Loen 98:1 - LAWA A BOO SONBORE

¹ Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

LAWA A BOO SONBORE 2011

¹ Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

Loen 98:1 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Zɔbu 40:9

Pàã tá n lon ka masɛ Lawa wɔ bɛ́ lɔn? N lɛn dɔ maa la a paraa kɛ wuu li?

Loen 105:5

Ka n yiri koa a kaãbaa ǹ siin kɛn nɛ, á ǹ zɛnaa, a sii-nyaa ǹ siin kɛn nɛ, ka kiri boon kɛn nɛ, ǹ nə́ soo a lɛ-n.

Loen 136:4

Kaãbaa sii dadara goã nɛ, a kɔn-narɛɛ a nyɛɛ duduu wa.

Loen 139:14

Dɛnaa Lawa, ma á barka diɛ n nɛ. N ma zɛnaa ka yɔrɔ mɛn nɛ, kaãbaa ǹ sii ni. Ma á doɛ̃ taãn-taãnɛ, n zɛnaa ǹ siin lɛn tá kaãbaa diɛ.

Loen 149:1

Aleluya, ka Dɛnaa Lawa tɔ bɔ! Ka loe dii lɔ, ka Dɛnaa Lawa tɔ bɔ nɛ. Ka a tɔ bɔ ǹ loe lɔ, a min sonbore zaman kɛ bii.

Loen 33:3

Ka loe dii lɔ ka a tɔ bɔ nɛ, ka foo kɔɔ̃nbaa ǹ lɛ dɛ, ka kaa bɛ̀-dɛ ǹ mànan wuu da li.

Loen 72:18

Barka Dɛnaa Lawa, Izirayeli a Lawa. N dinsɔɔ̃ n kaãbaa ǹ sii zɛnɛɛ.

Loen 77:14

Lawa, n sii-zɛnaan man yoreen yoreene. Lawa kɔsɔ kɔn ba gole ka n bɛ́ lɔn wa.

Loen 86:10

A giala, mà n tá gole, n tá kaãbaa ǹ siin zɛnɛɛ. N dinsɔɔ̃ n Lawa lɛa.

Loen 89:14

N din nə kaka, n din nə kaka taãn-taãnɛ, pàã tumaa nə́ n lon.

Loen 96:1

Ka loe dii lɔ Dɛnaa Lawa nɛ, kanaa min din tumaa loe lɔ Dɛnaa Lawa nɛ.

Loen 96:3

Ka a gugurubaa lɛ pɛ gána kɔsɔn minin bii, ka a nya ǹ dí sonboren kɛn dɔn pɛ, tɔrɔn tumaa bii.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 15:6

Pàã gole tá n lon, Dɛnaa, Pàã tá n lon, n tá n zɔ́ɔn ziziɛ̃ nɛ.

Izayii 12:5

Ka loe lɔ ka Dɛnaa Lawa tɔ bɔ nɛ, a giala, á sii dadaran zɛnaa. Ka a laakalaa tɔrɔn tumaa bii.»

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Izayii 63:5

Má ga, min kɔn banban á n doe ma lɛ wa! Bɛ́ ma tɔwaa parsiini. Min kɔn banban á ma foo taɛ̃ wa! Má yoo kəni máa ma din nə die sii zɛnɛɛ. Maa foo-yoo kɛ na á pàã kɔ ma la.

Zeremii 31:22

Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

Luku 1:49

A giala Lawa Pàãyiidɛnaa sii dadaran zɛnaa masɛ nɛ, a tɔ á sonbore.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 19:20

Bɛa yɔrɔ kɛ la, Dɛnaa din a boo kɛ na á goã n pii ka pàã nɛ, a ná a din a boo sii la kɛ nyɛɛ.

Nya ǹ dín 2:11

ka Krɛti laanka Larabu gána minin ni. Wɔsɛn tumaa, a Zuifu taãnan nɛ, ka tɔrɔ kɔsɔn mɛnɛn nə wɔ Zuifubaa nɛ. Á ke, wɔsɛn tumaa dɔ nə ǹ lɛ miɛ, ǹ nə́ Lawa a dí dadaran kɛn boo diɛ ka wɔsɛn gogoonmaa a bɔlɔ nɛ.»

Kolɔɔsi minin 2:15

Bɛa yɔrɔ kɛ lɛ la, Lawa na á lon màn pàãdɛnan laanka a goledɛnan pàã nya. A na á sìi da ǹ ganaa buə̃buə̃ ne, á ǹ kũ ka kòso nɛn bɛ́ lɔn, á ǹ kaa kun ka zaman kɛ nɛ, woe gɔ̀lɔ̀baa ǹ da-zii we a Nɛgiĩ ni.

Sii-nyaan 14:3

Bɛa minbuiin duu damata kɛ lɛ na á golee Lawa a kii dankan yɔrɔ-a, ka màn yiikoonaa pàãdɛnaa sii kɛ nɛ, ka min golen kɛn nɛ, ǹ nə́ loe soree loe. Min kɔ́n ba boe la, a n daraa bɛa loe kɛ lɛ ganaa wa, yǎa min duu paabiɛ ka pusiwensii mɛn bɛ́, ǹ nə́ kirisibaa tán la.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 3:21

«Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.

Sii-nyaan 6:2

Má tɔ́n sùi fu yɛ. Min mɛn bɛ́ á dii la, sa n lɔɔ nɛ a ganaa, ǹ nə́ tɔ́n gɔ̀lɔ̀baa ǹ kii bafolo kɔ la. Á woo ka gɔ̀lɔ̀baa nɛ, á wusoo a gɔ̀lɔ̀baa yɛ doo.