Loen 91:2 - LAWA A BOO SONBORE

² bɛ á boe la a pɛ Dɛnaa Lawa-n kɛnɛn: N din nə maa duru ǹ bǎã lɛa, man kiɛ n din yele, maa Lawa nə n nɛ, ma foo n doa nɛ n ganaa.

LAWA A BOO SONBORE 2011

² bɛ á boe la a pɛ Dɛnaa Lawa-n kɛnɛn: N din nə maa duru ǹ bǎã lɛa, man kiɛ n din yele, maa Lawa nə n nɛ, ma foo n doa nɛ n ganaa.

Loen 91:2 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Loen 14:6

Min baraan lɛn man doobaan laadoo siin ziziɛ̃, sɛnɛ, Dɛnaa Lawa din nə ǹ kaamayele wole lɛa.

Loen 142:5

Ga ma gusin, n tá re yii: min kɔn din ba ma la wa. Baa si a duru ǹ bǎã kɔn ba ma la wa. Min kɔn din banban, bɛ nə́ n gɔ́ɔ̃ bii ka maa sii-n wa.

Loen 142:6

Dɛnaa Lawa, ma nə n lɛ dii n din-a: Yiikoonaan kanaa kɛ nɛ, ma bɛ́ giɛ màn mɛn li, n din ni, maa duru ǹ bǎã lɛ, n din ni.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 18:3

Dɛnaa Lawa, ma nə n foo doɛ n din ganaa, man kiɛ n yele, ma kirisibaali. N din nə maa Lawa lɛa, ma foo doa ǹ bǎã lɛa, maa duru ǹ bǎã lɛa. N din nə ma tamaɛ, ma pàã n ka n din ni, n din nə ma kirisibiɛ.

Loen 25:2

Maa Lawa, man kiɛ n din yele. N nyan toa sìi ma kũ wa. N nyan toa maa zɔ́ɔn kɛn nə n nyɛnyɛɛ ma la wa.

Loen 31:15

Sɛnɛ, masɛ nə n foo doɛ n din ganaa, Dɛnaa Lawa. Má pɛ: máa maa Lawa n ka n din ni.

Loen 43:4

Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Loen 46:1

LOE-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Loen 46:2

Wɔsɛn man kiɛ Lawa yele, a din nə wɔ pàã lɛa, a din nə dɔmalɛ wole lɛa biikoo tumaa li nɔmaa gɔ́ɔ̃ nɛ.

Loen 48:14

A kungɔn ke, ka n taasɛ bɛ ganaa, ǹ màn mɛn dɔ ǹ nə́ tamaa nɛ, ka ga bɛ ganaa, ka á re boe la, ka a laakalaa kaa nɛnyaanan manɛ:

Loen 61:5

Á kɔɔ̃n ma ganaa, ma goã n kion yǎa duduu, ma duru ǹ bǎã yɛ n nyàa kan giulun.

Loen 71:3

N din nə goã maa kele lɛa, man duru n kio. N goã maa giã ǹ bǎã lɛa, ma bɛ́ boe la ma kirisibaa bǎã mɛn nɛ. Sonbore, n din lɛ n ma tamaali lɛa, ka maa duru ǹ bǎã nɛ.

Loen 91:9

Sonbore ne, bɛ̀ n Dɛnaa Lawa baa n duru ǹ bǎã lɛa, bɛ̀ n nə n foo doa Lon a Lawa Gole ganaa,

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Luku 20:38

Lawa lɛ, a n yiikoonaan Lawa lɛa, a bie geren Lawa lɛa wa, a giala, min tumaa yii n koo Lawa yɔrɔ-a.»

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.