Loen 82:3 - LAWA A BOO SONBORE

³ Ka kiri wɔ doɛ̃ pàãwɛɛnaa laanka nɛ toen wɔ paǹ li. Ka kiri pepere wɔ doobaa laanka nɔmaa-wɔle wɔ paǹ li.

LAWA A BOO SONBORE 2011

³ Ka kiri wɔ doɛ̃ pàãwɛɛnaa laanka nɛ toen wɔ paǹ li. Ka kiri pepere wɔ doobaa laanka nɔmaa-wɔle wɔ paǹ li.

Loen 82:3 ပူးပေါင်းရင်းမြစ်များ

Zɔbu 29:12

A giala, doobaa mɛn bɛ́ á goã n lɛ dii dɔmalɛ li, má n dɔ bɛ lɛ. Dɔmalɛ wole bɛ́ a goã nɛ toen mɛn la wa, má n dɔ bɛ lɛ.

Zɔbu 31:21

Bɛ̀ má n foo doa kiri-kurulin kɛn ganaa, má n gɔn saa nɛ toen li,

Loen 10:18

N din nə sonbore koe nɛ toen la, ka ǹ bɛ́ fuu nyɛɛ min mɛn dɔ nɛ. Bɛ lɛ n die toɛ minbuiin nɛ kooro kɔn ba re boe ǹ miã yii-n doo kanaa kɛ-n wa.

Bɔ bɛ̀rɛbaa nɛ 23:3

Ka baran boo da ka kaa pàãwɛɛnaa lon kiri wɔ ǹ bǎã-n wa.

Bɔ bɛ̀rɛbaa nɛ 23:6

«Ka baran mɛnaa doobaa la kiri wɔ ǹ bǎã-n wa.

Suusun 31:9

N lɛ bũ n kiri kuru ka peperebaa nɛ. Boo da nɔmaa-wɔlen laanka doobaan lɛa.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 22:16

A na á goã doobaan laanka nɔmaa wolen zia gii diɛ. A sii tumaa goã yɔrɔ yii. Bɛ lɛ bie masɛ Lawa doɛ̃ lɛa wa? Dɛnaa Lawa a da ǹ boo ne.

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Zeremii 5:28

Ǹ nə́ kã, ǹ wìi wɔ. Maǹ sii baraa zɛnɛɛ yǎa ǹ kiɛ̃ a dan la. Sɛnɛ ǹ sii tumaa n bǐɛ̃ koe. A da yaa ǹ ba nɛ toen a zia gii diɛ wa, ǹ ba kiri pepere we doobaan lɛa wa.

Zakarii 7:9

«Dɛnaa Lawa Pàãyiidɛnaa n ke pii: Ka kiri pepere wɔ, ka goã min sonboren lɛa, kɔn-narɛɛ n ka bii.

Timəə dí-pɛn 10:18

A din nə boe nɛ-toenən laanka lɔ giɔɔrɔn lɛ-a, a n gùlin narɛ, a màn-bii laanka wɔ ǹ mɔnaa kɔ ǹ la.

Timəə dí-pɛn 24:17

Ka nyan sii kɔkɔrɔ zɛnaa ka mɛnaa gùli laanka nɛ toen la wa. Ka baran lɔ giɔɔrɔ a mɔnaan si la giɔ̀mɔ lɛ koa ǹ màn lɛa wa.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.