Loen 95:8 - LAWA A BOO SONBORE

⁸ Ka baran ka foo laa wa, ka ka digolon bɛ́ ǹ nə́ zɛnaa lɔn Meribaa, ǹ nə́ zia da ma ganaa. Ka ǹ bɛ́ ǹ nə́ zɛnaa lɔn Maasaa don gɔ́ɔ̃ nɛ,

LAWA A BOO SONBORE 2011

⁸ Ka baran ka foo laa wa, ka ka digolon bɛ́ ǹ nə́ zɛnaa lɔn Meribaa, ǹ nə́ zia da ma ganaa. Ka ǹ bɛ́ ǹ nə́ zɛnaa lɔn Maasaa don gɔ́ɔ̃ nɛ,

Loen 95:8 ပူးပေါင်းရင်းမြစ်များ

Bɔ bɛ̀rɛbaa nɛ 17:2

Zaman lɛ zia da Muizu ganaa, ǹ nə́ pɛ nɛ: «Mu kɔ wɔ la wɔ mi.» Muizu pɛ ǹ nɛ: «Wàa na á baa ka tá zia diɛ ma ganaa? Wàa na á baa ka tá n diɛ Dɛnaa gɔ́ɔ̃ li?»

Bɔ bɛ̀rɛbaa nɛ 17:7

Á bɛa bǎã kɛ lɛ bíi mà Maasaa ka Meribaa, bɛn giala mà "Damagɔ́ɔ̃ li" laanka "Zia da ma-a". Izirayeli nɛnyaanan zia kɛ lɛ a lɛa, ka ǹ da Lawa gɔ́ɔ̃ li kɛ nɛ, bɛ̀ ǹ bɛ́ ǹ nə́ pɛ mà Dɛnaa lɛ tá ǹsɛn bii hinlaa a banban.

Bɔ bɛ̀rɛbaa nɛ 8:15

Kɔ́lɔnbaalin lɛn nə́ pɛ Faarahɔn nɛ: «Lawa a dí n ka kɛ nɛ.» Sɛnɛ, Faarahɔn too goã a kakabaa gɔ́ɔ̃ nɛ. A n too kɔ Muizu laanka Aarɔn lon wa, ka Dɛnaa bɛ́ á goã á pɛ lɔn.

Minin nimi 14:11

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Minin nimi 14:27

«Man die goɛ̃ bɛa zaman tìĩ-bɔle kɛ lɛa siin sii ma ganaa miɛ̃, yǎa biĩ? Bɛa zaman kɛ lɛ, a ba n niɛ̃ lɛ giulun boo da masɛ ganaa-a wa. Izirayeli minin lɛ giulun boon lɛn ǹ tá ǹ diɛ masɛ ganaa, máa ǹ ma.

Minin nimi 20:13

Bɛa sii kɛ lɛ wɔ paǹ li, ǹ lɛ dɔ Meribaa mu boo ganaa "ga-lɛli ǹ mu", a giala Izirayeli minin lɛn man nə́ goã ǹ nə́ ga Dɛnaa Lawa lɛ li bɛa bǎã kɛ lɛ nɛ. Sɛnɛ, Dɛnaa Lawa ná a gugurubaa nyaa bɛa sii lɛ gɔ́ɔ̃ nɛ.

Nya ǹ dín 19:9

Sɛnɛ, ǹ tɛnɛn nə́ n too kaka kɔ, ǹ lɛ kɔ ǹ nə́ boo lɛ si taãn lɛa wa. Ǹ nə́ boo baraa da Dɛnaa a zii lɛ ganaa zaman lɛ bii. Pooli nə́ ǹ toa walan, á Lawa-nyankɔlen lɛn sɛn kũ ǹ gɔrɔn, bɛ̀ a Lawa a boo lɛ pɛ ǹ nɛ baraabaraa Tiranɔɔsi a minin daraa ǹ kion.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Timəə dí-pɛn 6:16

Ka baran n da kaa Lawa, Dɛnaa Lawa gɔ́ɔ̃ li, ka ka á ke ká zɛnaa Maasaa lɔn wa.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Zude 1:5

A laan ka á bɛ doɛ̃ taãn-taãn gɔrɔ, man giɛ li, ma ka yiri gisĩ a nɛ, máa Dɛnaa bɛ́ a ná a din a minin kɛn si, á ǹ bɔ Ezipti minin pàã giulun ǹ mɛn waáraa, ǹ mɛnɛn nə n piã bɛ kio, ǹ nə́ ǹ golee li wa, Lawa toa bɛn nə́ gã.

Samayeli1 6:6

Wàa na á baa ka tá li ka n foo laa, ka *Faarahɔn laanka Ezipti minin nə́ ǹ wɔ laa lɔn? Lawa bɛ́ á bɔ ka yii ni biikoo mɛn li, ka Izirayeli minin lɛn toa walan, ǹ nə́ woo wa?