Loen 98:3 - LAWA A BOO SONBORE

³ Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

LAWA A BOO SONBORE 2011

³ Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Loen 98:3 ပူးပေါင်းရင်းမြစ်များ

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 67:7

Tán nə́ màn-kɔsiɛn bǐɛ̃ kɔ. N din lɛ n wɔa Lawa lɛa, ń barka da wɔ-a.

Loen 98:2

Dɛnaa Lawa nyaa kanaa tumaa yɔrɔ-a, mà asɛ din nə wɔ kirisibaali lɛa, á ná a peperebaa nyaa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Lawa a wúlu-bɔlen 26:42

masɛ dɔ lɛ kɔ kɔn la mɛn wɔ kɔn ka ǹ digolo Zakɔba nɛ, ka Izaaki laanka ka Abrahamu ni, masɛ dɔ á re bɛ lɛ piɛ̃. Ma lɛ kɔ kɔn la mɛn wɔ kɔn ǹ nɛ gána lɛ dɔ wɔ paǹ li, ma á die bɛ dɔ lɛ piɛ̃.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Luku 1:72

Mà asɛ n die dí nyɛɛ, a kɔnpɛ a din a lɛ-kɔ kɛ nɛ wɔ digolon ne, mà asɛ yiri a die boe ka bɛa lɛ kɔ kɛ lɛ-n wa.

Luku 3:6

Bɛ kio, minbuiin nɛ din tumaa á die Lawa a wɔ kirisibaa ǹ dí lɛ yii.»

Nya ǹ dín 13:47

A giala, Dɛnaa din dí-pɛ mɛn kɔ wɔsɛn la, bɛ n ka kɛ nɛ: «Man má n koa tɔrɔn tɛ fúlu lɛa, màn mɛn bɛ́ toɛ, kirisibaa dɔ kanaa lɛ dan ganaa.»

Nya ǹ dín 28:28

Ka dɔ̃ kəni, mà Lawa na á bɛa kirisibaa ǹ boo kɛ lɛ dia tɔrɔ kɔsɔn la, bɛn tá re n too koe.

Rɔmu minin 10:12

Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

Rɔmu minin 10:18

Man nɔ̀n diɛ kəni: Zuifun lɛn nə bɛa boo lɛ ma wa? Ǹ nə́ ma. Lawa a boo n pii: «Ǹ lɛn bɔ kanaa bǎã din tumaa nɛ, ǹ boon lɛn dɔn nə́ woo yǎa kanaa paǹ tumaa ganaa.»

Timəə dí-pɛn 4:31

A giala, kaa Lawa, Dɛnaa Lawa lɛ n makara-doɛ̃ wole lɛa. A re n gɔn boe ka-a wa, a re ka bɔ̀n biɛ wa, a lɛ kɔ kɔn la mɛn wɔ ka digolon ne á n liɛ, a yiri a die boe ka bɛ-n wa.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.