Loen 91:14 - LAWA A BOO SONBORE

¹⁴ Bɛ lɛ n ke Lawa á pii: A bɛ́ ma narɛ parsiini, man die boe sii ni, a bɛ́ ma doɛ̃, bɛ lɛ-n ma á re tamaɛ.

LAWA A BOO SONBORE 2011

¹⁴ Bɛ lɛ n ke Lawa á pii: A bɛ́ ma narɛ parsiini, man die boe sii ni, a bɛ́ ma doɛ̃, bɛ lɛ-n ma á re tamaɛ.

Loen 91:14 ပူးပေါင်းရင်းမြစ်များ

Ɛsidrasi 8:31

Wɔ n wɔ́ n toa Aawaa tà li, mui bibinaa a lɛawaa fulupaabaa ǹ wɔ pinaa, wɔ́ woo Zeruzalɛmu. Wɔa Lawa lɛ goã kun wɔ nɛ zii tɔ lɛ gɔ́ɔ̃ nɛ, á wɔ si wɔa zɔ́ɔn la, ka kuu-kɔlen kɛn nɛ, minin mànan sii ǹ la ka pàã nɛ.

Loen 59:1

LOE-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. Kii Sayulu bɛ́ á minin dia, mà ǹ wo Davida a kion lɛduə̃, ǹ ga li ǹ dɛ, a n loe lɛ loe bɛ wɔ gɔn la.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Loen 9:11

Min mɛnɛn bɛ́ n tɔ kɛ doɛ̃, bɛn die ǹ nə n foo doa n ganaa. A giala min mɛnɛn bɛ́ giɛ n li, Dɛnaa Lawa, n ba re bɛn toɛ walan wa.

Loen 91:9

Sonbore ne, bɛ̀ n Dɛnaa Lawa baa n duru ǹ bǎã lɛa, bɛ̀ n nə n foo doa Lon a Lawa Gole ganaa,

Izayii 33:16

Bɛa dɛnaa lɛ n die goɛ̃ yii-nyɛɛ la kelen mìi ni. A duru ǹ bǎã n die goɛ̃ ka para yala nɛ. Á re màn-bii yii, mu á re nyaabiɛ a ganaa wa.

Zeremii 39:17

Sɛnɛ, bɛa biikoo lɛ li, ma á re n kanbiɛ, ma din Dɛnaa Lawa a da ǹ boo ne. N bɛ́ nyɛ́ɛ biɛ min mɛnɛn manɛ, ma a re n we ǹ gɔn wa.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 16:27

A giala, maa Díi dinmaa tá ka narɛ. A n ka narɛ a giala, ka dɔn tá masɛ narɛ, ka waa la dɔn, mà masɛ n má bɔ Lawa li má daa.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.