Loen 88:1 - LAWA A BOO SONBORE

¹ LOE. Koore a minin loe goon ne. LOE-saalin goledɛnaa loe mɛn lɔ. A nə n loe ka yɔrɔ-kɔsiɛ loe bɛ́ lɔn. Gùligiĩ Eman a loe ne, a n daraa koe.

LAWA A BOO SONBORE 2011

¹ Loe. Koore a minin loe goon ne. Loe-saalin goledɛnaa loe mɛn lɔ. A nə n loe ka yɔrɔ-kɔsiɛ loe bɛ́ lɔn. Gùligiĩ Eman a loe ne, a n daraa koe.

Loen 88:1 ပူးပေါင်းရင်းမြစ်များ

Siin Giala 49:18

E Dɛnaa, ma nə n yii diɛ, máa n din ma kirisibaa!

Kiin1 5:11

A sii-doɛ̃ la min tumaa wɔ nɛ. Etan mɛn nə́ ke boe Eziraa, a sii-doɛ̃ la bɛ wɔ nɛ, ka Eman wɔ nɛ, Kalkɔli wɔ nɛ, Dardaa wɔ nɛ, kɛn Mawoli a nɛn lɛa. Gánan mɛnɛn tumaa da bii, bɛn yii ná a tɔ ma.

KZS1 2:6

Zeraa a nɛnyaanan man ka Zimri ni, Etan nɛ, Eman nɛ, Kalkɔli laanka Dardaa nɛ ǹ kaa kun min sooro.

KZS1 6:18

Min mɛnɛn nə goã bɛa dí lɛ nyɛɛ, bɛn man ke, kɔnlɛ ka ǹ nɛn nɛ. Keyati tɔrɔn bii, loe-lɔli Eman kɛ nɛ: Ǹ digolon nə koa kɔn la lɔn, nɛ laanka di ni, á ke: Zowɛli ni, Samayeli ni,

Nehemii 1:6

N yii bũ, ǹ nə n too kɔ maa nyankɔ ganaa. Biikoo kɛ gɔ́ɔ̃ nɛ, penleen laanka tèlò ne, ma nə n nyankoe, n dí-nyalin, Izirayeli minin lɛn lɛa: wɔ sii baraan mɛnɛn zɛnaa, ma nə n nyankoe, n bɛn toa wɔ nɛ. Wɔ́ sii baraa zɛnaa, ma laanka ma dikion minin ni.

Loen 140:7

Má pɛ Dɛnaa Lawa nɛ: N din nə maa Lawa lɛa. N too kɔ, n maa gòã-kũ si.

Loen 22:2

Maa Lawa, maa Lawa, wàa na á baa n ma daa? Má n lɛ wurəə má fɔ̃, wàa na á baa n ba die ma kirisibiɛ wa?

Loen 24:5

Dɛnaa Lawa n barka we a nɛ. Kirisibaali Lawa n lɛ koe a ganaa min pepere lɛa.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 27:9

N baran n duru ma la wa. N din a dí-nyali n ka masɛ nɛ, n foo baran yoo, n ma loo wa. N din nə maa dɔmalɛ wole lɛa. N baran n bɔ ma li wa, n baran ma toa walan wa. Lawa, n din nə ma kirisibaali lɛa.

Loen 42:1

LOE-saalin goledɛnaa loe mɛn lɔ. Koore a minin doro ǹ loe.

Loen 51:14

Maa kirisibaa lɛ taman yii, n din wusoo n foo kɔɔ̃nbaa kɔ ma la, n din nə n dɔ ma lɛ n bɔlɔ si ǹ yiri kɔ ma la.

Loen 53:1

LOE-saalin goledɛnaa loe mɛn lɔ. A nə n loe pìi lɛn li. Davida a loe. A nə n loe pìi lɛn li.

Loen 62:7

A dinsɔɔ̃ n ma tamaali lɛa, ma bɛ́ boe la ma kirisibaa bǎã mɛn nɛ. Màn kɔn ba re bìn diɛ ma ganaa duduu wa.

Loen 65:5

N bɛ́ lɛ koe min mɛnɛn ganaa, mà ǹ biikoo kɔn zɛnaa kunun n ni, bɛn wɔ na á bǐɛ̃ kɔ. Màn mɛn bɛ́ màn sonbore lɛa n din a kion, n din a kion kɛ nɛ, á kɔɔ̃n wɔ ganaa wɔ wɔa wɔ-gii yɛ bɛ nɛ taãn-taãnɛ.

Loen 68:19

Á dii lon, á minin kũ kòso nɛn lɛa. Minin nə́ gɔ ka màn gigiã nɛ, haalɛ a lɛ-tiilin dinin, màn mɛn bɛ́ toɛ, ǹ giã kun ka Dɛnaa Lawa nɛ.

Loen 79:9

Wɔ kirisibaali Lawa, n dɔ wɔ lɛ, n din tɔ a golebaa a lɛa. Wɔ si sii la, n wɔa sii baraan tuturu, n din tɔ a gugurubaa a lɛa.

Loen 86:3

Dɛnaa, makara bɔ ma ganaa. Man lɛ diɛ n din la baraabaraa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 62:6

Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

Luku 1:47

Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Luku 2:30

A giala, ma yii yɛ, n ná a giala kɔ n tá n minin nyin si ǹ dí lɛ nyɛɛ kəni.

Luku 2:37

Bɛ kio, á goã lɔ giɔɔrɔbaa nɛ, yǎa á zizi kɔ á woo dɔ lɛ̀ pɔkiwisiwensii. A goã soe doo á n boe Lawa a kion wa, a na á goã Lawa guguru koe tèlò laanka penleen ne, bɛ̀ a nə́ n lɛ soɛ á n Lawa nyankoe.

Tesaloniki1 3:10

Wɔ ǹ Lawa-nyankoe penleen laanka tèlò ne bɛ̀ wɔ n laa a ganaa, wáa a toa wɔ yii wusoo a kɔn yɛ, màn mɛn bɛ́ kaa golee Lawa li nyaabiɛ, wɔ boo la wɔ bɛ lɛ pã.

Timote2 1:3

Ma á barka diɛ Lawa-n parsiini, man dí nyɛɛ a din lɛ-n ka gɔ́ɔ̃ fubaa nɛ, ka ma digolon bɛ́ ǹ nə́ zɛnaa lɔn. Bɛ̀ ma á Lawa nyankoe lɔn baraabaraa nɛ, penleen ka tèlò ne, ma á n boo diɛ a nɛ, man barka diɛ nɛ.

Tiitii 2:10

Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.