Loen 94:21 - LAWA A BOO SONBORE

²¹ Maǹ yɔ boe min peperen ganaa, maǹ zɛ̀rɛ koɛ zɛ̀rɛbaãnan ganaa.

LAWA A BOO SONBORE 2011

²¹ Maǹ yɔ boe min peperen ganaa, maǹ zɛ̀rɛ koɛ zɛ̀rɛbaãnan ganaa.

Loen 94:21 ပူးပေါင်းရင်းမြစ်များ

Kiin1 21:19

N die n pɛ nɛ: Dɛnaa Lawa mà n gɛ̀ dɛ ń nya, a nə n gɔ́ɔ̃ dɔ nɛ, n na a màn kũ n si n baa n wɔ lɛa? Bɛ lɛ nɛ, n die n pɛ-n kɛnɛn: «Ginin nə goã ǹ nə́ Naabɔti mà piã tán bǎã mɛn nɛ, a din bǎã lɛ nɛ, ǹ tá re n dɔ wɔ kɛ lɛ piɛ̃ a nɛ.»

KZS2 24:21

Bɛ kio, zaman lɛ boo wɔ kɔn Zakarii ganaa, kii nə́ ǹ kaa a ganaa ǹ nə́ kɔlɔ kaã bɔ a ganaa Lawa a kion kɛa sumu-n á gã.

Loen 106:38

Ǹ nə́ zɛ̀rɛbaa᷉naan mà kaa, ǹ nɛgiĩn laanka ǹ nɛlɔn kɛn lɛn mà kɛ lɛ. Ǹ dinin man nə́ bɛa nɛnyaanan lɛn dɛ wúlu mànan lɛa, Kanaan gána a dìn ganaa. Ǹ nə́ gána lɛ tii ka bɛa mà damata kɛ nɛ.

Loen 22:16

Ma bɔlɔ yala laa ka kɔlɔ nɛ, ma lɛwɔn dama ma lɛ gɔ́ɔ̃ nɛ. N ma koa gɛ̀ li foɛɛ̃nɛ.

Loen 56:6

Baraabaraa maǹ maa boon kɔkɔrɛ. Ǹ taasiɛ n ka kɛ dinsɔɔ̃ nɛ, ǹ sii baraa zɛnaa ma nɛ.

Loen 59:3

Ma si sii baraa-zɛnaalin kɛn la, n ma kirisibaa mà-kaali bɔbɔnɛɛn kɛn-a.

Bɔ bɛ̀rɛbaa nɛ 23:7

Ka baran n too kɔ soɛ boon ganaa wa. Ka baran zɛ̀rɛbaãnaa hinlaa min pepere dɛ a gã wa. A giala, masɛ a sonbore koe bɛa sii kɛ lɛ miã a zɛnaali la wa.

Suusun 1:11

Ǹ tá boe la ǹ pɛ n nɛ: «Da kun ka wɔ nɛ, wɔ n die n duri wɔ minin dɛ. Wɔ n die yii tì-an tɔwɛ, wɔ dinin foo sii lɛa.

Suusun 1:16

Maǹ baa sii sii baraa zɛnɛɛ, manə n nanɛɛ gɛ̀ dɛ li.

Suusun 17:15

Min mɛn bɛ́ sonbore koe min baraa la, ka min mɛn bɛ́ min pepere yii tì-a kuĩ koe, ǹ dinin paanan tìĩ n boe ne Dɛnaa Lawa nɛ.

Zeremii 26:15

Sɛnɛ, ka doamaa-n ka sii goon dɔ̃. Bɛ̀ ka ma dɛ ma gã, kasɛn, Zeruzalɛmu laanka a minin, ka dɔ̃ mà zɛ̀rɛbaãdɛnaa a gɛ̀ n kuĩ ka mìi ni. A giala, Dɛnaa Lawa na á ma dia sonbore mà ma da boo kɛ tumaa pɛ ka nɛ.»

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Ezekieli 22:6

«Á ke Zeruzalɛmu, Izirayeli nyɛɛnaandɛnan mɛnɛn bɛ́ n nɛ, bɛn manə ǹ pàã zɛnɛɛ, ǹ nə́ mà kiɛ tán.

Matiə 27:1

Baayɛlɛ yiisoon ne, Lawa a wúlu-bɔlen goledɛnan tumaa nə́ n lɛ kaa kun ka Zuifun goledɛnan kɔsɔn nɛ, mà maǹ die Yezu dii a gã.

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Zaaki 5:6

Min mɛnɛn bɛ́ ǹ sii la wa, ka dɔlɔ da bɛn mìi ni, ka ǹ dɛ ǹ nə́ gã, ǹ zia dɔ baa ka ganaa wa.

Sii-nyaan 17:6

Má yɛ, ǹ Lawa a min sonboren mɛnɛn dɛ, bɛn mà na á goã lɔ lɛ yii-a. Min mɛnɛn nə́ foo doa ǹ min baa Yezu wɔ gɔn la, lɔ lɛ na á bɛn mà mi, a ná a yii-a ka yɔ bɛ́ lɔn. Ma bɛ́ má yɛ lɔn, tɔwaa gole ma kũ.