Loen 92:10 - LAWA A BOO SONBORE

¹⁰ Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

LAWA A BOO SONBORE 2011

¹⁰ Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Loen 92:10 ပူးပေါင်းရင်းမြစ်များ

Loen 101:8

Baraabaraa, baayɛlɛ, ma á re barka boe min baraan kɛn nɛ, gána lɛ gɔ́ɔ̃ nɛ. Ma á re baraa-zɛnaalin kɛn soe, ma ǹ bɔ Dɛnaa Lawa a kiwi kɛ nɛ.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Loen 148:14

Á wusoo á pàã kɔ a minin la, Izirayeli nɛnyaanan lɛn, bɛa tɔrɔ kɛ lɛ mɔrɛɛ nɛ a ganaa. Bɛ lɛ nɛ, ǹ tumaa tá loe loe a tɔ boe ne. Aleluya, ka Dɛnaa Lawa tɔ bɔ!

Loen 18:15

Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

Loen 23:5

N din nə ma kuĩ tii lɛa sɔnbɔraanɛ, n din nə màn-bii koe ma la maa zɔ́ɔn yii ni, n nyɔɔ gìĩ kɔɔ̃n kaa ma mìi ni, n mi ǹ màn kaa paan piɛ̃ n kɔ ma la.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 75:10

Masɛ wɔ paǹ li kəni, man die Zakɔba a Lawa kɛ laakalɛɛ biikoo tumaa li, bɛ̀ má n loe loe, a tɔ boe ne.

Loen 89:17

A minin man die bɛ̀ biɛ baraabaraa, nyɛnyɛɛ gɔn n din a lɛa, maǹ die yui ǹ golee, n din a peperebaa la.

Loen 89:24

A giala, mà ma á re a zɔ́ɔn tuturi a nyɛɛnɛ, ma á re a baa zɔ́ɔbaa wolen dii.

Minin nimi 23:22

A din na á ǹ waa Ezipti gána nɛ á soo ǹ ne. Á pàã kɔ ǹ la, ka don a zù bɛ́ lɔn.

Minin nimi 24:8

Lawa na á ǹ waa á soo ǹ ne Ezipti gána nɛ. Á pàã kɔ ǹ la, ka don a zũ bɛ́ lɔn. Tɔrɔn mɛnɛn bɛ́ ǹ ziadɛnan lɛa, maǹ bɛn lɔloɛ ǹ lɛ-a, Maǹ nə ǹ wen yɔyɔrɛ, ǹ kiɛ dɔdɔrɔ ǹ ganaa.

Luku 1:69

A na á nyin-sili kɔ wɔ la, bɛ n nyin-sili pàãdɛnaa lɛa. Bɛ na a din a dí-nyali Davida a nɔ̀ɔn lɛa, Davida mɛn bɛ́ á goã wɔa kii gole lɛa.

Korɛnti2 1:21

Lawa na á toa ma gòãn nə́ doa, kun ka ka dɔn nɛ, Krita wɔbaa gɔ́ɔ̃ nɛ. A din Lawa lɛ na á wɔ bɔ á wɔ baa a din wɔn lɛa.

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Sii yɔrɔ-bɔlen 5:31

Dɛnaa Lawa, toa ǹ zɔ́ɔn lɛn tumaa gã ka Sizeraa wɔ kɛ bɛ́ lɔn. Sɛnɛ, toa ǹ giaáran lɛn tumaa goã ka wasa bɛ́ lɔn ka zereen a bɔ tán waáraa. Bɛ lɛ n ke gána lɛ goã susui la lɛ̀ pusi gɔ́ɔ̃ nɛ.

Samayeli1 2:1

Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»