Loen 99:1 - LAWA A BOO SONBORE

¹ Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

LAWA A BOO SONBORE 2011

¹ Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Loen 99:1 ပူးပေါင်းရင်းမြစ်များ

Samayeli2 6:2

Davida yoo á zii saa, a din laanka zaman mɛn tumaa goã kun ni. Ǹ nə́ woo Baalee, Zudaa gána nɛ, mà maǹ woe Lawa a *lɛ kɔ kɔn la ǹ goo lɛ siɛ ǹ nə́ die ne. Ǹ nə́ goã tɔ kɔn pii lɛ kɔ kɔn la ǹ goo lɛ ganaa, Dɛnaa Lawa Pàãyiidɛnaa kɛ tɔ nɛ. Lon màn yiikoonaan nyínin mɛnɛn bɛ́ goo lɛ lalan, a n giã-n bɛn bii.

KZS1 16:30

Ka tumaa bìn da a yɔrɔ-a. Bɛ lɛ nɛ kanaa lɛ á golee ne, a ná a ba talɛɛ wa.

Loen 18:10

Dɛnaa Lawa lon toɛ̃, á gisĩ. Á gisĩ ka labara kaara nɛ a gòãn giulun.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Loen 80:2

Izirayeli-lɛduə̃li, n too kɔ. N din mɛn bɛ́ miɛ̃ n zaman nyɛɛnɛ, n kii dankan nə lon màn yiikoonaan lalan, n din nyaa.

Loen 82:5

Sɛnɛ, ka a màn kɔn doɛ̃ wa, ka a màn kɔn giala miɛ wa. Ka n tɔ we wɔlɔ tì li, ka nə́ n gɔn tatalɛɛ. Bɛ lɛ a lɛa nɛ, kanaa lɛ lɛ á kanaa nɛ, á n giɛ li a bɔ̀n baa.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Loen 96:10

Ka pɛ tɔrɔ tumaa nɛ: Dɛnaa Lawa lɛ n kii lɛa, bɛ lɛ nɛ kanaa lɛ á golee ne, a ná a ba talɛɛ wa. Dɛnaa Lawa lɛ n kiri we minin-a, ka peperebaa nɛ, a ba bɔkɔnlɛ we wa.

Loen 96:9

Kanaa minin lɛn, bɛ̀ Dɛnaa Lawa ná a siĩnbaa lɛ nyaa, ka tumaa kaa tán, ka a guguru kɔ. Ka tumaa bìn da a yɔrɔ-a.

Loen 97:1

Dɛnaa Lawa lɛ n kii lɛa. Kanaa minin nə bɛ̀ baa ka foo kɔɔ̃n nɛ, haalɛ gána sɔsɔɔ minin kɛn, ka dɔn nə n nyɛnyɛɛ.

Loen 97:4

A din a tɛ-pɛn man wɔlɔ fúlu boe kanaa lɛ nɛ. Minin man bɛn lɛn yii, ǹ tá bìn diɛ.

Bɔ bɛ̀rɛbaa nɛ 25:22

Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Izayii 19:14

Dɛnaa Lawa na á ǹ yiri lɔlɔkɔn. Sonbore, bɛa kiãn lɛn man Ezipti yiri siɛ̃ a zɛnaa ǹ sii tumaa nɛ. Ezipti na á kɔnbɔ ka yɔdɛnaa nɛ n lɔloɛ a pisəə ne.

Zeremii 4:24

Man giɛ kelen ganaa: maǹ bìn diɛ. Tenten tumaa n bìn diɛ.

Zeremii 49:21

Ǹ bɔ á mɛnaa wuu n bìn diɛ tán ganaa. Ǹ lɛ dɛ wuu n boe Sawɛɛ tà lɛ-a.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Zeremii 50:46

Ǹ mɛn waáraa bɛ̀ ǹ tá pii: «Ǹ nə́ Baabilonii kũ!», tán nə bìn diɛ, lɛ dɛ gole n boe gána tumaa nɛ.

Ezekieli 43:7

Á tɔ́n n toa ma ganaa: «Minbuiin a nɛ ganaa, bǎã kɛ lɛ n masɛ a kii dankan laanka maa gòãn kaa ǹ bǎã lɛa. Man die giɛ̃ Izirayeli minin lɛn bii walan, yǎa duduu. «Izirayeli tɔrɔn lɛn ba re ma tɔ sonbore kɛ ziziɛ̃ doo ka ǹ dì wúlu bɔn laanka ǹ kiin kɛn gere bĩ walan nɛ wa.

Luku 19:12

Á pɛ: – Kii nɛ goon ne, á woo gána sɔsɔɔ kɔ́n nɛ, á woo ga kiibaa li kii gole gole li, a nə n bɔyɛɛ.

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Luku 19:27

Giĩ lɛ mà asɛ a zɔ́ɔn kɛn, min mɛnɛn bɛ́ mà ǹsɛn ba li asɛ giã ǹ mìi la wa, mà ǹ da ǹ nɛ kànaa, ǹ nə ǹ bɔlɔ kuru asɛ yɔrɔ-a.

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Sii-nyaan 11:17

bɛ̀ ǹ nə́ pii: «Dɛnaa Lawa Pàãyiidɛnaa, nsɛ mɛn bɛ́ n tan, n goã n tan, wɔ a barka diɛ n nɛ. A giala n dí nya ka n pàãyiidɛnaabaa nɛ, n nə́ n kiibaa koa.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 6:14

Lon nə́ n munu kɔn, ka ǹ bɛ́ sɛ́wɔ muni kɔn lɔn. Kelen ne, ka tentenen mɛnɛn bɛ́ mu bii, ǹ tumaa papaã ǹ nə́ n bɔ ǹ bǎã nɛ.