Loen 85:6 - LAWA A BOO SONBORE

⁶ N foo die busi wɔ li miɛ̃ biikoo tumaa li, n foo n yoo-n wɔ li yǎa duduu?

LAWA A BOO SONBORE 2011

⁶ N foo die busi wɔ li miɛ̃ biikoo tumaa li, n foo n yoo-n wɔ li yǎa duduu?

Loen 85:6 ပူးပေါင်းရင်းမြစ်များ

Loen 138:7

Ta man nɔmaa bii, n din nə ma kanbiɛ, n tá maa zɔ́ɔn kɛn foo-busii toɛ ǹ gɔ́ɔ̃ nɛ. N din tá re ma kirisibiɛ, ka n din pàã nɛ.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 53:6

Bɛ lɛ nɛ, ǹ gɔ̀nɔn tá re bìn diɛ, gɔ̀nɔn bìn da ǹ sii dɔ na a ba ǹ yɔrɔ-a wa. Min mɛnɛn bɛ́ pàã nyɛɛ Lawa a zaman nɛ, Lawa á re bɛn wen sasawɛɛ. Lawa á re sìi diɛ ǹ ganaa, a giala, á ǹ tii.

Loen 71:20

N din a lɛa, má yɔrɔ-kɔsiɛ laanka nɔmaa gigiã yɛ. Sɛnɛ, n din tá re die n doe ma lɛ, n toa ma yii goã koo. N tá re die ma boe gɛ̀ li.

Loen 74:1

Asaafu a loe mɛn bɛ́ daraa koe minin la. Lawa, wàa na á baa, ń wɔ daa kɛnɛn ka lenlen? Wɔsɛn man ka tɔɔ kuru bɛ́ lɔn, n din nə wɔ lɛduə̃li lɛa, wàa na á baa, n foo á goɛ̃ yoo-n wɔ li kɛnɛn?

Loen 77:8

Dɛnaa n die wɔ daɛ yǎa duduu? A ba re bǐɛ̃ zɛnɛɛ wɔ-n doo wa?

Loen 80:18

N gɔn da minin kɛn la, giã nɛ n din gusin, a da n zaman kɛ la, a pàã n boe n din li.

Loen 90:14

Bɛ̀ lɛ̀ waa lɔn, n wɔ kã ka n kɔn-narɛɛ gole kɛ nɛ, ń giɛ wɔ foo á kɔɔ̃n koe, wɔ n nyɛnyɛɛ wɔa tá kanaa lɛawaa tumaa gɔ́ɔ̃ nɛ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Zeremii 3:5

Man nɔ̀n diɛ n din la: «A foo n tɔn yoo-n ma li duduu? A ba re a foo-yoo kɛ kurii masɛ ganaa wa?» N da ǹ boo n ka bɛ nɛ, sɛnɛ, n nə n tɔn woe nyɛɛnɛ sii baraa zɛnɛɛ.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.