Loen 93:1 - LAWA A BOO SONBORE

¹ Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

LAWA A BOO SONBORE 2011

¹ Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Loen 93:1 ပူးပေါင်းရင်းမြစ်များ

KZS1 16:30

Ka tumaa bìn da a yɔrɔ-a. Bɛ lɛ nɛ kanaa lɛ á golee ne, a ná a ba talɛɛ wa.

KZS1 16:31

Lon mànan nə n nyɛnyɛɛ, tán wɔn nə bɛ̀ baa ka foo kɔɔ̃n nɛ! Ka pɛ tɔrɔn bii mà Dɛnaa Lawa n kii lɛa!

Zɔbu 40:10

Haya kəni, n bɛ́ boe sii la... Gugurubaa laanka golebaa wɔ n din-a, siĩnbaa laanka nyaǹ kaa n din la.

Loen 103:19

Dɛnaa Lawa ná a kii dankan koa lon, a n kii lɛa màn tumaa mìi la.

Loen 145:13

N kiibaa lɛ a nyɛɛ wa, a na a tan yǎa duduu. N pàã lɛ n goɛ̃ yǎa duduu. Lawa n bɔlɔgoondɛnaa lɛa a da ǹ boo tumaa gɔ́ɔ̃ nɛ, a zɛnaa ǹ sii tumaa n siĩni.

Loen 18:32

A giala, die kɔsɔ n Lawa lɛa kəni, bɛ̀ n din bie wa, Dɛnaa Lawa? Die kɔsɔ n wɔ tamaɛ, bɛ̀ wɔa Lawa kɛ bie wa?

Loen 59:13

Ǹ boo bɔbɔnboɛɛn tumaa n sɔ lɛa, ǹ nə́ koe n ganaa. Toa ǹ din gole kɔ lɛ nə ǹ dinin kũ, ka kan bɛ́ lɔn. A giala ǹ sii tumaa n doa-n kɛ ganaa, boo baraa diɛ laanka soɛ-bɔ.

Loen 65:6

Wɔ kirisibaali Lawa, n ba wusii n boo kio wa, ma n wɔa nyankɔn lɛ sii ka sii dadaran nɛ, nsɛ mɛn bɛ́ kanaa gùrù tumaa a minin nə́ n foo doɛ n ganaa, ka mu bii a gána sɔsɔɔn kɛn dɔn minin ni.

Loen 65:7

N din nə kelen doɛ ǹ bǎãn nɛ ka n pàã nɛ. Ka bɛa pàã lɛ nɛ,

Loen 75:3

Lawa lɛ n pii kɛnɛn: Ma bɛ́ re biikoo mɛn koɛ, bɛ̀ bɛ́ dɔ, ma á re kiri kuri ka peperebaa nɛ.

Loen 96:10

Ka pɛ tɔrɔ tumaa nɛ: Dɛnaa Lawa lɛ n kii lɛa, bɛ lɛ nɛ kanaa lɛ á golee ne, a ná a ba talɛɛ wa. Dɛnaa Lawa lɛ n kiri we minin-a, ka peperebaa nɛ, a ba bɔkɔnlɛ we wa.

Loen 97:1

Dɛnaa Lawa lɛ n kii lɛa. Kanaa minin nə bɛ̀ baa ka foo kɔɔ̃n nɛ, haalɛ gána sɔsɔɔ minin kɛn, ka dɔn nə n nyɛnyɛɛ.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Izayii 11:5

A n die n binbin kuĩ ka peperebaa nɛ a n binbin yii ka bɔlɔgoondɛnaabaa nɛ.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 49:8

Dɛnaa Lawa n pii kɛnɛn: Má n lɛ si biikoo sonbore li. Kirisibaa pinaa, má daa n gú ganaa. Ma á die n tamɛɛ, man koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n Izirayeli gána saa n da lon, màn mɛn bɛ́ toɛ didie na a wɔ gii yɛ tán kɛ nɛ á ziziɛ̃;

Izayii 51:16

Hiĩ, má maa boo wɔ n lɛ-n má n duru ma gɔn wúlu li, masɛ mɛn lon lɛ bɔ, má tán zɛnaa, má pɛ Siɔn nɛ: «Ma n maa zaman lɛa.»

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 59:17

A na á peperebaa wɔ a din ganaa ziabaa ǹ dɔnkɛ lɛa. Á kirisibaa ǹ kòlo fu wɔ a mìi ganaa. Á gɛ̀ dòo bɔ ǹ dɔnkɛ wɔ a din ganaa. Mɔnaa mɛn bɛ́ a ganaa pipiãbaa ǹ mɔnaa nɛ.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Ebrəə 1:8

Sɛnɛ, Lawa màn mɛn pɛ a Nɛgiĩ ni, bɛ á ke: «N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Sii-nyaan 19:6

Má ma doo ka zaman gole lɛn nə boe, a wuu n boe ka mu bɛ́ n toe màn nɛ lɔn, ka la a paraa bɛ́ lɔn, á goã pii: «Aleluya! Lawa tɔ bɔ! A giala mà wɔa Dɛnaa Lawa Pàãyiidɛnaa n kiibaa ǹ pàã la!