Loen 8:4 - LAWA A BOO SONBORE

⁴ Bɛ̀ má ga lon ganaa, n din gɔn dí kɛ lɛ, n mui laanka leeren mɛnɛn kaa lon,

LAWA A BOO SONBORE 2011

⁴ Bɛ̀ má ga lon ganaa, n din gɔn dí kɛ lɛ, n mui laanka leeren mɛnɛn kaa lon,

Loen 8:4 ပူးပေါင်းရင်းမြစ်များ

Siin Giala 1:1

Lɛlɛ-lɛlɛ Lawa na á lon laanka kanaa da.

Siin Giala 1:14

Lawa tɔ́n wusoo á pɛ kɛnɛn: «Folon-kaalin nə bɔ lon gɔ̀nɔn ganaa, ǹ lɛawaa laanka tèlò a bɔkɔnlɛ nyaa. Ǹ nə n baa biikoo nyaa ǹ mànan lɛa, ǹ zɔ́n biikoon nyaa, ka lɛawaan laanka lɛ̀n nɛ.

Siin Giala 19:35

Bɛ dɔ a pinaa tèlò-n, ǹ nə́ yɔ kɔ ǹ di lɛ la á mi. Kiɛɛrɛdɛnaa lɛ dɔ́ woo waa piì-n kun ni. Sɛnɛ, a da waa tán waáraa nɛ, ka a yoo waáraa nɛ, min mɛn bɛ́ nɛ, ǹ di lɛ dɔ̃ wa.

Siin Giala 21:1

Lawa daa á n dɔ Saaraa lɛ, ka a bɛ́ á pɛ-n lɛlɛ lɔn. A n lɛ kɔ la ka sii mɛn nɛ, á bɛ lɛ zɛnaa.

KZS2 6:18

Lawa á die boe la sonbore a tán baa a giã ǹ bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Zɔbu 25:6

n tɔn minbuiin nɛ pɛ, bɛa nyuun kɛ lɛ, minbuiin nɛ kɛ lɛ ka nyuun bisin bɛ́ lɔn.»

Zɔbu 7:17

Minbuiin nɛ n wàa lɛa, n tɔn na a sii baa sii gole lɛa? A n wàa lɛa, n tɔn nə n parsii bɔ li kɛnɛn?

Loen 106:4

Bɛ̀ ń daa n yɔrɔ bǐɛ̃ da n zaman la kaa, Dɛnaa Lawa, n yiri koa ma nɛ. Bɛ̀ n tá re sii bɛ̀rɛbaa kɛ la, toa n ga masɛ dɔ a sii walan.

Loen 136:5

A din yiri lɛ na á lon da, a kɔn-narɛɛ a nyɛɛ duduu wa.

Loen 136:9

Á mui laanka leeren koa tèlò mìi la, a kɔn-narɛɛ a nyɛɛ duduu wa.

Loen 144:3

Dɛnaa Lawa, minbuiin nɛ n wàa lɛa, n tɔn nə n yiri koa li? Minbuiin nɛ n wàa lɛa, n tɔn nə n taasɛ ka a sii ni.

Loen 146:3

Ka baran n foo doa pàãdɛnan ganaa wa, minbuiin nɛn manɛ, ǹ ba boe la ǹ ka kirisibaa wa.

Loen 19:2

Lon nə Lawa a tɔ golebaa laakalɛɛ, lon gɔ̀nɔn na a nya ǹ dí nyɛɛ.

Loen 4:2

Ee Lawa, n din mɛn bɛ́ sii doɛ̃ ma la. Bɛ̀ ma á n bíi we, n ma lɛ si. Má goã fuu-n lɛlɛ, n din piɛ̃ kaa ma-a. Makara bɔ ma-a doo, n maa nyankɔ si.

Loen 80:17

Á ke, ǹ nə́ tɛ da a ganaa, ǹ nə́ kuru. N din bɛ́ re baraa mɛn zɛnɛɛ bɛa minin kɛn lɛn manɛ, toa ǹ papaã bɛ gɔ́ɔ̃ nɛ.

Loen 96:5

Tɔrɔ kɔsɔn bɛ́ mànan mɛnɛn guguru koe, bɛn man màn kooron lɛa. Sɛnɛ, wɔsɛn Dɛnaa Lawa lɛ na á lon zɛnaa.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Izayii 40:17

Tɔrɔn tumaa a kaa kun ba màn kɔn lɛa Dɛnaa Lawa yɔrɔ-a wa. Ǹ ba màn kɔn lɛa a yii li wa. Maǹ piɛ̃ lɛa a yɔrɔ-a.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Ezekieli 8:15

Á tɔ́n pɛ ma nɛ: «Minbuiin a nɛ, táa n kɛ yɛ? N tá re sii bɔbɔnɛɛ kɔsɔn yii doo, ǹ nə́ dadara ǹ nə́ la kɛn manɛ.»

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Luku 1:68

«Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.