Loen 84:9 - LAWA A BOO SONBORE

⁹ Dɛnaa Lawa, Lawa Pàãyiidɛnaa, n too kɔ maa nyankɔ li. Zakɔba a Lawa, n too da ma lon. Doa

LAWA A BOO SONBORE 2011

⁹ Dɛnaa Lawa, Lawa Pàãyiidɛnaa, n too kɔ maa nyankɔ li. Zakɔba a Lawa, n too da ma lon. Doa

Loen 84:9 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Samayeli2 23:1

Davida n Zesee a nɛgiĩ lɛa, a n min lɛa Lawa koa gole. Zakɔba a Lawa lɛ na á bɔ á koa kii lɛa. Izirayeli minin bɛ́ loe kɔɔ̃nɔn mɛnɛn loe, a din na á bɛn bɔ. Davida lɛ a boo giala nyɔmiɛ̃n man ka kɛn nɛ.

KZS2 6:42

Dɛnaa Lawa, n din kii mɛn bɔ ń koa, n baran n yɔrɔ bɔ bɛ la wa. N bǐɛ̃ mɛn zɛnaa n dí-nyali Davida nɛ, n yiri gisĩ bɛ nɛ!

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Loen 17:1

Davida a Lawa nyankɔ. Dɛnaa Lawa, sonbore pɛ n kɔ ma la! N too kɔ doɛ̃, n maa nyankɔ ma, ma nə n nyankoe ma gɔ́ɔ̃ n fu.

Loen 2:2

Kanaa lɛ a kiin nə́ n lɛ kaa kun, a min dadaran lɛn nə́ yoo Dɛnaa Lawa gialaa, kun ka a kii kɛ nɛ, á bɔ á koa.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 3:3

Min mɛnɛn bɛ́ pii maa wɔ gɔn la: «Lawa a re a kirisibiɛ wa,» bɛn tá mɔnaa-n parɛ. *Doa

Loen 59:11

Maa Lawa mɛn a minin narɛ bɛ́ gole, bɛ á re die ma li, á re toɛ ma maa zɔ́ɔn yɛ fɔ̃ gɔ́ɔ̃ nɛ.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Loen 89:20

Ǹ kɔn pinaa, ń nə́ n din nyaa, ń boo da n lɛ-silin man kɛnɛn: Má n dɔ giĩ foo taãnaa kɔn lɛ, má tɔntɔraa goon mìi saa lon, maa zaman lɛ bii.

Loen 98:1

Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

Nya ǹ dín 4:27

Sonbore, maǹ nə́ n lɛ kaa kun taãn-taãnɛ, Zeruzalɛmu kiwi kɛ lɛ nɛ, kii Erɔdi laanka kii gole Pɔnsi Pilati ni, kun ka tɔrɔ kɔsɔn laanka Izirayeli minin ni, ǹ nə́ n gòãn doa Yezu-a, Lawa din a dí-nyali sonbore ke, á bɔ a dí a lɛa.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Samayeli1 16:6

Ǹ bɛ́ ǹ nə́ dɔ, Samayeli Eliabu yɛ, á taasɛ mà Dɛnaa Lawa min mɛn bɔ, mà a din ni ke asɛ nyɛɛnɛ.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»