛ lɛ kɔn baalɛ wa.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Matiə 23:27

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Gere yalan mɛnɛn lalan bɛ́ fu, ka n goon ka bɛn nɛ. Ǹ tá siĩn yɔrɔ-a, sɛnɛ, ǹ gɔ́ɔ̃ piɛ̃maa-n ka gere wen laanka màn bɔnɛɛ tɔrɔ din tumaa nɛ.

Luku 18:12

Masɛ nə n lɛ soɛ lɛawaa paa piizii goon gɔ́ɔ̃ nɛ. Ma á màn woo màn yii, ma na a talɛɛ fùbaa ǹ wɔ koe Lawa la.»

Zaã a sɛ́wɔ 5:42

Ma á ka doɛ̃ parsiini, Lawa a kɔn-narɛɛ ba ka foo-n wa.

Zaã1 4:20

Bɛ̀ min pɛ, mà asɛ á Lawa narɛ, ǹ dɔɔ̃n dɔ tìĩ n boe-n a nyin ni, soɛ-bɔle ne. Lawa mɛn bɛ́ a yii ba a ganaa wa, a boe la a bɛ narɛ, bɛ̀ ǹ dɔɔ̃n mɛn bɛ́ a yii ná a ganaa, bɛ̀ a ná a bɛ narɛ wa.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.