Loen 89:2 - LAWA A BOO SONBORE

² Man die Dɛnaa Lawa a bǐɛ̃baa dadaran kɛn loe loe lɛa, biikoo tumaa li. Man die n peperebaa kɛ laakalɛɛ yǎa duduu.

LAWA A BOO SONBORE 2011

² Man die Dɛnaa Lawa a bǐɛ̃baa dadaran kɛn loe loe lɛa, biikoo tumaa li. Man die n peperebaa kɛ laakalɛɛ yǎa duduu.

Loen 89:2 ပူးပေါင်းရင်းမြစ်များ

Nehemii 1:5

Má pɛ: – E! Lon a Lawa, Dɛnaa Lawa, Lawa gole, nyɛ́ɛbaaman wole, nsɛ mɛn bɛ́ n lɛ kɔ kɔn la lɛ piɛ̃, ń bǐɛ̃ zɛnɛɛ ǹ narɛɛ wolen laanka ǹ gɔn waa ǹ boon kɛn silin manɛ, ma nə n nyankoe.

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Nehemii 9:31

N makara gole lɛ gɔ́ɔ̃ nɛ, n nə n gɔn bɔ ǹ ganaa, ǹ nə́ bɔ̀n baa wa, n nə ǹ toa walan wa, a giala n nə Lawa lɛa, bǐɛ̃ zɛnɛɛ, min makara doɛ̃.

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 119:89

Dɛnaa Lawa, n boo lɛ na a tan yǎa duduu. A n ka lon bɛ́ lɔn, a ba n bɔyɛɛ wa.

Loen 146:6

Dɛnaa Lawa na á lon laanka tán zɛnaa, kɔ̀ mu ni, ka mànan mɛnɛn tumaa bɛ́ li. A n bɔlɔgoondɛnaa lɛa biikoo tumaa li.

Loen 36:5

Bɛ̀ a tá a piì la, a nə n taasɛ ka sii kɔkɔrɔ zɛnaa dinsɔɔ̃ nɛ. Zii mɛn bɛ́ a siĩn wa, a nə n gɔn parɛɛ bɛ ganaa. A sii baraa kiɛ doɛ̃ wa.

Loen 40:11

Ma n peperebaa kɛ duru ma gɔ́ɔ̃-n wa. N bɔlɔgoondɛnaabaa ke, ka n kirisibaa mɛn dɔ kɔ ma la, má bɛ pɛ. Ma n bǐɛ̃baa laanka n sonbore kɛ duru zaman gole lɛ la wa.

Loen 42:1

LOE-saalin goledɛnaa loe mɛn lɔ. Koore a minin doro ǹ loe.

Loen 89:37

A din tɔrɔ n die goɛ̃ a kii dankan la biikoo tumaa li. A kiibaa lɛ n die goɛ̃ ma yɔrɔ-a, a belebɔ ka wasa bɛ́ lɔn,

Loen 89:5

Ma á re n din a min koɛ n kii dankan la, biikoo tumaa li. Man má n kii dankan lɛ koa, yǎa duduu wɔ lɛa. *Doa.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Luku 1:50

Min mɛnɛn bɛ́ nyɛ́ɛ biɛ a yii ni, a n makara boe bɛn ganaa yǎa duduu.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.