Loen 81:12 - LAWA A BOO SONBORE

¹² Sɛnɛ, maa zaman lɛ nə n too kɔ maa lɛ-dia ganaa wa. Izirayeli mà a ba ma li wa.

LAWA A BOO SONBORE 2011

¹² Sɛnɛ, maa zaman lɛ nə n too kɔ maa lɛ-dia ganaa wa. Izirayeli mà a ba ma li wa.

Loen 81:12 ပူးပေါင်းရင်းမြစ်များ

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Kiin2 18:12

A giala Izirayeli minin lɛn man nə n too kɔ ǹ Lawa, Dɛnaa Lawa lɛ lon wa. Ka bɛ dɔ nɛ, ǹ ná a lɛ kɔ kɔn la lɛ ziziɛ̃. Dɛnaa Lawa a dí-nyali Muizu goã á màn mɛn yii pɛ, ǹ nə n too kɔ bɛ-a wa, ǹ kɔ lɛ dɔn wa.

Nehemii 9:16

Sɛnɛ wɔ digolon lɛn nə́ n dinin gole kɔ, ǹ nə́ n too laa, ǹ nə n too kɔ ǹ gɔn waa ǹ boon lɛn ganaa wa.

Zɔbu 8:4

Bɛ̀ n nɛnyaanan nə́ sii la Lawa la, ǹ sii mɛn zɛnaa, bɛ lɛ a gɛ̀ na á ǹ dɛ.

Bɔ bɛ̀rɛbaa nɛ 11:9

Dɛnaa pɛ Muizu-n kɛnɛn doo: «Faarahɔn ba re n too koe ka lon, a toa ka woo wa, bɛ á re toɛ man din pàã gole kɛ nyaa gána kɛ gɔ́ɔ̃ nɛ, ma wo-n nyɛɛnɛ.»

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 30:9

Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

Izayii 42:24

Min mɛnɛn nə Zakɔba a zaman gɔn mànan si, die na á ǹ wɔ bɛn gɔn? Min mɛnɛn nə Izirayeli kokoo, die na á ǹ wɔ bɛn gɔn? Dɛnaa Lawa bie wa? A giala, mà wɔ n wɔ́ sã a ganaa. A zii mɛn nyaa a zaman nɛ, ǹ kɔ bɛ lɛ wa, a dí-pɛ mɛn kɔ ǹ la, ǹ kɔ lɛ wa.

Zeremii 42:21

Sɛnɛ pelo, man Dɛnaa Lawa, wɔa Lawa a boo binyəə koe ka la. Sɛnɛ, a boo mɛn yii da ma nɛ, ka a n too koe ǹ kɔn li wa.

Zeremii 7:24

Sɛnɛ, ǹ nə n too kɔ wa, ǹ nə n too da wa. Ǹ nə́ golee li mà ǹsɛn man koe ǹ taasiɛ bɔbɔnɛɛn lɛn lɛ, ka ǹ foo a baraabaa kɛ nɛ. Màn mɛn tá a ganaa ǹ nə n yɔrɔ dia ma la, maǹ nə́ n dɔ̀ɔ̃ wɔ ma nɛ.

Ezekieli 20:8

«Sɛnɛ, ǹ nə́ n gòãn dii ma ganaa, ǹ lɛ kɔ ǹ nə́ n too kɔ ma lon wa. Màn bɔbɔnɛɛn mɛnɛn bɛ́ ǹ yɔrɔ-a, min kɔn na a wɔn kaa wa, ǹ Ezipti minin dìn kɛn toa walan wa. Má tɔ́n pɛ ma din gɔ́ɔ̃ nɛ, máa ma foo mɛn yoo ǹ li ke, máa yǎa ma dɔlɔ diɛ ǹ mìi ni, yǎa man foo nyɛɛ ǹ la Ezipti gána lɛ din gɔ́ɔ̃ nɛ.

Ozee 9:17

Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

Lawa a wúlu-bɔlen 26:14

Sɛnɛ, bɛ̀ ka n too kɔ masɛ lon wa, bɛ̀ ka dí-pɛn kɛn lɛn tumaa a sii zɛnaa wa,

Nya ǹ dín 14:16

Lɛlɛ á tɔrɔn tumaa toa walan, didie kɔ a din a zii lɛ.

Nya ǹ dín 7:42

Bɛ lɛ na á toa, Lawa tɔ́n nə n yɔrɔ bɔyaa á bɔ ǹ la, á ǹ toa ǹ nə́ leeren guguru kɔ. Ka a bɛ́ á n kiɛ̃ Lawa a boo gii-dalin sɛ́wɔ-n lɔn: «Kasɛn Izirayeli minin, lɛ̀ pusi gɔ́ɔ̃ nɛ don bii, ka tɔɔn bɔ *wúlu mànan lɛa, sɛnɛ, ka bie ká ǹ bɔ masɛ ganaa wa.

Rɔmu minin 1:24

Bɛ lɛ na á toa, Lawa nə́ ǹ toa bɛa sii gɔgɔrɛ zɛnaan kɛn lɛn nɛ, á kɔnpɛ ǹ dinin foo dùũsiin ni, màn mɛn bɛ́ toɛ, ǹ sàn kɔ ka ǹ dinin gɔ̀nɔn nɛ.

Samayeli1 8:19

Sɛnɛ zaman lɛ nə́ piã, ǹ Samayeli bɔlɔ si wa. Ǹ nə́ pɛ: «Haayii! Kii n die goɛ̃ wɔsɛn lon.