Loen 83:10 - LAWA A BOO SONBORE

¹⁰ Lawa, n sii mɛn zɛnaa Madiã minin ni, ka Sizeraa laanka Yavɛn nɛ Kisɔn tà lɛ-a, bɛ lɛ zɛnaa ǹ dɔn manɛ.

LAWA A BOO SONBORE 2011

¹⁰ Lawa, n sii mɛn zɛnaa Madiã minin ni, ka Sizeraa laanka Yavɛn nɛ Kisɔn tà lɛ-a, bɛ lɛ zɛnaa ǹ dɔn manɛ.

Loen 83:10 ပူးပေါင်းရင်းမြစ်များ

Kiin2 9:37

Zezabɛli gere tá re n biɛ ka tɔɔn bù bɛ́ lɔn wuru fúlu bii, Zizereyɛli tán la, yǎa min ba re boe la a pɛ mà Zezabɛli gere n ke wa.»

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Sofonii 1:17

Dɛnaa Lawa pɛ: Minbuiinin man nə́ sii baraa zɛnaa masɛ nɛ. Bɛ lɛ nɛ, man die koe boe ǹ ganaa. Maǹ die tɔ we ǹ nə́ tatalɛ ka yii tere-an bɛ́ lɔn. Maǹ die ǹ mà kiɛ tán bǎã tumaa nɛ ka tii bɛ́ lɔn. Ǹ gere á re boɛ̃ tán ka yisi bɛ́ lɔn.

Zozoe 17:11

Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Sii yɔrɔ-bɔlen 4:15

Dɛnaa Lawa mɛ a nyɛɛnɛ, á baa da Sizeraa gòã li, kɔnlɛ ka a ziabaa ǹ wotoron lɛn tumaa laanka a zia-baalin lɛn tumaa nɛ. Sizeraa din gisĩ á n bɔ a ziabaa ǹ wotoro la, á baa si ka a gòã nɛ.

Sii yɔrɔ-bɔlen 4:16

Baraki ziabaa ǹ wotoron lɛn laanka zia-baalin lɛn loo yǎa Arosɛti-Goyimu. Ǹ nə́ Sizeraa a zia-baalin lɛn tumaa dɛ. Min goon din la ǹ bii wa.

Sii yɔrɔ-bɔlen 5:21

Kisɔn tà mu nə́ ǹ goa á kiɛ̃ ǹ nɛ, lɛlɛ lɛlɛ tà, Kisɔn tà mu lɛ. Maǹ tɔ we sisia, nyɛ́ɛ ná a ba ma ganaa wa.

Sii yɔrɔ-bɔlen 7:25

Ǹ nə́ Madiã minin lɛn nyɛɛnaandɛnaa min paa kũ: Orɛbu laanka Zɛbu ni. Ǹ nə́ Orɛbu dɛ Orɛbu kele la, ǹ nə́ Zɛbu dɛ Zɛbu a rezɛ̃ mu bɔ ǹ yala kɛ lɛ-a. Ǹ nə́ Madiã minin lɛn kio loo miɛ̃, ǹ nə́ woo Orɛbu laanka Zɛbu mìi kɔ Zediɔ̃ la Zurdɛ̃ tà kio.

Samayeli1 28:7

Sayulu pɛ a dí-nyalin manɛ: «Lɔ mɛn nə́ ke boobaa ǹ dí nyɛɛ, ka ga bɛ li, ma die ma wo n gɔn koa la.» A dí-nyalin lɛn nə́ pɛ nɛ mà lɔ goon tá Ɛn-Dɔɔrɔ kiwi, nyín bíi.