Loen 89:3 - LAWA A BOO SONBORE

³ Hiĩ, man pii: N bǐɛ̃ duduu kɛ n goɛ̃ miɛ̃. Lon gɔ́ɔ̃ nɛ, ń nə́ n peperebaa koa. N kɔn-narɛɛ gole kɛ dɔ giala n we-n ka kaka, ka lon bɛ́ lɔn.

LAWA A BOO SONBORE 2011

³ Hiĩ, man pii: N bǐɛ̃ duduu kɛ n goɛ̃ miɛ̃. Lon gɔ́ɔ̃ nɛ, ń nə́ n peperebaa koa. N kɔn-narɛɛ gole kɛ dɔ giala n we-n ka kaka, ka lon bɛ́ lɔn.

Loen 89:3 ပူးပေါင်းရင်းမြစ်များ

Samayeli2 23:5

Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

Samayeli2 3:9

Dɛnaa Lawa nə n lɛ kɔ Davida la ka sii mɛn nɛ, bɛ̀ a daa yaa masɛ bɛ zɛnaa Davida-n wa, Lawa dɔlɔ babaraa bɔ masɛ Abnɛɛrɛ ganaa.

Kiin1 8:16

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn kiwin bii, ma maa kion dɔ walan ń giɛ ma tɔ á goɛ̃ la wa. Sɛnɛ man má Davida bɔ, màn mɛn bɛ́ toɛ a maa zaman Izirayeli lɛ a kii baa.»

Loen 132:11

Dɛnaa Lawa nə́ n liɛ Davida nɛ, taãn dɔ nɛ, a die n lɛ boe wa. A liɛ mɛn wɔ, á ke: N din gɔ́ɔ̃gɔ́ɔ̃ ǹ nɛ nɛ, ma á re koɛ n kii dankan lɛ la.

Loen 78:70

A ná a bɛ̀rɛgiĩ Davida bɔ, a na á woo kũ sèren kion,

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Loen 89:28

Masɛ dɔ n die a dɔ biɛ maa nɛgiĩ gole lɛa, kii lɛa, á n gole á la kanaa a kiin manɛ.

Loen 89:39

Sɛnɛ, n din kii mɛn bɔ, ń koa, táa n din foo na á yoo bɛ lɛ li kanna, ń daa, ń tii.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Zeremii 30:9

Sɛnɛ, maǹ die dí nyɛɛ masɛ din Dɛnaa Lawa, ǹ Lawa nɛ. Ǹ tá re dí nyɛɛ ǹ kii Davida a kion min kɛ nɛ, ma á re koɛ ǹ mìi la.»

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Nya ǹ dín 2:30

Sɛnɛ, Davida na á goã Lawa a boo gii-dali lɛa, á dɔ̃ mà Lawa nə́ n liɛ asɛ nɛ ka sonbore tumaa nɛ, mà á re a tɔrɔ min boe a nɛnyaanan bii, a koa a kii dankan la.

Ebrəə 7:21

Sɛnɛ, Yezu sɛ bɛ́ biɛ, Lawa din na á n liɛ, Lawa mɛn pɛ a wɔ gɔn la: Dɛnaa Lawa din na á n liɛ, a re n lɛ boe dɔn wa: «Ma n wúlu-bɔle lɛa yǎa duduu.»

Sii yɔrɔ-bɔlen 2:1

Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»