Loen 92:9 - LAWA A BOO SONBORE

⁹ Sɛnɛ, Dɛnaa Lawa, nsɛ mɛn bɛ́ lon, nsɛ n Dɛnaa Lawa Gole lɛ lɛa yǎa duduu.

LAWA A BOO SONBORE 2011

⁹ Sɛnɛ, Dɛnaa Lawa, nsɛ mɛn bɛ́ lon, nsɛ n Dɛnaa Lawa Gole lɛ lɛa yǎa duduu.

Loen 92:9 ပူးပေါင်းရင်းမြစ်များ

Loen 1:4

Sɛnɛ, min baraan wɔ bie miɛ̃ wa: bɛn man ka kaã bɛ́ lɔn kiɛ̃ piɛ̃ li.

Loen 102:13

Sɛnɛ, nsɛ kaa, Dɛnaa Lawa nsɛ n kii lɛa yǎa duduu. Biikoo tumaa a minin man die n boo diɛ.

Loen 102:25

Bɛ lɛ nɛ, má tɔn pɛ: máa maa Lawa, n baran ma dɛ fufuu kɛnɛn wa. Dɛnaa Lawa, nsɛ nə n tan yǎa duduu.

Loen 37:20

Min baraan tá re bɔ̀n biɛ. Dɛnaa Lawa a zɔ́ɔn kɛn, ǹ bɛ́ ka don a da buũn manɛ, ǹ tá re woe, ǹ papaã ka tɛmaa nɛ.

Loen 59:11

Maa Lawa mɛn a minin narɛ bɛ́ gole, bɛ á re die ma li, á re toɛ ma maa zɔ́ɔn yɛ fɔ̃ gɔ́ɔ̃ nɛ.

Loen 68:30

Toa kiin nə da ka n din gɔ ǹ mànan nɛ, n Kion Gole kɛ nɛ màn tumaa lalan Zeruzalɛmu kiwi.

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Loen 89:10

N din nə boe yìsi mu la, n tá kuĩ, bɛ̀ a mu á yui, n din na a kala wɛɛ.

Loen 97:9

Sonbore, Dɛnaa Lawa, n din lɛ n Lon a Lawa gole lɛa, kanaa kɛ lɛ mìi la. N din nə guguru kɔ ǹ mànan kɛn tumaa lalan.

Izayii 17:13

Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

Ezekieli 5:12

Piɛ̃ busu á re kaa minin lɛn talakɔn sɔɔ a goon dii, hinlaa bòo á re ǹ nyɛɛ a ǹ bɔ kiwi lɛ nɛ. Ǹ tá re kaa talakɔn sɔɔ lɛ a paabaa ǹ wɔ dii zia la kiwi lɛ lɛkoro-a. Kaa talakɔn sɔɔ lɛ a giala-nyɔmiɛ̃ ke, ma á re bɛn pɛsɛ̃ kanaa paǹ tumaa nɛ, ma maa gɔya sa kɛ woɛ̃ ǹ li.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Minin nimi 10:35

Bɛ̀ goo lɛ tá woe, Muizu na á goã pii: «Dɛnaa Lawa ganaa, yoo! N zɔ́ɔn tá re pɛsɛ̃, n zia dama a wolen tá re kiɛ baa nɛ n nyɛɛnɛ!»

Matiə 7:23

Ma á re pii ǹ ni: «Ma bin ka dɔ̃ wa. Ka n tan, ka n bɔ ma li, sii baraa-zɛnaalin kɛn!»

Luku 19:27

Giĩ lɛ mà asɛ a zɔ́ɔn kɛn, min mɛnɛn bɛ́ mà ǹsɛn ba li asɛ giã ǹ mìi la wa, mà ǹ da ǹ nɛ kànaa, ǹ nə ǹ bɔlɔ kuru asɛ yɔrɔ-a.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Sii yɔrɔ-bɔlen 5:31

Dɛnaa Lawa, toa ǹ zɔ́ɔn lɛn tumaa gã ka Sizeraa wɔ kɛ bɛ́ lɔn. Sɛnɛ, toa ǹ giaáran lɛn tumaa goã ka wasa bɛ́ lɔn ka zereen a bɔ tán waáraa. Bɛ lɛ n ke gána lɛ goã susui la lɛ̀ pusi gɔ́ɔ̃ nɛ.