Loen 95:1 - LAWA A BOO SONBORE

¹ Ka daa wɔ n lɛ dɛ, wɔ n nyɛnyɛɛ wɔa Dɛnaa Lawa ganaa. Ka daa wɔ foo kɔɔ̃nbaa ǹ fòo da Lawa nɛ, wɔ tamaali kɛ lɛ wɔ kirisibiɛ.

LAWA A BOO SONBORE 2011

¹ Ka daa wɔ n lɛ dɛ, wɔ n nyɛnyɛɛ wɔa Dɛnaa Lawa ganaa. Ka daa wɔ foo kɔɔ̃nbaa ǹ fòo da Lawa nɛ, wɔ tamaali kɛ lɛ wɔ kirisibiɛ.

Loen 95:1 ပူးပေါင်းရင်းမြစ်များ

Samayeli2 22:47

Dɛnaa Lawa á boe sii la. Ma tamaali ni, ma á barka diɛ nɛ. Lawa n ma kirisibaali lɛa, ma na a din tɔ boe.

KZS1 16:9

Ka loe lɔ Dɛnaa Lawa nɛ, ka a guguru kɔ ka kaa bɛ̀ dɛ ǹ mànan nɛ, ka a kaãbaa ǹ siin kɛn tumaa pɛ, ka timəə la.

KZS2 20:28

Ǹ nə́ daa kaa kiwi, tùtun wuu li, kɔnkoɛɛ̃nɛn wuu ni, ka bɛnən nɛ, yǎa Lawa a kion.

Loen 100:1

Barka da ǹ loe. Ka kanaa minin lɛn tumaa, ka foo kɔɔ̃nbaa ǹ loe lɔ Dɛnaa Lawa nɛ.

Loen 101:1

Davida a loe goon nə ke. Dɛnaa Lawa, man die bǐɛbaa laanka peperebaa loe loe lɛa, man die loe kɛ loe, ma màn wuu da li n wɔ lɛa.

Loen 107:15

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 107:21

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 107:8

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 117:1

Tɔrɔ din tumaa, ka Dɛnaa Lawa tɔ bɔ. Tɔrɔ din tumaa, ka a guguru kɔ.

Loen 118:1

Ka barka da Dɛnaa Lawa nɛ, a giala á siĩni. A kɔn-narɛɛ a nyɛɛ duduu wa.

Loen 150:6

Màn mɛn tumaa bɛ́ fɔfoaã sii, ka Dɛnaa Lawa tɔ bɔ! Aleluya, ka Dɛnaa Lawa tɔ bɔ!

Loen 18:47

Dɛnaa Lawa á boe sii la. Ma tamaali ni, ma á barka diɛ nɛ. Lawa n ma kirisibaali lɛa, ma na a din tɔ boe.

Loen 34:3

Dɛnaa Lawa a sii n kiɛ ma foo la. Nɔmaa-wɔlen mɛnɛn bɛ́ n too koe ma lon, ka n nyɛnyɛɛ.

Loen 66:8

Tɔrɔn lɛn, ka barka da wɔa Lawa nɛ, ka n lɛn bɔ taãnɛ ka a tɔ bɔ.

Loen 81:1

LOE-saalin goledɛnaa loen mɛnɛn lɔ. Asaafu a loe goon ne. A nə n loe bɛ̀ Gaati ná a bɛ̀ dɛ ǹ màn diɛ li.

Loen 89:26

Ma á re pàã koe la yìsi mu la, ma á re koe la tàn dɔn la.

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Bɔ bɛ̀rɛbaa nɛ 15:21

Miriamu loe saa á lɔ: Ka Dɛnaa tɔ bɔ, á sii gole zɛnaa, á sùin laanka ǹ lɛ-kũlin kaa tà mu li!

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Korɛnti1 10:4

mu mɛn dɔ bɔ Lawa li, ǹ tumaa bɛ dɔ mi kun. A giala, kɔlɔ na á bɔ Lawa li, a nə́ ǹ diɛ zii, ǹ nə́ mu mii a nɛ. Bɛa kɔlɔ kɛ lɛ, *Krita nɛ.

Efɛɛzi minin 5:19

Ka kɔn foo taã ka Lawa tɔ bɔ ǹ loen ne, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ. Ka bɛa loen kɛn lɔ Dɛnaa nɛ, ka a tɔ bɔ ka ka foo tumaa nɛ.

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Sii-nyaan 14:3

Bɛa minbuiin duu damata kɛ lɛ na á golee Lawa a kii dankan yɔrɔ-a, ka màn yiikoonaa pàãdɛnaa sii kɛ nɛ, ka min golen kɛn nɛ, ǹ nə́ loe soree loe. Min kɔ́n ba boe la, a n daraa bɛa loe kɛ lɛ ganaa wa, yǎa min duu paabiɛ ka pusiwensii mɛn bɛ́, ǹ nə́ kirisibaa tán la.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 19:6

Má ma doo ka zaman gole lɛn nə boe, a wuu n boe ka mu bɛ́ n toe màn nɛ lɔn, ka la a paraa bɛ́ lɔn, á goã pii: «Aleluya! Lawa tɔ bɔ! A giala mà wɔa Dɛnaa Lawa Pàãyiidɛnaa n kiibaa ǹ pàã la!

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.