Loen 92:13 - LAWA A BOO SONBORE

¹³ Min pepere n yui ka sèwo da bɛ́ lɔn, a n pàã boe a kaka kɔ, ka Liban a da dadaran kɛn bɛ́ lɔn.

LAWA A BOO SONBORE 2011

¹³ Min pepere n yui ka sèwo da bɛ́ lɔn, a n pàã boe a kaka kɔ, ka Liban a da dadaran kɛn bɛ́ lɔn.

Loen 92:13 ပူးပေါင်းရင်းမြစ်များ

KZS2 4:9

Á sumu dɔ Lawa a wúlu-bɔlen wɔ lɛa, á kɔsɔ dɔ dɔ, bɛ n gole á la a bibinaa lɛ nɛ, zan tã n kaa nɛ a kiɛnlɛn la.

Loen 100:4

Ka wɔ Dɛnaa Lawa kion, bɛ̀ ka n barka diɛ nɛ, ka wɔ a sumu-n, bɛ̀ ka n loe loe a tɔ boe ne. Ka barka da nɛ, ka a guguru kɔ.

Loen 116:19

Dɛnaa Lawa din a Kion kɛa sumu gɔ́ɔ̃ nɛ, Zeruzalɛmu kiwi kɛ bii. Aleluya, ka Dɛnaa Lawa tɔ bɔ!

Loen 135:2

kasɛn mɛnɛn bɛ́ golee Dɛnaa Lawa a Kion, kasɛn mɛnɛn bɛ́ golee wɔa Lawa a Kion kɛa sumu-n.

Loe kɔɔ̃n kɔɔ̃n 4:11

Ee, maa nɛniɛ, n lɛ kìrin man paparɛ. N sɔɔ min ni n nɔnɔɔ ka bɔ̀nyaa bɛ́ lɔn, a n paparɛ ka zoo bɛ́ lɔn. N wɔ ǹ mɔnaan gìĩ n kɔɔ̃nɛ, ka Liban a da yon gìĩ kɔɔ̃n bɛ́ lɔn.

Loe kɔɔ̃n kɔɔ̃n 5:15

A gòãn man ka kɔlɔ fu sonbore bìbìn bɛ́ lɔn, doa-n tán sana yoreen la. A n siĩni ka Liban da bɛ́ lɔn. A miã banban Liban dan bii wa.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Ozee 14:5

Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Rɔmu minin 6:5

Wɔ bɛ́ wɔ́ goã kun a din ni a gɛ̀ nɛ, wɔ n die goɛ̃ kun ni dɔn a yii-kaa gɔ́ɔ̃ nɛ.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.