Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!
«Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.
Sɛnɛ, nsɛ Dɛnaa Lawa, wɔa Lawa, wɔ kirisibaa Senankeribu ganaa, a gɔn nyan dɔ wɔ-a wa. Ka bɛ nɛ Dɛnaa Lawa, kanaa a gánan tumaa á re doɛ̃ mà n dinsɔɔ̃ n Lawa lɛa.»
Yezu tɔ́n pɛ nɛ: – Dí-pɛ mɛn a sii bɛ́ kaka á la ǹ miãn manɛ, bɛ n ka kɛ nɛ: «Izirayeli minin lɛn, ka n too kɔ: Dɛnaa, wɔa Lawa lɛ n Dɛnaa Lawa lɛa, goon toto.
N din dí nya, màn mɛn bɛ́ toɛ busulən nə kaka kɔ, kaãbaa ǹ sii dadara kɔsɔn nə n zɛnaa ka n din a dí-nyali Yezu kɛ tɔ barka nɛ, bɛ mɛn bɛ́ n din wɔ lɛa.
Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.
Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.
Lawa din na á goã dí nyɛɛ, á n pàã we ǹ siére lɛ nɛ, ka sii-nyaa ǹ siin dadaran laanka kaãbaa ǹ sii tɔrɔ tumaa nɛ. A na á goã Yiri Fu a bǐɛ̃ mànan dɔn koe minin la, á n kɔnpii a din dùũ ni.