Loen 80:9 - LAWA A BOO SONBORE

⁹ N din nə́ ń Izirayeli woɛ̃ Ezipti, ka da nɛ-kɔle bɛ́ lɔn, ń tɔrɔ kɔsɔn loo, ń wusoo ń zumu.

LAWA A BOO SONBORE 2011

⁹ N din nə́ ń Izirayeli woɛ̃ Ezipti, ka da nɛ-kɔle bɛ́ lɔn, ń tɔrɔ kɔsɔn loo, ń wusoo ń zumu.

Loen 80:9 ပူးပေါင်းရင်းမြစ်များ

Samayeli2 7:10

Ma din ni má bǎã kɔ maa zaman Izirayeli minin lɛn la. Ma á re ǹ gòãn woe tán walan, màn mɛn bɛ́ toɛ ǹ giã a nɛ, sii kɔn ná a nyɛ́ɛ diɛ ǹ ganaa wa. Min baraan kɛn ba re wusii doo ǹ fuu nyaa ǹ nɛ ka lɛlɛ wɔ kɛ bɛ́ lɔn wa,

Kiin1 4:20

Zudaa gána minin laanka Izirayeli minin lɛn nə́ goã mɔnaa nɛ parsiini ka kɔ̀ mu lɛ-a ǹ nyɔɔsɔ̃ nɛ. Ǹ nə́ goã màn bii, màn mii ǹ foo yii n kɔɔ̃nɛ.

KZS1 21:5

Zoabu daa zaman nimii lɛ a minbuiin lɛ pɛ Davida nɛ. Izirayeli tumaa na á goã giĩ pùru goon ka duu paabiɛ (1 100 000) ǹ tumaa n boe la ǹ gɔya wɛ̃ ǹ wo zia baa. Zudaa dɔ n giĩ duu biɛsiipɔsɔbaa (470 000) ǹ mɛnɛn bɛ́ boe la ǹ gɔya wɛ̃ ǹ wo zia baa.

Loen 105:44

Á tɔrɔ kɔsɔn tánan si, á ǹ kɔ ǹ la, á bɛn dí a là kɔ ǹ la, mà ǹ bii.

Loen 44:3

N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Izayii 27:2

Bɛa pinaa, ka loe lɔ duvɛ̃ kɔɔ̃n *rezɛ̃ da wuru kɛ wɔ lɛa.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 37:31

Zudaa gána minin mɛnɛn yii goã koo, bɛn tá re goɛ̃ ka dan bɛ́ lɔn. Ǹ tá re gòon diin boe, ǹ wɔ tán. Ǹ gùrùn tá re nɛ koe.

Izayii 5:2

Á wuru lɛ kɔsɔ. Kɔlɔn mɛnɛn bɛ́ a nɛ, á bɛn waa, á da tɔrɔ sonboren zumu a nɛ. Á sanabolo dɔ a nɛ, bǎã-lɛduəlin wɔ lɛa, á rezɛ̃ mu bɔ ǹ bǎã fɔ̃. A na á goã n yii diɛ rezɛ̃ nɛ sonbore la. Sɛnɛ, *rezɛ̃ da lɛ nɛ mɛn kɔ, nɛ pipiã nɛ.

Zeremii 12:2

Ń nə́ ǹ zumu, ǹ gòonən nə́ wɔ tán, ǹ nə́ gole kɔ ǹ nə́ nɛ kɔ. Ń tɔ nə ǹ lɛ-n biikoo yii li, sɛnɛ, ǹ foo wɔlɔ n sɔsɔɔ n ganaa.

Zeremii 2:21

Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

Zozoe 24:12

Má yirigisiĩn dia ka nyɛɛnɛ, bɛn nə́ kaa zɔ́ɔn lɛn loo ǹ nə́ ǹ bɔ ka nyɛɛnɛ, ka a bɛ́ á n zɛnaa Amɔɔrɔ kii min paa kɛ-n lɔn. Ka bie ka bɛ zɛnaa ka kaa gɔya san nɛ wa, ka bie ka zɛnaa ka kaa san nɛ wa.